ကျူးကျော်မှုများနှင့် ကျူးကျော်ခံရမှုများ တို့နှင့် ဆက်စပ်လျက်

တိမ်တိုက်တွေ ရွေ့လျားနေသည်။ မြင်နေရပါသလား။ ထိုအရာများသည် တိမ်တိုက်များ ဟုတ်ပါသလား။ တိမ်တိုက်ဆိုတာ ဘာပါလဲ။
တိမ်တိုက်။ ငွေ့ရည်တွေ နဲ့ ဖွဲ့တည်ထားတဲ့ တိမ်တိုက်တွေ။ အခိုးအငွေ့တွေနဲ့ ဖွဲ့တည်ထားတဲ့ တိမ်တိုက်တွေ။ အခု ။ လက်ရှိ။ ခေတ်။
အဆိပ်ငွေ့များဖြင့် ဖွဲ့တည်ထားတဲ့ တိမ်တိုက်တွေ။ ရွေ့လျားနေပါသည်။ ခင်ဗျားတို့ ခေါင်းပေါ်မှာ။ ကျုပ်တို့ ခေါင်းပေါ်မှာ။
ငွေ့ရည်တွေ တင်းပြည့်ကျပ်ပြည့် ဖွဲ့တည်ပြီးနောက် ပြိုကျ ရွာကျလာခြင်းဖြစ်စဉ်။ အက်ဆစ်မိုးများ။ ကမ္ဘာမြေပေါ်သို့။ မြေကမ္ဘာပေါ်သို့။
သို့မဟုတ်။ ခင်ဗျား တို့ မြေပေါ်သို့။ ကျုပ်တို့ မြေပေါ်သို့။ ခင်ဗျား ပိုင်တဲ့ ခင်ဗျား ချစ်လှပါပြီရဲ့ ဆိုတဲ့ မြေပေါ်သို့။ ကျုပ် ပိုင်တဲ့
ကျုပ် ချစ်လှပါပြီရဲ့လို့ နှလုံးသားနဲ့ ဟစ်ကြွေးထားတဲ့ ကျုပ်ရဲ့ အမိမြေပေါ်သို့။

ခေတ်မီ ခြင်း။ ဖွံ့ဖြိုးတိုးတက်ခြင်း။ သိပ္ပံ ။ နည်းပညာ။ တီထွင်မှု။ ဘေးဘီမကြည့်။ စမ်းသပ်မှု။ စွမ်းအင်။ နိုင်ငံ ဘဏ္ဍာ။ ပြည်သူ့ ဘ၀
တိုးတက်ရေး။ လိုအပ်ချက်များ ဖြည့်ဆည်းရေး။ မလိုအပ်ချက်များ ဖြည့်ဆည်းသယောင်ဆောင်။ အိတ်ကပ်ထဲ လက်လျှိုထည့်သော
လူသတ်စက္ကူ။ အတ္တ။ လောဘ။ သူတည်းတစ်ယောက် ကောင်းဖို့အရေး။ အစရှိသဖြင့် ကောင်းခြင်း ဆိုခြင်း မြစ်ဖျားခံ အကြောင်းတရားများ
ဖွဲ့တည်လာမှုနှင့် အကျိုးဆက်များ။ ကမ္ဘာမြေကို အမဲဖျက်သလို ဖျက်ဆီး။ သယံဇာတတွေကို အတုံးလိုက် အတစ်လိုက် ။
နာဇီ အဆိပ်ငွေ့စခန်းတွေထက် ဆိုးတဲ့ ။ ဒီလိုနဲ့ ကိုယ့်ခြံမြေမှာ သုတ်သင်စရာ နွားတွေ မြေတွေ မ၇ှိတဲ့အခါ...။

ခင်ဗျား ခြံစည်ရိုးက ခိုင်မာပါရဲ့။ ခင်ဗျားကြီးက ပညာရှိပါရဲ့။ ခင်ဗျားကြီးက ချမ်းသာကြွယ်ဝလွန်းပါရဲ့။ ဒါပေမယ့် မနက်တိုင်း ညနေတိုင်း
ခင်ဗျားအိမ်မှာ အမှိုက်ပုံ မီးရှို့တဲ့ မီးခိုးတွေက ကျွန်တော့်အိမ်ကို လာလာမွှန်တယ်။ မနက်တိုင်း ညနေတိုင်း ခင်ဗျား အိမ်နောက်ဖေးက
ထွက်လာတဲ့ အညစ်အကြေး ရေပုပ်တွေက ကျုပ်အိမ်ထဲ စီးဝင်တယ်။ မနက်တိုင်း ညနေတိုင်း ခင်ဗျားအိမ်က ဗရုတ်ကျ တေးသီချင်းတွေ
ယုတ်ကြမ်းစကားလုံးတွေ က ကျုပ်အိမ်ထဲကို ၀င်ဝင်လာတယ်။ ကြာလာရင် ကျူပ်သားသမီးတွေ ခင်ဗျားတို့လို စိတ်ယုတ်စိတ်ကြမ်းတွေ
ဖြစ်ကုန်တော့မယ်။ မနက်တိုင်း ညနေတိုင်း ခင်ဗျားနဲ့ ခင်ဗျား မိတ်ဆွေတွေရဲ့ ကားအကောင်းစားကြီးတွေက ကျုပ်အိမ်ရှေ့တံခါးကို
လာလာပိတ်ရပ်တယ်။ မနက်တိုင်း ညနေတိုင်း..............................................................................................။

တစ်ချိန်က သပ်လျှိုသွေးခွဲမှုတွေနဲ့ ဖိနှိပ်ထားတယ်။ အခုတော့လူကြီးလူကောင်းတွေလို ခွင့်လွှတ် စာနာမှုတွေ အယောင်ပြတယ်။
လမ်းပေါ်တက်ဖို့ ခြေထောက်ကို ပြင်ရုံရှိသေးတယ် ကမ္ဘာကြီးက ကျန်းမာရေး မကောင်းတော့ဘူးတဲ့။ ခြေလှမ်းတွေ အိမ်ထဲ ပြန်လှည့်။
ကိုယ့်အိမ်ကိုယ် ပြန်ပြင်။ ဘယ်အချိန်မှာ ကြွယ်ဝမှာလဲ။ အခုတော့ အလံတွေ လာလာစိုက်။ အားပေးနေတာပါ။ အခုတော့ အလံတွေ
လာလာစိုက်။ ကူညီပေးနေတာပါ။ အခုတော့ အလံတွေ လာလာစိုက်။ ထောက်ပံ့ပေးနေတာပါ။ အခုတော့ အလံတွေ လာလာစိုက်။
လက်ကမ်းပေးနေတာပါ။ အခုတော့ အလံတွေ လာလာစိုက်။

မီးခိုးတွေ ခင်ဗျား ခေါင်းပေါ်မှာ တိမ်တိုက်တွေ အဖြစ်
အဆိပ်ရည်တွေ ခင်ဗျား ခြေထောက်အောက်မှာ မြေဆီလွှာတွေ အဖြစ် ရေကြောတွေ အဖြစ်
လက်တွေ ခင်ဗျား အိတ်ထောင်ထဲမှာ ကာကွယ်သူ အဖြစ် စောင့်ရှောက်သူအဖြစ်
ယဉ်ကျေးမှုတွေ ခင်ဗျားစိတ်ထဲမှာ ခေတ်မီမှု အဖြစ် အမြင်ကျယ်သူအဖြစ် အယောင်ဆောင် ဖျက်စီးနေတယ်။

နေမကောင်းရင် ဆေးခန်းပြဖို့ ပိုက်ဆံ မတွန့်တိုပါနဲ့။
ခင်ဗျားအိမ်မှာ ညစ်ပတ်နေရင် သန့်ရှင်းရေး လုပ်ဖို့ မပျင်းပါနဲ့။
ခင်ဗျားတို့ အိမ်ကို တင်တင်စီးစီး ဆက်ဆံနေတဲ့သူတွေကို တွန်းလှန် တိုက်ခိုက်ဖို့ မကြောက်ရွံ့ပါနဲ့။
အယောင်ဆောင် နောက်ကျောထိုးမယ့်ဓားတွေကို စာနာမသနားပါနဲ့။
ကျွန်တော်တို့ လက်တွေ အတွဲညီပါစေ။
ကျွန်တော်တို့ သီချင်းတွေ သာယာ ငြိမ့်ညောင်းပါစေ။
ကျွန်တော်တို့ အဖေအမေတွေ ကောင်းစွာ ဘုရားဝတ်ပြုနိုင်ပါစေ။
ကျွန်တော်တို့ သားသမီးတွေ အိပ်မက်ကောင်းမက်နိုင်ပါစေ။


မိုးအိမ်လူ
၂၀ နိုဝင်ဘာ ၂၀၁၁
ဆယ်နာရီ ထိုးပြီး တစ်မနစ်

သုတေသန လုပ်သင့်တဲ့ သုတေသန

ဖြစ်တည်မှု တစ်ခုအနေနဲ့ တွက်ကြည့်လိုက်ရင် ဘီစီ ဘယ်လောက်က ဘယ်သူဆိုလား ရောက်ရာပေါက်ရာ တောခြစ်တောင်ခြစ်တွေ
ခြစ်ပြီး ။ အဲ့ဒါကို အေဒီ ဘယ်လောက်က ဘယ်သူဆိုလား ဘွဲ့ငါးခုခြောက်ခု ယူပြီး သုတေသန လုပ်တော့။ ဆိုလိုတာက ဘာအတွက်။
ပြောနေလို့ မထူးပေမယ့် ပြောလက်စတွေ က ထပ်ကာ ထပ်ကာ ဆက် ဆက်လာ တော့။ စကားမစပ် မနေ့ညက မိုးရွာတယ်။ ဘာကြောင့်။
သုတေသန လုပ်မလားလို့ မေးနေတာ ဘယ်သူ။
အခုချိန်က နွေဦး လဆန်း သုံးရက်နေ့။

@

ပေါက်တက်ကရ တေးသီချင်းတွေ တကြော်ကြော် အော်ဆိုကြတယ်။ လယ်ကွင်းတွေထဲကနေ ရွာလမ်းအထိ။ လမ်းကြိုလမ်းကြားကနေ
မြို့လယ် လမ်းမကြီး အထိ။ ရွေ့လျားလာတာ။ ဘယ်သူတွေ သယ်လာသလဲ။ ဘယ်သူမှ မသယ်ဘူး ။ စိတ်တွေက သယ်လာတာ။
သုတေသန လုပ်ဖို့ အစိုးရကို တင်ကြည့်တော့ နိုး နိုး နိုး။ အရေးမပါဘူး။ တိုင်းပြည်တစ်ခု ဖွံ့ဖြိုးတိုးတက်ဖို့ အရေးမပါဘူး။ အဲဒီတော့
အရာမလုပ်နိုင်ဘူး။ အရေးတယူ အရာမလုပ်နိုင်ဘူး။ နောက် ငါးနှစ်ကြာတော့ အိမ်နီးချင်းတိုင်းပြည်ဟာ သုတေသန တစ်ခုကြောင့်
ကိုယ့်ထက် ကြွယ်ဝသွားလိုက်တာ သူတောင်းစား မရှိ တဲ့ တိုင်းပြည်ဖြစ်သွားတယ်။ ပေါက်တတ်ကရ တေးသီချင်းတွေ တကြော်ကြော်
အော်ဆိုကြတယ်။ ကမ္ဘာအနှံ့။

@

တကယ်က ဒါက သိပ်တော့မလိုအပ်လှဘူး။ ခါးလှဖို့ မတွေးရဲ ၀မ်းဝအောင် ရုန်းနေရတဲ့သူတွေအတွက်တော့ သိပ်တော့ အရေးမပါလှဘူး။
ဒါပေမယ့် သိတဲ့အတိုင်းပဲ ။ အရေးလုပ်နိုင်တဲ့သူ လုပ်မှ အရေးမလုပ်နိုင်တဲ့သူတွေ အခြေမြင့်မယ့် ကိစ္စရပ်မျိုးထဲမှာ။ ကွင်းဆင်းဖို့ ကိစ္စ
စာရွက်ပေါ်တင်ဖို့ ကိစ္စ ဖြန့်ဝေဖို့ ကိစ္စ ။ တသီတတန်းကြီးကြားထဲ ဘယ်သူ ၀ါသနာ ရှင်လဲ။ နိုဗယ်ဆု မှန်းသလား။ အခြား အဖွဲ့အစည်း
တွေက ပေးတဲ့ ဆုတွေ မှန်းသလား။ ပရောဂျက်အောင်မြင်ဖို့ မှန်းသလား။ မှန်းချက်က နှမ်းထွက်ရင် ကောင်းသလား။ နှမ်းထွက်အောင်
လုပ်တဲ့ မှန်းချက်မှ မဟုတ်ဘဲ။ သုတေသန။ ဘာလဲ။ အဲဒီစကား ရှင်းရှင်းပြောစမ်း။

@

ဒီမိုကရေစီ ဖွံ့ဖြိုးဖို့ အကောင်အထည်ပေါ်ဖို့ လက်တွေ ကမ်းကြ။ ကမ်းထားတဲ့ လက်တွေ စုစည်းကြ။ ပြီးရင် အဲဒီကို မြှင့်တင်ပေးကြ။
ဘာကိုလဲ သုတေသန။ ဘာကို လုပ်မှာလဲ။ ဘယ်မှာလဲ။ ဒီမှာလား။ ပုံလို့။ တောင်ပုံရာပုံလောက်တော့ သနားတယ်။ လုပ်ကြ ကိုင်ကြ။
ဖွင့်ကြ တံခါးတွေ။ ထုတ်ကြ လှေကားတွေ။ ဦးတည်ချက်ကို သေချာပြော။ ရမယ့် ရလဒ်ကို သေချာပြော။ ဖြစ်နိုင်ချေကို သေချာပြော။
သေချာပြောလို့ သေချာမဖြစ်နိုင်တာကိုလည်း သေချာပြော။ ပြောစရာရှိတာ အကုန်ပြော။

@

ကျွန်တော်တို့မှာ နာမကျန်းဖြစ်နေတဲ့ မြစ်ကြီးလေးစင်းနဲ့ အခြားသော မြစ်အသွယ်သွယ်တို့ ရှိကြပါသည်။
ကျွန်တော်တို့မှာ ခုတ်ထစ် သုတ်သင်ခံရသော ဒုက္ခတိ သစ်တောများ ရှိကြပါသည်။
ကျွန်တော်တို့မှာ သွေးစုပ်ခံခဲ့ရသော မြေဆီလွှာ အထပ်ပေါင်းများစွာ ရှိကြပါသည်။
ကျွန်တော်တို့မှာ ........... ................................................................... ရှိကြပါသည်။
ကျွန်တော်တို့မှာ ........... ................................................................... ရှိကြပါသည်။
ကျွန်တော်တို့မှာ ........... ................................................................... ရှိကြပါသည်။
ကျွန်တော်တို့မှာ ........... ................................................................... ရှိကြပါသည်။
ကျွန်တော်တို့မှာ ........... ................................................................... ရှိကြပါသည်။
......................
......................
.....................
သုတေသန ပြီးလျှင် ထပ်မံ သုတေသနဖို့ သုတေသန စရာများ များစွာ ရှိနေပါသည်။

@ @ @

မိုးအိမ်လူ

၁၉ နိုဝင်ဘာ ၂၀၁၁

ကိုးနာရီ ငါးဆယ့်သုံးမိနစ်

ကဗျာအတွက် စကားလုံးများ လိုအပ်ခဲ့သည် ရှိသော်

ဒါဟာ ကဗျာပဲ တဲ့လား

စကားလုံးများ

အကျိုးအပဲ စကားလုံးများ

အောက်ပါ စကားလုံးတို့မှ

သင်နှစ်သက်ရာ စကားလုံးများကို ရွေးနှုတ်၍

သင့်စိတ်ကြိုက် ကဗျာတစ်ပုဒ် ဖန်တီးနိုင်ပါသည်

သစ္စာတရား။ မေတ္တာတရား။ အချစ်။ အလွမ်း။

ကြေကွဲစရာ။ လပြည့်ည။ လရောင် ရွှန်းမြ။

မှောင်မိုက်ခြင်း။ အတ္တ။ တိတ်ဆိတ်မှု။ ဆူညံမှု။

သီချင်း။ ကဗျာ။ အိပ်မက်။

ဆွေးမြေ့နေသော။ ပူလောင်လွန်းသော။

မိုးနေ့တစ်နေ့။ နှင်းငွေ့ဝေေ၀။ ကန်ရေပြင်။

ပြတင်းပေါက်။ တံခါး။ မွန်းကြပ်မှု။ ပေါက်ကွဲမှု။

ချစ်ခြင်းများစွာဖြင့်။ သတိရခြင်းများစွာဖြင့်။

အမိုက်မ။ အသည်းခွဲဘုရင်မ။ မိန်းမ။ ကောင်မလေး။

အဆင်မပြေဘူး။ နေလို့ မကောင်းဘူး။ ဆေးလိပ်။

မှတ်ချက်။  ။

ယနေ့ ကဗျာဆရာတော်တော်များများ

အသုံးများသော စကားလုံးများကို

ရွေးချယ်ထားခြင်း ဖြစ်သည်။

သင်စိတ်နှင့် မကိုက်ညီ၍ အခြားစကားလုံးမှာ မှာယူလိုသော်

www.myanmarpoetrywords.com တွင်

လာရောက် မှာယူ နိုင်ပါသည်။

မိုးအိမ်လူ

19.11.2011