မြင်လိုက်ရတဲ့ မြင်ကွင်းက
စိတ်ကို ထုနှက်ရုံတင် မဟုတ်
အတိတ်ကံ ဆိုးရွားမှုကိုပါ လှစ်ဟ ပြလိုက်သေး
ကြားလိုက်ရတဲ့ အသံနဲ့ သတင်းက
ကိုယ့်နားရွက်ကို ကိုယ် ဖြတ်ပစ်ချင်လောက်အောင်
အကုသိုလ် ရေချိန်ကို ထိုးတက်စေခဲ့
လှုပ်ခတ်လွန်းလို့
မုန်တိုင်းလို့ အမည် မတပ်ပါနဲ့
ပင်လယ်ရေမျက်နှာပြင် နဲ့ လည်း
လယ်ဗယ် လာမညှိပါနဲ့
တိုချင်တို ရှည်ချင်ရှည်
ပေတံတွေကို စာရွက်ပေါ်မှာပဲ သုံးကြပါ
လောကကြီးနဲ့ တွဲချုပ်ထားမှတော့
ဒီဘ၀ရဲ့ အစီအစဉ်တွေကို
ကြည်လင်အောင် ဖမ်းမိဖို့ မလွယ်လှဘူး
ဘယ်ဘက်မျက်လုံးမှာ လာငြိတဲ့
ပင့်ကူအိမ်
ညာဘက်လက်ကို လာငြိတဲ့
ဆူးခြုံ
ဘကုန်းကို ကျင်လည်စွာသုံးပြီး
အာဟာရ ဖြည့်တင်းနေရတဲ့ ဒီခေတ်ကြီးမှာ
ဘ၀က ဘုန်းဘုန်းလဲချင်နေပြီ။
မိုးအိမ်လူ
No comments:
Post a Comment