Monday, November 10, 2014

အခွင့်အရေးတို့မည်သည် ဘယ်တော့မှ နှစ်ခါပြန်မရ


နေမ၀င်ခင်
စကားတွေ အကုန်ပြောခဲ့ပါ
အစားကို လျှော့စား
စကားကို ကုန်အောင်ပြောခဲ့ပါ
ပြောပါများလွန်းလို့ စကားတွေ ဆက်ရနေလည်း
စကားကို ကုန်အောင်ပြောခဲ့ပါ
စကားစကား ပြောပါများလို့ စကားထဲက ဇာတိ တွေ မွေးရပ်မြေတွေ ပြနေလည်း
စကားကို ကုန်အောင်ပြောခဲ့ပါ
စကားကျွံလို့ နှုတ်မရသည့်တိုင် အဆုံးထိ ကျွံဝင်သွားပါစေ
စကားကို ကုန်အောင်ပြောခဲ့ပါ
စကားနောက် တရားတွေ အထွေးလိုက်ပါလာအောင်
စကားကို ကုန်အောင်ပြောခဲ့ပါ
စကားလွန်လို့ ကျွန်ဖြစ်သွားလည်း ကျွန်သူပုန်ဖြစ်သည့်တိုင်အောင်
စကားကို ကုန်အောင် ပြောခဲ့ပါ
လျှာ ပြတ်ကျသည့်အထိ
စကားကို ကုန်အောင်ပြောခဲ့ပါ
လျှာ ပြတ်ကျသည့်တိုင် အွန်လိုင်းမီဒီယာနှင့် အွန်ပရင့် မီဒီယာများတွင် စာရေး၍
စကားကို ကုန်အောင်ပြောခဲ့ပါ
နောက်ဆုံးထွက်သက်ရောက်၍ ဘာမှမပြောနိုင်တော့ပြီ ဆိုလည်း
အ အာ အိ အီ အေ အဲ အော အော် အံ အဲ အို စသည်တို့မှ စကားသံတစ်ခုခုကို အော်ညည်း၍
စကားကို ကုန်အောင် ပြောခဲ့စေချင်ပါသည်
နေမ၀င်ခင် လေး...။


မိုးအိမ်လူ
၁၁ နိုဝင်ဘာ ၂၀၁၃

လူသားရဲ့ ဓမ္မ


နံနက်ခင်း နှင်းတွေ ဖွဲကျနေတဲ့အခါ
ကိုယ်တို့ အမြင်မှန်မရကြဘူး
ချမ်းစိမ့်စိမ့်လေးနဲ့ အမှားကို အပျော်ကြူးကြတယ်


နေ့လည်ခင်း နေပြင်းပူတဲ့အခါ
ကိုယ်တို့အမြင်မှန်မရကြဘူး
ပူလောင်ခြင်း ဒုက္ခတွေနဲ့ အမှားကို ရမ်းကားကြတယ်


ညနေခင်း အလင်းအိုတဲ့အခါ
ကိုယ်တို့အမြင်မှန်မရကြဘူး
နွမ်းလျဖျော့တော့စွာပဲ အမှားကို ခြေပစ်လှဲကြတယ်


ကိုယ်တို့အမြင်မှန်မရခြင်းဟာ
မှားနေတဲ့ လောကကြီးကြောင့်လို့
အိပ်ရာအဝင်မှာ အတ္တကို ချော့သိပ်ခဲ့ကြတယ်။


Moe Eain Lu
၉ နိုဝင်ဘာ ၂၀၁၄

လပြည့်နေ့မှာ လကွယ်နေ့ကို အိပ်မက်မက်တယ်


မသေချာတဲ့တစ်နေ့မှာ
မင်းဆီ အရောက်လာခဲ့မယ်လို့
ငါ့ရဲ့ တောင်ကုန်းမို့မို့လေးကို
တီးတိုးပြောခဲ့တယ်


လေအသင့်မှာ အဲဒီစကား
ကောင်မလေးရဲ့ နားရွက်ဖျားမှာ
ချိတ်ကောင်း ချိတ်မိနိုင်တာပေါ့


အနိမ့်ကျဆုံးစကားလုံးတွေနဲ့
ရွာခဲ့တဲ့ ကောင်မလေးရဲ့မိုး
ငါ တစ်ယောက်တည်း ရွှဲရွှဲစို
သေသည့်တိုင် ဒူးမထောက်တဲ့စိတ်နဲ့


အထက်မြိဆုံးစိတ်တွေထဲမှာတော့
ငါဟာ အတောက်ပဆုံးပါ
ကြယ် ဘယ်လောက်တောက်တောက်
လမင်း ရှိနေသရွေ့ ဘယ်တော့မှ အလင်းမပေါက်ဘူး
ငါတို့အရပ်က
အချိန်ပြည့်သာတဲ့ လပြည့်ဝန်းတွေ လခြမ်းပဲ့တွေ လပိန်ချွန်းတွေ
ပေါင်းထနေတယ်ဆိုတာ ကောင်မလေးကတော့ မသိစွမ်းနိုင်ပါဘူး


ငါတို့က
တရားမျှတမှုကို မတရားသဖြင့် လိုချင်နေမိတာလို့
အမြဲစိမ်းတောကြီးက ရယ်ပွဲဖွဲ့
ပြီးတော့
ကြေကြေကွဲကွဲပါပဲ
ရွက်ကုန်ကြွေတယ်


အခုတော့ ငါ တစ်ယောက်တည်း
ကျောက်ကမ်းပါးစွန်းမှာ ရပ်
ကောင်မလေး လို့ အသံတိတ်ရေရွတ်ခေါ်
တိမ်မျှင်ပါးတွေနဲ့
အနာဂတ် ဆိုတဲ့ စကားလုံးကို အထပ်ထပ်ရေးနေခဲ့တယ်


Moe Eain Lu
၈ နိုဝင်ဘာ ၂၀၁၄

ငါ တွေးလိုက်တဲ့အခါတိုင်း ငါ မရှိသလို


ကိုယ့်ကံတရားကို ကိုယ် ဇက်ကြိုးဆွဲ ဒုန်းစိုင်းခဲ့တာပါပဲ
ဘယ်လိုက ဘယ်လို သူတို့စားပွဲဝိုင်းထဲမှာ ချာချာလည်ခဲ့သလဲ
ရာသီကူးပြောင်းသည် ဖြစ်စေ မဖြစ်စေ နှာစေးချောင်းဆိုး
စိတ်မလာရင် ယတြာ ကြီးကြီး ချေ
လွတ်တဲ့လက်က တယ်ကြီးပါလား လို့
အထိတ်တလန့်တွေးနေတဲ့ ငါးငယ်လေးတွေဟာ
ငါတို့ ဖြစ်သည် မဖြစ်သည်

လွင့်နေတဲ့တိမ်တွေဟာ သဒ္ဒါ ပြည့်မီအောင်စီရင်ထားတဲ့ ဝါကျတွေထက် လှခဲ့တယ်။

မိုးအိမ်လူ

၃ နိုင်ဝင်ဘာ ၂၀၁၄

ကဗျာထဲမှာ ဘာမှထည့်မထားဘူး


ဒီတစ်ခါ ရေးမယ့်ကဗျာမှာ ငါ့အကြောင်း မပါဘူး
ငါ့အကြောင်း တော်တော်များများ ဇူကာဘာခ့် သိပြီးခဲ့ပြီ။


ဒီတစ်ခါ ရေးမယ့်ကဗျာမှာ ဘာသာရေး၊ လူမျိုးရေးအကြောင်း မပါဘူး
အဲဒီအကြောင်းတွေကို အရေးအသားကောင်းကောင်း၊ ရသအစုံအလင်နဲ့
တရားမဝင် သတင်းဆိုက် ပေါင်းစုံက မျိုးစုံအောင် ရေးပြီးခဲ့ပြီ။


ဒီတစ်ခါ ရေးမယ့်ကဗျာမှာ အချစ်အကြောင်း လိင်အကြောင်း မပါဘူး
Status တွေနဲ့ အသစ်တိုးပွားလာတဲ့ Page တွေအရ
ငါ့ထက် လက်စောင်းထက် စိတ်အားတက်တဲ့သူတွေ ရှိတဲ့အကြောင်း သိခဲ့ပြီးပြီ။


ဒီတစ်ခါ ရေးမယ့်ကဗျာမှာ ဘဝနာတဲ့အကြောင်း မပါဘူး
ဖီးနစ်ငှက်ကြီးရဲ့ နာဖျားမှု နဲ့ သူ့သားသမီးတွေရဲ့သောကကို ငါ့လောကဓံက မကျော်လွန်နိုင်တဲ့အကြောင်း ဝမ်းနည်းခဲ့ရပြီးပြီ။


ဒီတစ်ခါ ရေးမယ့်ကဗျာမှာ ကဗျာကအစ ခေါင်းစဉ်တပ်ထားတဲ့ အကြောင်းတရားတွေ အကုန်လုံး မပါဘူး
ပါဝင်ပတ်သက်ခြင်း ပြုလုပ်နိုင်စွမ်း မရှိတဲ့ စိတ်ရှိလက်ရှိ တွေရဲ့ စိတ်မရှိလက်မရှိ တဲ့အကြောင်း

အဲဒါတွေလည်း မပါဘူး ။


မိုးအိမ်လူ
၆၇၂၀၁၄၀၁၁၅

စိတ်နားတွေ တံတွေးစို



အသံသာတော့ စိတ်သာတာပေါ့
ဖြစ်လွယ်ပျက်လွယ် ရပ်ဝန်းကြီးပါလေ
ပြောလွယ် ဆိုလွယ်...မေ့လွယ် ပျောက်လွယ်
ငိုလွယ် ရယ်လွယ်....ချစ်လွယ် မုန်းလွယ်
အားလုံး လွယ်လွယ်ပဲ လွယ်အိတ်တွေ လွယ်ခဲ့ကြတယ်

စိတ်သာတော့ အသံမှန်သမျှ အကုန်သာနေပြီပေါ့။

မိုးအိမ်လူ
၈.၈.၁၄

ကယောင်ကတမ်း ရေးခြစ်ခြင်းတွေ


ပုံစံခွက်လို့ မမြင်သာအောင် အခြားအရေးအသားတစ်ခုခု ပြောင်းလဲ ချင့်ချိန်သုံစွဲ အတည်ပြု လို/မလို


ကိုယ်ရေး အကြောင်းအချင်းအရာ ပုံစံခွက် ဖရိုဖရဲ သို့မဟုတ် ယိုင်နဲ့နဲ့
ကိုယ်ရည်ကိုယ်သွေး ပြောင်ပြောင်လက်လက် မတောက်မပတွေ ချိတ်ဆွဲ
တကယ့် အရေးအသားတွေမှာ .............

သတင်းတစ်ပုဒ်ဖတ် မျိုးချစ်စိတ်တွေ ဖလန
်းဖလန်း ထ
သတင်းတစ်ပုဒ်ဖတ် လူသားချင်းစာနာစိတ်လေး ဖလန်းဖလန်း ထ
သတင်းတစ်ပုဒ်ဖတ် မြင့်မြတ်တဲ့စိတ်လေး ဖလန်းဖလန်း ထ
သတင်းတစ်ပုဒ်ဖတ် သူရဲကောင်းစိတ်လေး ဖလန်းဖလန်း ထ
သတင်းတစ်ပုဒ်ဖတ် ပညာရှိမာန်စိတ်လေး ဖလန်းဖလန်း ထ
ဖလန်းဖလန်းတွေ ပြည့်နှက် လျှံထွက် ထိန်းမနိုင်သိမ်းမနိုင် ဖလန်းဖလန်းတွေ ဖြစ်လာပြီး
ဇူကာဘတ်ရဲ့ သတ်ကွင်းထဲမှာ ဘာသာစကားတွေ ချွန်ထက်ပြောင်မြောက် ဖလန်းဖလန်းထ
မျိုးချစ်ပုဂ္ဂိုလ်ကြီးလိုလို လူ့ယဉ်ကျေးကြီးလိုလို သူရဲကောင်းကြီး လိုလို ပညာရှိကြီးလိုလို ထိန်းမနိုင်သိမ်းမနိုင် ဖလန်းဖလန်းတွေ ထ
တကယ့် စိတ်အတွင်းသားတွေမှာ....

လှမ်းလို့ မမီတဲ့အခါ ခဲ နဲ့ ထုပစ်လိုက်ခြင်းက အချိန်မကုန် လူသက်သာစေတဲ့ နည်းမှန်လမ်းမှန်
ဘယ်လမ်းညွှန်က အတည်ဆိုတာ အတည်ပြုပြီးပြီလား
ခပ်တည်တည်ပဲ ကိုယ်ပိုင် စာမျက်နှာတွေမှာ ကိုယ်ပိုင် နာမည်တွေ ကိုယ်ပိုင် တွေလိုလို အတည်ပြု
ရေးနေကျ အရေးတွေ ကိုပဲ နေ့စဉ် ရေးသားမြင်တွေ့နေရတဲ့ အရေးအသားထဲ
အရေးအသားအကြောင်းကို ဘယ်သူမှ အရေးအရာလုပ် မပြောဖြစ်တော့သလိုလို
လွတ်လပ်စွာ ကွဲလွဲခွင့်ရှိသည် ဆိုတဲ့ ပုံစံခွက်ထဲမှာ အားလုံး မလွတ်မလပ် ဖြစ်နေပုံ
အားလုံးအတူတကွ အသက်ရှူကြပ်နေပုံ အားလုံးအတူတကွ ကိုယ်မွေးတဲ့ မျောက် ကိုယ့်ပြန်အခြောက်ခံနေရပုံ
လွတ်လပ်စွာပဲ ကွဲလွဲပေးလိုက်ကြပါ ..
. ဒါဟာ ပုံစံခွက်လို့ မမည်တဲ့ ပုံစံခွက်။


မိုးအိမ်လူ
၂၃ စက်တင်ဘာ ၂၀၁၄

ငါးကိုလိုက်တဲ့ ရေ



အသံပြတ်တွေနဲ့ ပျက်ယွင်းနေတဲ့ စိတ်
ဟောင်းမြေ့နေတဲ့ အဖြစ်အပျက်တွေကိုပဲ
ဘဝထင်နေတဲ့ ပုတ်သင်များ မျိုးဆက်များ
တစ်ခုခုဟာ အတည်တကျ သင့်တယ်
ပေါ်လစီ မဟုတ်ရင် ပေါ်ပင် ။

မိုးအိမ်လူ

၂၅ July ၂၀၁၄

အသက်တွေ ရှိုက်ပြီး ထုတ်



သောက်ကျိုးနည်း ကပ်ပါးကောင်တွေ မျိုးပွားနှုန်း မြင့်တက်လာခြင်းက
ဇာတ်လမ်းအချို့ရဲ့ အစ

သူ့အသံ ကိုယ့်အသံ ကျစ်ကျစ်ပါအောင် ဆုပ်ကိုင်ထားပြီး မြို့လမ်းမတလျှောက် မီးကျောင်းတွေလို တွားသွားခဲ့

ယနေ့ရဲ့ သစ်ပင်များ မနေ့က ရာသီဥတုကို လွမ်းဆွတ်သလိုမျိုး
ကဗျာတွေကို တငွေ့ငွေ့ပူနွေးစေခြင်းဟာ

မနက်ဖြန်ရဲ့ အကြောက်တရားတွေကို ဖျော့တော့စေတယ်
စိတ်မှာ

ကိုယ့်ကိုယ်ကို မီး ခြစ်
ဘယ်သူ မှောင် မှောင်
ဘယ်သူ လင်း လင်း
ကိုယ့်ကိုယ်ကို မီး ခြစ်

အရှိတရာကို ရှို့ပစ်လိုက်။


မိုးအိမ်လူ

( သက္ကရာဇ် တစ်ခုမှာ Donald Barthelm ကွယ်လွန်ပြီး Daniel Radcliffe မွေးဖွားတဲ့နေ့ )/2014

ငါ၏ ရက်သတ္တပတ်များ



ပြေးလွှားနေတဲ့ အရိပ်က ပင်မကိုယ်ထည်ကို ရှာဖွေနေခြင်း သက်သက်
အတ္တ ကို ရွှေရည်စိမ် သောက်သုံးသူများနှင့်တကွ
ပျောက်ဆုံးစရာ တနင်္ဂနွေ လည်းမရှိခဲ့ပါဘူး

နွေ တလျှောက်လုံး ကျွမ်းခဲ့သမျှ
မိုး နဲ့မှပဲ အငွေ့ပျံတော့တယ်

တောလယ်မှာ တောလဲသလို တောလည်ခဲ့တယ်
ငါ့အမှားကို ဒေါက်ထောက်ပြီးကြည့်နေကြသော
နှလုံးသားများနဲ့အတူ
ငယ်ပေါင်းကြီးဖော်တွေလို ရယ်မောခဲ့ပြီးပြီ။

မိုးအိမ်လူ

210720140145

အောက်စီဂျင် လိုအပ်နေသမျှ



ဒိုရေမီဖာ နဲ့ပဲ စ ကြမလား
သွေးတိုးစမ်းတယ်ခေါ်မလားပဲ
အဆင်မပြေမှုက အဆင်ပြေပြေပဲ ငါ့ကို
ခလုတ်တိုက်သွားလေရဲ့

ကိုယ့်အချစ်နဲ့ အရာရာကို အကောင်းတိုင်း ဖြစ်စေမယ်
စိုင်းထီးဆိုင် ရဲ့ သီချင်းကို ခက်ဆစ်တစ်မျိုး ဖွင့်ဆို


ရှင်ခြင်းတရား မှန်ရင်
သွေးဟာ ပူနွေးနေရမယ်။

မိုးအိမ်လူ

200720140131

ပြိုလဲနေတဲ့ အရိပ်ကို ကြည့်



အလွယ်တကူ ရေရွတ်လိုက်တယ်
ငါဟာ ဖျားနာနေတဲ့ သစ်ပင်။

လက်လက်ထ နေတဲ့ မိုးစက်အေးတွေ
ငါ့ကို မိသွားခဲ့ကြပြီ။

ငါ့လက်ခုပ်နဲ့ သူ့လက်ခုပ် ထိခတ်ချိန်

နိုင်ငံရေးဟာ အဲဒီမှာ စတင်တယ်.။

မိုးအိမ်လူ

170720140049

တံစက်မြိတ်မှာ တမြိမြိ သေဆုံးခြင်း



ထုံးစံ အတိုင်း ....ဒီနေ့
ကံကြမ္မာက မိုးတိမ်မည်း ယောင်ဆောင်ပြီး သုံးခါတိတိ မိုးရွာကျ
စိတ်လှေဟာ မျှော်လင့်ချက်ကို ရွက်သဖွယ် လွှင့်တင်ပြန်တယ်
လွတ်လပ်တဲ့ အသက်ရှင်မှုနဲ့ လွတ်လပ်ခြင်း ကောင်းကင်ကို
ဘယ်တော့များမှ
မြင်
တွေ့

ခံစား ရပါ့။


မိုးအိမ်လူ

160720140108

ကဗျာ ဖြစ်ပါသည်



ကံတူ အကျိုးပေး စကားများ ဝေဆာနေ၏
မမေ့မလျော့ ပစ္စုန်ပ္ပန် သည် သေလွန်ခဲ့ပြီ
ကြက်ခြေခတ်ထားသော လမ်းများတွင်သာ ငါတို့၏ခြေရာများက ထင်ရှားတတ်၏
အတ္တ ပေါက်မထားသော ကော်ဖီပလိန်းတစ်ခွက်ဖြင့် နံနက်ခင်းကို ဖွင့်လှစ်ခဲ့ပါသည်။

မိုးအိမ်လူ

150720140010

စိတ်အစဉ်



အစဉ်တစိုက် စကားလုံးအမှားများ
စိတ်မပါပေမယ့် စာရွက် မှာပါတဲ့ အတိုင်း
အချို့ကတော့ ရှကီရာရဲ့ အနီရောင် ဇကာကွက်မှာ
ဘာတွေကို အသားပေးထားသလဲ ဒီည
တစ်ယောက်ရဲ့ အပြုံးမှာ တစ်ယောက်ရဲ့ မျက်ရည် တွေ ပေကျံကြဦးမယ်။


မိုးအိမ်လူ

၁၄၀၇၂၀၁၄၀၀၀၀

ဖြတ်စ



မရေမရာ တွေကို တိတိကျကျ သတ်ဖြတ် ပစ်လိုက်ခြင်း သတင်းများ
မိုးဥတုအောက်မှာ နွေရာသီ အခင်းအကျင်း
ငါတို့ ရေချိုးရအောင်
ဒဏ်ရာပေါ်က သွေးစတွေကို လျှာနဲ့ သပ်
အခုထိ အလင်း မစစ်သေးတာ တစ်ခုပဲ
တရားက အားလုံးကို လိုက်ဖြေပေးခဲ့တယ် ဆက်ကြောင်း တလျှောက်။


မိုးအိမ်လူ
၁၂၀၇၂၀၁၄၀၅၄၆

Sunday, August 3, 2014

တန်ကြေး မတန်ကြေး ပျော်ကြေး



ပျော်ရွှင်ခြင်းဟာ
စာအုပ်တစ်အုပ်?။ယာမကာတစ်ခွက်?။ရှိုးပွဲ?။
စာသားအချို့ ဝါကျဆီကနေ ပြုတ်ကျ ကျန်ရစ်
တစ်ခါ ရယ်တိုင်း တစ်ခုပေးလိုက်ရ
တစ်ခါ ပျော်တိုင်း တစ်ခုပေးလိုက်ရ
ပျော်ရွှင်ခြင်းဟာ.......


မိုးအိမ်လူ

3 August 2014

Status တစ်ခုဟာ ဘဝတစ်ခုလို မြည်



အမှားဆိုလည်း ဆက်လျှောက်ကြမယ် အဲဒီ ဝါကျတွေနဲ့ အတူ
ဝေ လည်း မမွှေးဘူး ကြွေလည်း မမွှေးဘူး အဲဒီတော့ အကယ်ဒမီ လည်း မရဘူး
လမ်းကြမ်းဆိုလည်း လမ်းကြမ်းဈေးအတိုင်း ဒုက္ခတော့ များများ သယ်ခဲ့ကြတယ် 
ဒီမှာ ကလစ်တစ်ချက် Enter တစ်ချက် လက်မှတ်တစ်ချက် ။

မိုးအိမ် လူ

2nd August 2014

Saturday, August 2, 2014

အမြဲ စိမ်း စိတ်

အမြဲ စိမ်း စိတ်
.........................

သစ်ရွက်ဟာ စိတ်ပေါ်ကို ကြောင်ကျ ကျတယ်
လမ်းတစ်ခုလုံး အတိတ်သေတွေနဲ့ ပြည့်ကျပ် ပုပ်ဟောင်သွားလေရဲ့
ဒီနေ့ဟာ ကမ္ဘာမတိုင်ခင် နေ့တစ်နေ့ဖြစ်မယ်လို့
နှုတ်ခမ်းအိုက အသံမမြည်ဘဲ ရေရွတ်တယ်။

မိုးအိမ်လူ

1st August 2014

Tuesday, May 20, 2014

ဇာတ်လမ်း ကိုယ်တိုင်ရေး တဲ့ ဇာတ်လမ်း



                                 

ကျောက်နံရံထက်သို့ ကုပ်ကပ်တွယ်တက်နေသော သူသည် ဇာတ်လမ်းတစ်ပုဒ် ဖြစ်သည်။ ဇာတ်လမ်းသည် ဘာကြောင့် ထိုကျောက်နံရံထက်သို့ သက်စွံဆံဖျားကုပ်ကပ်တက်နေသည်ကို မည်သူ့ကိုမှ မပြောချေ။ ကျောက်နံရံအခြေရှိ ကွင်းပြင်တွင် ပရိသတ်များစွာနှင့် အုံ့အောသောင်းနင်း ဖြစ်နေပြီ။ ပရိတ်သက်အုပ်ကြီးမှာ များပြားလွန်းလှသည်ဖြစ်ရာ ကွင်းပြင် တစ်ဝက်ခန့်အထိပင် ဖွေးဖွေးလှုပ်ပြည့်နှက်နေသည်။ ဇာတ်လမ်းကတော့ အောက်ကို မကြည့်။ အော်သံဟစ်သံများကို ဂရုမထား။ အထက်သို့သာ အာရုံစူးစိုက်၍ တက်နေလေ၏။ ဟိုးအဝေးကွင်းပြင်စပ်တွင် လူတစ်ချို့ ပြေးလာသည်ကို တွေ့ရ သည်။ လူအုပ်ကြီးမှ အသံတစ်ခု ညံခနဲ ထွက်လာသည်။ ဇာတ်ဆောင်တွေ လာပြီ ဟေ့ ။ ဇာတ်ဆောင်တွေ လာပြီ။ ဟေ့ ဇာတ်လမ်း ။ ဒီမှာ မင်းရဲ့ ဇာတ်ဆောင်တွေလာပြီ ဟ။ ဘာလုပ်ကြမလဲ မသိဘူး။ ဇာတ်လမ်း ဒီလိုလုပ်တာ ဇာတ်ဆောင်တွေ သိ ကောသိရဲ့လား မသိဘူး။ အို သိမှာပါ။ သိကြမှာပါ။ ဇာတ်လမ်းနဲ့ ဇာတ်ဆောင်ပဲဟာ ။ တစ်ယောက်အကြောင်း တစ်ယောက် မသိဘဲ နေပါ့မလား။ သိချင်မှ သိမှာပေါ့။ မဟုတ်ရင် အစောကြီးကတည်း ဇာတ်လမ်းကို သူတို့ လာတားကြမှာပေါ့။ အခုတော့။ စသဖြင့် အသံပေါင်းစုံ အူထွက်လာလေသည်။ ဇာတ်ဆောင်များမှာ လူအုပ်ကြီးကို အတင်းတိုးတိုက်၍ ကျောက်နံရံအခြေသို့ ရောက်အောင် သွားကြလေသည်။အခြေသို့ ရောက်သောအခါ ။ အဓိကဇာတ်ဆောင်က စ၍ အော်လေသည်။ ဟေ့ ဇာတ်လမ်း။ မင်း ဒါ ဘာလုပ်တာလဲ။ ငါတို့လည်း ဘာမှမသိရပါလား။ ပေါကြောင်ကြောင်တွေ မလုပ်စမ်းပါနဲ့ကွာ။ အခု ပြန်ဆင်းခဲ့။ အဓိက ဇာတ်ဆောင်ဘေးမှ ဇာတ်ပို့များကလည်း ထိုနည်းတူ အော်ဟစ်ကြပြန်သည်။ ဟေ့ ဇာတ်လမ်း။ မင်းတစ်ယောက်တည်း လုပ်ချင်ရာလုပ်လို့ မရဘူးနော်။ ငါတို့ မပါဘဲ မင်းဘာမှ လုပ်လို့ မရဘူး။ မင်းအခုလို လုပ်နေတာတွေက တကယ့် အရူးလိုပဲ။ အခုပြန်ဆင်းခဲ့ပါကွာ။ သူတို့ မည်သို့ပင်အော်ဟစ်နေစေကာမူ ဇာတ်လမ်းကတော့ ကြားပုံမရသည့်ပင်။ အထက်သို့သာ ဆက် တက်သွားလေသည်။ လူအုပ်ကြီးမှာ အသံများ တစ်စထက်တစ်စ ပို၍ ဆူညံလာလေသည်။ အဓိက ဇာတ်ဆောင်က ။ ဟိုလူ တွေကော။ ဟိုလူတွေ။ ဘယ်သူတွေလဲလို့ ကျန်တဲ့လူတွေက မေးတော့။ ဒါရိုက်တာတို့ ဇာတ်ညွှန်းရေးဆရာတို့လေ။ လူအုပ် ကြီးမှာ စောစောကထက် အသံများပို၍ စီညံသွားလေသည်။ ဟုတ်တယ်။ဟုတ်တယ်။ ဒါ သူတို့ ခိုင်းထားတာ ဖြစ်မယ်။ ဇာတ်လမ်းက သူ့ဘာသာသူတော့ ဒီလို အရူးဆန်မှာမဟုတ်ဘူး။ လိုက်ရှာကြဟေ့။ ဒါရိုက်တာတို့ ဇာတ်ညွှန်းဆရာတို့ကို။ တစ်ယောက်တစ်ပေါက် အော်ဟစ်ကြရာ ကျောက်နံရံကြီးပင် တုန်ခါသွားသလား အောက်မေ့ရသည်။ နောက်ဘက်နားက လူတစ်ချို့ ဒါရိုက်တာနှင့် ဇာတ်ညွှန်းဆရာရှာမယ်ဟု အော်ဟစ်ပြီး ကွင်းပြင်ထဲမှ ထွက်ခွာသွားကြသည်။ ဇာတ်လမ်းကတော့ အထက်သို့ တက်မြဲ တက်နေမြဲ။ မင်းတို့က အဓိက ဇာတ်ဆောင်တွေပဲ။ ဇာတ်လမ်းနောက်ကို လိုက်ကြလေကွာ။ သူ့ကို မီရင် ဖျောင်းဖြပြီး အောက်ပြန်ခေါ်ခဲ့လေ ဟု ဇာတ်ပို့များက အဓိကဇာတ်ဆောင်များကို ပြော၏။ အဓိကဇာတ်ဆောင်များမှာ ခါးခါးသီး သီးပင်။ ဟာ ခင်ဗျား ရူးနေလား။ ဒီလောက် အမြင့်ကြီးကို ကျုပ်တို့က ဘယ်လို တက်နိုင်မှာလဲဗျ။ သူ့ဟာသူ အရူးထ တက်တဲ့ ဟာ ။ မတော်လို့ ပြုတ်ကျရင် ကိုယ်က အချောင်သေဦးမယ်။ ဟင် မင်းတို့က အဓိကဇာတ်ဆောင်တွေလေ။ ဟာ ခင်ဗျားတို့က လည်း ဇာတ်ပို့တွေပဲလေ။ ခင်ဗျားတို့လည်း တက်လို့ရတာပဲ။ ဟို လူကြမ်းဆိုတဲ့ ဇာတ်ပို့တွေ တက်ကြလေ။ အဓိကဇာတ် ဆောင်များက သူတို့ဘက် တည့်တည့်ထိုးနေသော မြားဦးကို ဇာတ်ပို့များဘက် ပြန်လှည့်သည်။ ဟ ငါတို့ချည်း ဇာတ်လမ်း ကို လုပ်လို့ရတာမှ မဟုတ်တာကွ။ ငါတို့မပါဘဲ မင်းတို့နဲ့ပဲ ဇာတ်လမ်းလုပ်နေတဲ့ ဟာတွေ မနည်းတော့ဘူး။ မင်းတို့က အဓိကပဲ လေ။ အခုမှ ဘာလို့ ငါတို့ဘက် လှည့်လာရတာတုန်း။ တစ်ယောက်ကို တစ်ယောက် အပြန်အလှန်ပုတ်ခတ်ရင်း ရန်ပွဲဆီသို့ ဦးတည်နေကြလေရာ ဘေးမှ လူများက ၀ိုင်းဝန်းဖျောင်းဖြမှ ငြိမ်သွားကြသည်။ ပြီးတော့ အထက်သို့ ကုန်းရုန်းတက်နေသော ဇာတ်လမ်းဆီသို့ အာရုံပြန်ရောက်သွားကြပြီး စောစောက အတိုင်း အသံတွေ ဆူညံလာပြန်သည်။ ပရိတ်သတ်ကြီးမှ ဇာတ်လမ်း ကိုကြည့်ရင်း ရင်တမမ ဖြစ်နေကြ၏။ တက်နေရင်းမှ တစ်ခါတစ်လေ ခြေချော်လက်ချော်များဖြစ်သွားလျှင် ပရိတ်သတ်ကြီးဆီမှ အာမေဋိတ်သံများ ဟိန်းခနဲ ထွက်ထွက်လာသည်။ ဇာတ်လမ်းကတော့ အောက်ကိုလည်းပြန်မကြည့်။ ထွက်ပေါ်လာသည့် အသံ တွေကိုလည်း ကြားသိဟန်မပြ။ အထက်သို့သာ ဇွဲကြီးစွာဖြင့် တက်နေလေ၏။ ဇာတ်လမ်း ဘာလို့ ဒီလိုတွေ လုပ်ရတာလဲ။ ဇာတ်လမ်းကို ဒီလို လုပ်ဖြစ်အောင် ဘယ်သူတွေ မြှောက်ထိုးပင့်ကော် လုပ်လိုက်ကြသလဲ။ ဇာတ်လမ်းဟာ အရင်က ဒီလို မဟုတ်။ ဒီလိုမဟုတ်ဆိုတာက ဒီလိုမျိုး မိုက်ရူးရဲဆန်ဆန် မလုပ်တတ်။ တစ်ခါတစ်လေ။ အဲဒီတစ်ခါတစ်လေဆိုတာကလည်း ဆယ်စုနှစ် တစ်ခုမှာမှ တစ်ကြိမ်လောက်သာ မိုက်ရူးရဲဆန်ဆန် လုပ်တတ်သည်။ ထိုအခါတုန်းကလည်း ဒီလိုမျိုး ပရိတ်သတ်ကို ရင်တမမနှင့် စိတ်လှုပ်ရှားအောင် မလုပ်ခဲ့။ ပုံမှန်နေရင်းနဲ့မှ ရုတ်တရတ် ထ ဖောက်တတ်တာမျိုးလောက်ပင်။ အခုတော့ ဘယ်လိုဖြစ်ကြသည်မသိ။ အဓိက ဇာတ်ဆောင်တွေ ဇာတ်ပို့တွေလည်း ဘာမှ မတတ်နိုင်။ ဘယ်သူမှလည်း ဇာတ်လမ်းနောက် ကို အရဲစွန့်ပြီး မလိုက်ရဲကြ။ ကျောက်နံရံက မတ်စောက်သည်။ အမြင့်ဆုံးဆိုသည့် ကျောက်နံရံထိပ်ကိုပင် အောက်မှ ကောင်း ကောင်းမမြင်ရ။ အောက်မှာသာ လေက မတိုက်တာ အထက်အမြင့်မှာတော့ လေက ပြင်းပြင်းထန်ထန် တိုက်သည့်ပုံ ပေါ်သည်။ တိမ်ခိုးတွေ တစ်သုတ်ပြီး တစ်သုတ် ပတ်ပြေးနေသည်။ ထိုအချိန်တွင် လူအုပ်ကြီးဆီမှ အသံများ ပြန်ဆူလာပြန်သည်။ ဒါရိုက်တာနဲ့ ဇာတ်ညွှန်းဆရာ တွေ့ပြီတဲ့ဟေ။ ဒါရိုက်တာနဲ့ ဇာတ်ညွှန်းဆရာ လာပြီတဲ့။ အသံများ လှိုက်ဆူလာသည်။ လူအား လုံး အနောက်ဘက်သို့ လည်ပြန်မျှော်ကြည့်ကြသည်။ လူတစ်အုပ် ကွင်းပြင်ထဲသို့ အသောနှင်၍ ၀င်လာသည်။ ဒါရိုက်တာတို့ လာပြီဟေ့ ဘေးဖယ်ပေးကြ။ လမ်းဖယ်ပေးကြ။ လူအုပ်ကြီး၏ တွန်းပို့မှုဖြင့် ဒါရိုက်တာနဲ့ ဇာတ်ညွှန်းဆရာ ကျောက်နံရံအခြေ သို့ ရောက်လာ၏။ အသံတွေလည်း ဆူလာပြန်သည်။ မေးခွန်းသံတွေ ဖြစ်သည်။ ဒါရိုက်တာကြီး ဒါ ဘယ်လိုဖြစ်တာလဲ။ ဇာတ်လမ်းက ဘာလို့ ဒီလိုလုပ်ရတာလဲ။ ဒါရိုက်တာကြီး ခိုင်းတာလား။ ဇာတ်ညွှန်းဆရာ ခင်ဗျား ရေးလိုက်တာလား။ ဇာတ်လမ်းကို ခင်ဗျား မြှောက်ပေးလိုက်တာလား။ ခင်ဗျားတို့ ဗျာ ဒီလို တော့ မလုပ်သင့်ပါဘူး။ ဇာတ်လမ်းလေးက ရိုးရိုးလေး ရယ်ပါ။ ခင်ဗျားတို့ဘာသာ ခင်ဗျားတို့ ဆန်းချင် သစ်ချင်ရင် ကိုယ့်ဘာသာ စိတ်ထဲမှာပဲ ဆန်းကြ သစ်ကြဗျာ။ ဇာတ်လမ်းကို တော့ ဒီလို မလုပ်သင့်ဘူး။ အသံမျိုးစုံ ။ မေးခွန်းမျိုးစုံ တို့၏ ကြားတွင် ဒါရိုက်တာနှင့် ဇာတ်ညွှန်းဆရာတို့မှာ ကြောင်တက်တက် လေး ဖြစ်နေကြသည်။ ပြော ပြော ဒါ ခင်ဗျားတို့ခိုင်းတာလား ဟု ၀ိုင်းမေးကြသောအခါ နှစ်ယောက်လုံး ခေါင်းယမ်းကြလေ သည်။ လူအုပ်ကြီးမှာ ဟင်ခနဲ ဖြစ်ပြီး ငြိမ်ကျသွားသည်။ ဟုတ်တယ် ဒါ ကျွန်တော်တို့ ခိုင်းတာ လုံးဝမဟုတ်ဘူး။ သူ ဒီလို လုပ်နေတာတောင် ခင်ဗျားတို့ ခေါ်ပြလို့ ကျွန်တော်တို့ သိကြရတာ။ ကျွန်တော်တို့ ဒီကိစ္စကို လုံးဝ မသိလိုက်ဘူး။ ဒီလို ကိစ္စ မျိုးကို လုပ်ခိုင်းဖို့လည်း ကျွန်တော်တို့မှာ လုံးဝ စိတ်ကူးမရှိပါဘူးဗျာ။ အတွေးထဲ အိပ်မက်ထဲတောင် မရှိဘူး။ အခုဟာက။ ကျွန်တော်တို့လည်း မသိပါဘူးဗျာ။ ဒါရိုက်တာကရှင်းပြတော့ ပရိတ်သတ်ကြီးမှား အားမလိုအားမရသံတွေ မကျေမချမ်းသံတွေ ပြန်ထွက်လာသည်။ စောစောက အတိုင်းပင် ဆူညံစီဝေနေတော့၏။ ဒါဆို ဘယ်သူလဲ။ ဇာတ်လမ်းလေးကို ဒီလို အရူးထချင် အောင် ဘယ်သူလုပ်တာလဲ။ ပရိတ်သတ်အားလုံးက ဒါရိုက်တာနှင့် ဇာတ်ညွှန်းဆရာကိုပဲ မျက်စောင်းတခဲခဲ လုပ်နေကြသည်။ ဒါရိုက်တာရှင်းပြတာကို သိပ် လက်မခံချင်ကြ။ ဇာတ်လမ်းလေးကို ဒီလို ဖြစ်အောင် လုပ်နိုင်တာ ဒင်းတို့ပဲ ရှိသည်ကိုး။ ဒါရိုက်တာ နှင့် ဇာတ်ညွှန်းဆရာမှာလည်း မျက်နှာငယ်လေးတွေနှင့် ဇာတ်လမ်းရှိရာကို လှမ်းကြည့်ရင်း အခြားလူတွေလိုပဲ အော်ဟစ်ဖျောင်းဖျကြလေသည်။ ထုံးစံအတိုင်းပင်။ ဇာတ်လမ်းကလည်း ဂရုမစိုက်။ သူ့ဟာသူ တက်စရာရှိတာ တက်သည်။ အောက်က လူတွေလည်း အော်မြဲအော်ကြသည်။ ဇာတ်လမ်းသည် တဖြည်းဖြည်းနှင့် ပရိတ်သတ်၏ မြင်ကွင်းထဲတွင် သေးငယ် သည်ထက် သေးငယ်လာသည်။ သူတို့ အော်နေသည်ကိုပင် ကြားနိုင်မည့် ပုံ မပေါ်တော့။ ပရိတ်သတ်မှာလည်း အော်ဟစ် စိတ်မောရလွန်း၍ ခြေကုန်လက်ပန်းကျလာကြသည်။  ပရိတ်သတ်ကသာ မောပန်းလာတာ ဇာတ်လမ်းကတော့ မောပန်းသည့် ပုံ မပေါ်။ အားကြိုးမာန်တက်ပင် တရွေ့ရွေ့နှင့်။ ထိုအချိန်တွင် ဇာတ်ညွှန်းဆရာက ထ ဖောက်သည်။ ဇာတ်လမ်းကို ဒီလို ဖြစ်အောင် လုပ်နိုင်တဲ့သူတစ်ယောက်ကို ကျွန်တော် သတိရပြီ။ပရိသတ်မှာ ငြိမ်ကျသွားပြန်သည်။ အားလုံးက ဇာတ်ညွှန်းဆရာ ပြောမယ့်စကားအပေါ် အာရုံစိုကလိုက်ကြသည်။ ဘယ်သူလဲ ဟုလည်း မေးကြသည်။ ၀တ္ထုရေးဆရာ ။ စာရေးဆရာ။ ပရိတ်သတ်မှာ ထိုအခါမှ အဖြေတွေ့သွားသည်ပုံနှင့် ။ ဟုတ်တယ်။ ဟုတ်တယ် ။ ငါတို့ စာရေးဆရာကို မေ့နေကြတာ။ ဖြစ်နိုင် တယ်။ ဇာတ်လမ်းကို ဒီလိုဖြစ်အောင် လုပ်နိုင်တာ သူပဲ ရှိတာ။ ဇာတ်လမ်းဆိုတာ သူ့ဆီက ဖြစ်လာတာချည်းဆိုတော့။ ဟုတ်တယ်ဟေ့။ စာရေးဆရာကို ရှာကြဟေ့။ ဘာလို့ ဇာတ်လမ်းကို ဒီလိုလုပ်ရတာလဲ မေးရမယ်။ ကို့ရို့ကားယားဖြေလို့က တော့ သတ်ပစ်မယ်။ ဘာညာနှင့်။ လူအုပ်ကြီးမှာ ဒေါသမောင်းတင်သံများဖြင့် တအုံးအုံး ညံနေတော့သည်။ စောစောက အတိုင်း ပင်။ နောက်ဘက်နားဆီက လူတစ်ချို့ ထွက်သွားကြပြန်သည်။ ကျုပ်တို့ မေ့နေတာဗျ။ ဇာတ်ညွှန်းဆရာဆိုတာ စာရေးဆရာ ရေးပေးမှ ဇာတ်လမ်းရတာ။ အဓိက တရားခံက စာရေးဆရာပဲ ဖြစ်မယ်။ ထိုအခါမှ ဇာတ်ညွှန်းဆရာရော ဒါရိုက်တာရော အသက်ရှူချောင်သွားသည့်ပုံနှင့် သက်ပြင်းလေးတွေ ကိုယ်စီ ခိုးချကြရ၏။ ဒါပေမယ့် တစ်ခါတစ်လေ စာရေးဆရာမပါဘဲ ဇာတ်ညွှန်းဆရာနဲ့ ဒါရိုက်တာချည်းပဲ ပေါင်းပြီး ဇာတ်လမ်းလုပ်ကြတာ ရှိတာပဲ ဟု လူကြမ်းတစ်ယောက်က ပြောတော့ ဒါရိုက်တာကော ဇာတ်ညွှန်းဆရာကော ထိုလူကြမ်းကို မျက်လုံးကြီးတွေပြူးကြည့်ကြသည်။ ပြီးတော့ မင်းက ဘာနားလည်လို့ ၀င်ပြောနေတာလဲ။ စာရေးဆရာဆိုတာ အမြဲတမ်း ဇာတ်လမ်းတွေ ထွက်နေတဲ့ စက်ရုံမဟုတ်ဘူးကွ။ တစ်ခါတစ်လေ သူ့ဆီက ဇာတ်လမ်း ပြတ်သွားတဲ့အခါ ငါတို့ဟာ ငါတို့ အတွေ့အကြုံလေးတွေ သမ္ဘာလေးတွေ သုံးပြီး ပရိတ်သတ်ကို အသုံးတော်ခံရတာ။ အခုကိစ္စကလည်း ငါတို့ လုပ်တာ မဟုတ်ဘူးဆိုတာ လုံးဝ အာမခံတယ်။ ဆိုပြီး လူကြမ်းကို ပြူြး့ပဲ ၀ူးဝါး လုပ်ကြသည်။မသိဘူးဗျာ။ စာရေးဆရာ လုပ်တာပဲ ဖြစ်ဖြစ်။ ခင်ဗျားတို့ လုပ်တာပဲ ဖြစ်ဖြစ် ဇာတ်လမ်းက ပြန်ဆင်းမလာရင် ကျုပ်တို့ နားကားပြီ။ ဇာတ်လမ်းကိုသာ ရအောင် ပြန်ခေါ်ဖို့ စဉ်းစားကြတော့။ ဆိုပြီး ဇာတ်လမ်းဆီ လှမ်းအော်ပြန်သည်။ ပြီးတော့ ရောကောသောကော လျှောက်ပြောကြ သည်။ သိပ်မကြာလိုက်ချေ။ စာရေးဆရာရှာသော လူစု ပြန်ရောက်လာကြသည်။ စာရေးဆရာကော ဘယ်မှာလဲ။ မတွေ့ဘူး လား။ ဟု ၀ိုင်းမေးကြသောအခါ အားလုံးရဲ့ ခေါင်းတွေက တညီတညာတည်း ခါယမ်းကြသည်။ လူအုပ်ကြီးမှာ ဟာခနဲ ဖြစ်ပြီး ဒေါသထွက်သံတွေကော ဆဲဆိုသံတွေကော အားမလိုအားမရသံတွေကော စုံစေ့အောင်ညံထွက်လာတော့သည်။ ဘယ်လိုလုပ်ကြမလဲ။ ဇာတ်လမ်းက မြင်တောင် မမြင်ရ တော့ဘူး။ ငါတို့ ဇာတ်လမ်းပြန်ဆင်းလာအောင် စောင့်ကြမလား။ ဇာတ်လမ်းက ပြန်ဆင်းလာပါ့မလား။ ပြန်ဆင်းမလာရင် ဘယ်လိုလုပ်မလဲ။ ငါတို့ အကုန်လုံး တက်သွားရမှာလား။ ဟာ ဒီလောက် အမြင့်ကြီး မတတ်နိုင်ဘူး။ အဖြေရှာကြပါဟ။ လုပ်ကြ ပါဟ။ ငါတို့အကုန်လုံးမဟုတ်တောင် တစ်ယောက်စ နှစ်ယောက်စလောက်ကတော့ လိုက်သွားသင့်တယ်။ ပြီးတော့ ဇာတ်လမ်း ကို အကျိုးအကြောင်းမေးပြီး ပြန်ဆင်းခဲ့ပေါ့။ အကျိုးအကြောင်းသိရရင်ကို အဖြေရှာလို့ရပြီ။ အခုဟာက ဘာမှန်းမသိ ညာမှန်း မသိကြီးနဲ့။ ဟုတ်တယ် ။ ဟုတ်တယ်။ လူတစ်ယောက်မှာ ပါးစပ်ပေါက်တစ်ပေါက်တည်း ရှိ၍ တော်သေး၏။ သူ့အတွေး ကိုယ့် အတွေး။ သူ့အကြံ ကိုယ့်အကြံ စုံစေ့နေအောင် ပြောကြ အော်ကြ ဟစ်ကြ နှင့် အသံလှိုင်းကြောင့် ပင် ကျောက်နံရံကြီး ပြိုကျ သွားနိုင်သည်။ ထိုအချိန်တွင် ။ ဟာ ဟိုမှာ ကျ လာတယ်။ ကျ လာတယ်။ ဘာလဲဟ ။ ဘာလဲဟ။ အကုန်လုံး အပေါ်မော့ကြည့် လိုက်တော့။ ကြိုးတစ်ချောင်း။ ကြိုးနှင့် တွဲလျက် စာတစ်စောင်။ ဟာ စာပါတယ်ဟေ့။ ဇာတ်လမ်းရေးတာနဲ့တူတယ်။ ဖတ်ကြည့် ပါဟ။ ဒါရိုက်တာက ကြိုးကို လှမ်းဖမ်းပြီး စာကို ဖြုတ်လိုက်သည်။ ဖတ်ဟေ့။ ဖတ်။ အော်ဖတ်။ အားလုံးကြားနိုင်အောင် အော် ဖတ်ပါဟ။ ဒါရိုက်တာက လက်တစ်ဖက်မြှောက်ပြီး အသံတွေ ငြိမ်ဖို့ အချက်ပြလိုက်သည်။ ပရ်ိတ်သတ်ကြီး ငြိမ်ကျသွားသည်။ ဒါရိုက်တာသည် စာကို ဖွင့်လိုက်သည်။ နောက်။ ကျုပ်ဘာလို့ ဒီလို ကျောက်နံရံပေါ်ကို သက်စွံ့ဆံဖျား တက်ရသလဲ ဆိုတာ ခင်ဗျားတို့ သိချင်နေကြမှာပေါ့။ ကျုပ်ကို အရူးထ တယ်လို့ပဲ ခင်ဗျားတို့ ထင်နေကြမယ်။ ဒီလိုလုပ်ရတဲ့ အကြောင်းအရင်းက စာရေးဆရာဆီက ဖြစ်လာတာပဲ။ အသံတွေ စီညံသွားပြန်သည်။ ဇာတ်ညွှန်းဆရာက လက်ဝှေ့ပြလိုက်မှ ပြန်ငြိမ်သွားသည်။ မနေ့ညက ကျုပ်နဲ့ စာရေးဆရာ စကားတွေ အများကြီးပြောကြတယ်။ အဓိက ကတော့ ကျုပ်ပါပဲ။ ကျုပ် ဒီလို သမရိုးကျ ရှင်သန်နေရတာကြီးကို ပျင်းရိလာပြီ။ တစ်ခါလာလည်း ဒီပုံစံ ။ တစ်နေ့လာလည်း ဒီပုံစံ။ ဆယ်နှစ်နေလည်း ဒီပုံစံ။ ကျုပ် အရမ်း ပျင်းနေပြီ။ ဘယ်လောက်အထိ ပျင်းရိလာသလဲဆို ကျုပ်ကို ကျုပ်တောင် သတ်သေချင်လာတဲ့အထိပဲ။ အဲဒီလို စိတ်တွေနဲ့ ကျုပ် ရဲ့ နေ့တွေဟာ ဘယ်လောက် အထိ မွန်းကျပ် ခံပြင်းဖို့ကောင်းမလဲဆိုတာ ခင်ဗျားတို့ နားလည်နိုင်မယ်မထင်ဘူး။ ဒါနဲ့ပဲ မနေ့ ညက ကျုပ် စာရေးဆရာဆီသွားတွေ့တယ်။ စာရေးဆရာပြောတဲ့စကားတွေက ကျုပ်ကို ပိုလို့တောင် စိတ်ညစ်သွားစေတယ်။ သူလည်း ဇာတ်လမ်းတွေ မရေးချင်တော့ဘူးတဲ့။ ဘာမှ မထူးခြားတဲ့ ဇာတ်လမ်းတွေ ရေးနေရတာ သေမလောက် ပျင်းရိလာပြီ တဲ့။ ပြီးတော့ တကယ်မဟုတ်ဘဲ လျှောက်ရေးနေရာတာတွေဟာ မရိုးသားရာကျတယ်တဲ့။ နောက် ဇာတ်လမ်းတွေ မရေးဖို့ ဆုံးဖြတ်လိုက်ပြီတဲ့ဗျာ။ ကဲ ဘယ်လိုလုပ်ကြမလဲ။ ကျုပ်ကို ဖန်တီးတဲ့ သူ ကိုယ်တိုင်က ဒီလို ဖြစ်နေပြီဆိုတော့ ကျုပ်က ဘယ်လို သွားနေရမလဲ။ ခင်ဗျားကမှ မရေးတော့ဘူးဆိုရင် ကျုပ်က ဘာလုပ်ရမှာလဲလို့ မေးတော့ စာရေးဆရာက ပြောတယ်။ မင်းလည်း မင်းလမ်းမင်း ဆက်လျှောက်ပေါ့ကွာတဲ့။ မင်း ဇာတ်လမ်းကို မင်း ကိုယ်တိုင်ရေးပေါ့။ ငါ ရေးလို့ ဖြစ်တာထက် မင်း ကိုယ်တိုင် မင်း စိတ်နဲ့ မင်း လွတ်လွတ်လပ်လပ် လုပ်ချင်တာတွေ လုပ်ပစ်လိုက်။ ငါကတော့ ဘာမှမထူးခြားဘဲ မှိုတက်ရိုးအီနေတဲ့ ဇာတ် လမ်းတွေ မရေးချင်တော့ဘူး။ နောက်ပြီး ဆန်းသစ်တယ်ဆိုတာကိုလည်း အယုံအကြည်မရှိတော့ဘူး။ ဒီနေ့အတွက် ဆန်းသစ် ပေမယ့် မနက်ဖြန်မှာ ဟောင်းသွားမယ့် ထူးမခြားနားတဲ့ အလုပ်တွေ မလုပ်ချင်တော့ဘူး။ မင်းလည်း မင်းယုံကြည်ရာ မင်း ဆက်သာလုပ်။ ဘယ်သူ့မှ ဂရုမစိုက်နဲ့ ဆိုပြီး ဘာမှ ဆက်မပြောတော့ဘူး။ အဲဒီမှာ ကျုပ်လည်း စဉ်းစားတယ်။ ကျုပ် ဘာဆက်လုပ်ရမလဲပေါ့။ ကျုပ်ကို ကျုပ်ပဲ သတ်သေရမလား။ ဒါမှမဟုတ် ။ ကျုပ်စိတ်ထဲမှာ ရှိတဲ့အတိုင်း လုပ်ချင်တာတွေ အကုန် လုပ်ပစ်လိုက်ရမလား။ စဉ်းစားတယ်။ နောက်တော့ ကျုပ် ဒီလိုလုပ်ဖို့ အကြံရသွားတာပဲ။ ဒီလိုလုပ်ရတဲ့ ရည်ရွယ်ချက် ကလည်း ကျုပ်နေ့စဉ် ရင်ဆိုင်နေရတဲ့ ပျင်းရိမှုတွေကနေ လွတ်ထွက်ချင်တဲ့ စိတ်။ ထူးခြားဆန်းသစ် ရင်ခုန်ချင်တဲ့ စိတ်နဲ့ ခင်ဗျားတို့ရဲ့ အမြင့်ဆုံးကို ရောက်အောင် သွားမယ် ဆိုပြီး လုပ်လိုက်တာပဲ။ အခု ကျုပ်တကယ် ရင်ခုန်ရပြီ။ ကျောက်နံရံကို တွယ်တက်နေစဉ် ကာလအတွင်းမှာ ကျုပ်မှာ ပျင်းရိချိန်ကို မရှိဘူး။ စိတ်လှုပ်ရှားမှုအပြည့်။ နိုးကြားမှုအပြည့်နဲ့ပဲ။ အခု ကျုပ် ဒီအမြင့်နေရာမှာ ရောက်နေတယ်။ နောက်နေ့ ဒီထက်မြင့်တဲ့ နေရာကို အရောက်သွားမယ်။ ခင်ဗျားကို ကျုပ်နဲ့ တွေ့ချင်ရင် တော့ ကျုပ်ကို မီအောင် လိုက်ခဲ့ကြပေါ့ဗျာ။ ဒါဟာ ဇာတ်လမ်း ကိုယ်တိုင်ရေးတဲ့ ဇာတ်လမ်းပဲ။ စာဆုံးသွားတော့ ဒါရိုက်တာကြီး ငိုင်ကျသွားသည်။ အခြားလူတွေလည်း ငိုင်ကျသွားသည်။ ဘယ်လိုလုပ်ကြမလဲ။ဇာတ်လမ်းကတော့ အမြင့်ဆုံးဆိုတဲ့ နေရာတွေ ဆီ တက်လှမ်းရောက်ရှိနေပြီ။ ကျန်တဲ့ အဓိကဇာတ်ဆောင်တွေ ၊ ဇာတ်ပို့တွေ ၊ ဒါရိုက်တာတွေ ၊ ဇာတ်ညွှန်းတွေ၊ ပရိတ်သတ်တွေ ကော ဘာလုပ်ကြမလဲ။ အောက်မှာပဲ နေခဲ့မလား။ ဇာတ်လမ်းနဲ့ အတူ လိုက်ပါနိုင်အောင် လုပ်ကြမလား။ အားလုံးရင်ထဲမှာ အတွေးကိုယ်စီနှင့်။ ကျောက်နံရံကြီးမှာ တိမ်ခိုးတွေနှင့် မှိုင်းဝေနေပြီး ကျောက်တောင်ထိပ်ကို မည်သူမျှ မမြင် ရချေ။ သို့သော် ထိုနေရာ တွင် ဇာတ်လမ်းရှိ၏။
                                                        *
                                                                                                                                     မိုးအိမ်လူ
နံနက် ၀း၁၁
၂၆ စက်တင်ဘာ ၂၀၁၃

မြို့အရိပ် မြို့အယောင်




မနက်ဖြန်တွေကို ကြောက်တယ်

လို့ သူကပြောတော့ ကျွန်တော် သူ့ကို တစ်ချက် လှည့်ကြည့်မိသည်။ ဘာကို ကြောက်တာလဲ လို့ ထပ်မေးမိသည်။ မနက်ဖြန်တွေကို ကြောက်တာလေ လို့ သူက ထပ်ပြောသည်။ မှားသွားလို့။ ဘာလို့ ကြောက်တာလဲ လို့ ကျွန်တော် မေးခွန်းကို ပြင် မေးလိုက်သည်။ ဘာမှ မသိရလို့ ကြောက်တာ။ မနက်ဖြန်မှာ ဘာဖြစ်မယ်ဆိုတာ သေချာ မသိရလို့ ကြောက်တာ။ လို့ သူက ကလေး ဆန်စွာ ဖြေ၏။ ကျွန်တော် ရယ်မိသည်။ ကလေးကလားဟာ ဟုလည်း ပြောမိသည်။ မဟုတ်လို့လား ဆိုပြီး သူက အထွန့် တက်ပြန်သည်။ မနက်ဖြန် ဘာဖြစ်မယ်ဆိုတာ နင် သေချာသိလို့လားလို့ သူ က မေးသည်။ ကျွန်တော်က ရယ်ရင်းနှင့်မှ သိတာပေါ့ ဟု ရွဲ့ဖြေလိုက်သည်။ သူက အစမှ အဟုတ်ထင်သွားသေးသည်။ ပြီးမှ ကျွန်တော် ရွဲ့ပြောမှန်း သဘောပေါက်သွားပြီး မျက်နှာကို ဆူ ပုပ်ပစ်လိုက်သည်။ နင်ကလည်းဟာ.။ မနက်ဖြန်မှ ကြိုမသိရတာမဟုတ်ဘူး။ ဒီနေ့လည်း ဘယ်မှာ ကြိုသိရလို့လဲ။ အခု နင်နဲ့ ငါ တွေ့ တယ်။ နင် ဒီနေ့ မနက် ငါနဲ့ အခုလို တွေ့မယ်လို့ ကြိုသိခဲ့သလား။ ဒီနေ့လည်း ကြိုမသိရဘူးလေ။ နင်ပြောသလို ကြိုပြီး သိမှ ရမယ်ဆို ဒီနေ့လည်း ကြောက်စရာပေါ့။ အချိန်တိုင်းဟာ ကြောက်စရာဖြစ်နေမှာပေါ့ လို့ ကျွန်တော်က ပြောတော့ သူ တွေတွေ လေး ဖြစ်သွားသည်။ အဲ့ဒါကတော့ဟယ် ဆိုပြီး ရပ်နေပြန်သည်။နောက်ပြီး နင် ပြောသလို ဖြစ်လာမယ့်ဟာတွေကိုသာ သေချာအတိအကျ သိရရင် မနက်ဖြန်ဆိုတာ ဘယ်ရင်ခုန်စရာကောင်းတော့မလဲဟ။ ဘာဖြစ်မယ် ဘာဖြစ်မယ် ကြိုသိ။ ကြိုတင်ပြင်ဆင်။ ပြီးတော့ ပြင်ဆင်ထားတဲ့ အတိုင်း လုပ်။ ဒီလိုနဲ့ ပြီးနေမှာ။ ပျင်းစရာကြီးလို့ ကျွန်တော်က ထပ်ပြောလိုက်တော့။ မသိဘူးဟာ။ ငါကတော့ မနက်ဖြန်တွေကို ကြောက်တာပဲ သိတယ်။ မနက်ဖြန်တွေဟာ ငါ့အတွက် မကောင်းဆိုးဝါးတွေ နဲ့ ပြည့်နှက်နေတဲ့ တော တစ်ခု လိုပဲ။ လို့ သူက တကယ် ကြောက်ကြောက်ရွံ့ရွံ့ ကြီး ပြန်ပြောသည်။ နင့်ဟာကလည်း မကောင်းတာတွေကိုပဲ မျှော်ပြီး နင်က တွေးနေတာကို။ ကောင်းတာတွေလည်း လာနိုင်တာပဲလေ။ အဲ့လို ကောင်းတာတွေပဲ မျှော်ပြီးတော့ မနက်ဖြန်ဆိုတာ နတ်သားတွေနဲ့ ပြည့်နေတဲ့ နတ်ဗိမာန်ကြီးပဲလို့ တွေးကြည့်လိုက်။ ဘယ်လောက် ပျော်စရာကောင်းလဲ လို့ ကျွန်တော်က ပြောတော့ အေးဟ ။ နင် ပြောသလို ငါ တစ်ခါမှ အဲ့လို မတွေးကြည့်ဖူးဘူး။ အဟဲ။ အဲ့လို ပြောင်းပြီး တွေးကြည့်ဦးမယ် လို့ သူက ပြောင်စပ်စပ် မျက်နှာနဲ့ ပြောတော့ ကျွန်တော်လည်း အားမနာနိုင်ပဲ ကြောင်ပါ့ ဟု ပြန်ပြောလိုက်သည်။ သူကတော့ ခပ်တည်တည်ပဲ။

မြို့ထဲမှာ မကောင်းဆိုးဝါးတွေ ရှိတယ်

လို့ ပြောတဲ့သူကို ကျွန်တော် ကြည့်လိုက်တော့ သူ ဖြစ်နေသည်။ ဘာ ပြောတယ်လို့ ကျွန်တော် ထပ်မေးမိသည်။ အဲဒီအခါ ကျမှ သူက ကျွန်တော်ကို မြင်သွားပြီး ။ အော် မြို့ထဲမှာ မကောင်းဆိုးဝါးတွေ ရှိတယ် လို့ ပြောတာ ဆိုပြီး သူက ထပ်ပြောသည်။ ကျွန်တော် နား ရှုပ်သွားသည်။ ဘယ်လိုက ဘယ်လို မြို့ထဲမှာ မကောင်းဆိုးဝါးတွေရှိနေရတာလဲဆိုပြီး တွေးနေမိသည်။ ဘယ်လို မကောင်းဆိုးဝါးလဲဗျ လို့ ကျွန်တော် ထပ်မေးလိုက်သည်။ သူက ။ ခင်ဗျား ဟယ်ရီပေါ်တာ ရုပ်ရှင်ကြည့်ဖူးသလား လို့ မေးတော့။ ကျွန်တော်ကလည်း ကြည့်ဖူးတယ်။ အဲ့ဒါ နဲ့ ဘာဆိုင်လို့လဲ ဆိုတော့။ အဲဒီ ရုပ်ရှင်ထဲမှာ ပါတယ်လေ ဒတ်သ်အီတာတွေလေ။ လူတွေ ရဲ့ ပျော်ရွှင်ခြင်းတွေကို စားသုံးပစ်ကြတဲ့ မကောင်းဆိုးဝါးတွေလေ။ သူတို့လာရင် ပတ်ဝန်းကျင်တစ်ခုလုံး အေးစက်တောင့်ခဲ့ သွားပြီး တော့ သူတို့နဲ့ မျက်နှာချင်းဆိုင်မိလိုက်တဲ့ သူဟာ စိတ်ညစ်စရာ ၀မ်းနည်းစရာတွေကိုပဲ တွေးမိပြီး ပျော်စရာဆိုတာ မတွေးတတ်တော့ဘူးလေ။ လို့ သူက ပြောတော့။ ဟုတ်တယ်လေ။ အဲ့ဒါ ကျွန်တော်သိတယ်။ အဲဒီအကောင်တွေက ဘာဖြစ်လို့လဲ။ မြို့ထဲမှာ အဲဒီအကောင်တွေ ရောက်နေလို့လား လို့ ကျွန်တော်က မေးတော့။ ဟုတ်တာပေါ့ဗျာလို့ သူက ဖြေ၏။ မဖြစ်နိုင်တာဗျာ လို့ ကျွန်တော်က လက်မခံနိုင်ဘဲ ပြန်ပြောလိုက်သည်။ အာ ခင်ဗျားကလည်း ရုပ်ရှင်ထဲကလို အဲဒီအကောင်တွေ ပုံစံအတိုင်းတော့ ဘယ် ဟုတ်မလဲဗျ။ အခု မြို့ထဲကို ရောက်နေတဲ့အကောင်တွေက လူယောင်ဆောင်ထားတာဗျ။ သာမန်ခင်ဗျားတို့ ကျွန်တော်တို့လို လူတွေပဲ။ အဲ ခင်ဗျားသူတို့နဲ့ အကြည့်ချင်းဆုံမိတဲ့အချိန် မျက်နှာချင်းဆုံမိတဲ့အချိန်ဆို၇င်တော့ ခင်ဗျားရဲ့ ပျော်ရွှင်ခြင်းတွေ အစားခံလိုက် ရပြီလို့သာ မှတ်လိုက်ပေတော့လို့ သူက အတိအကျပုံစံကြီးနှင့် ပြောလေသည်။ ကျွန်တော်ကတော့ ဘယ်လိုမှ မယုံချေ။ လက်ခံလို့ လည်းမရ။ ဟိုဟာက စိတ်ကူးယဉ်ရုပ်ရှင်ဇာတ်လမ်း။ ဒါက တကယ့် ပြင်ပလောကကြီး ဘယ်လိုမှ မဖြစ်နိုင်ပေ။ ခင်ဗျားကိုယ်တိုင် ကြုံ ဖူးလို့လားလို့ ကျွန်တော်က မေးတော့။ သူ့မျက်နှာက ဖြူရော်ဖြူဖတ်ဖြစ်သွားသည်။ တကယ် ကြုံဖူးသည့် စတိုင်လ်နှင့်။ ဟာ မပြော ပါနဲ့တော့ဗျာ။ အဲဒီနေ့ကို ကျွန်တော် ဘယ်တော့မှ မမေ့ဘူး။ ကျွန်တော် ကိုယ်တိုင် ခံလိုက်ရတာတော့ မဟုတ်ဘူးဗျ။ အခြားလူ တစ်ယောက် ခံလိုက်ရတာ။ အဲ့ဒါကို ကျွန်တော်မြင်လိုက်ရတာ။ လို့ သူက ပြောသည်။ ဘယ်လိုမျိုးလဲလို့ ကျွန်တော်က မေးတော့။ အဲဒီနေ့က မြို့ထဲက အဆောက်အဦးတစ်ခုမှာ။ အလုပ်လျှောက်ထားလို့ အင်တာဗျူးဖြေဖို့ ကျွန်တော် ရောက်သွားတယ်။ ကျွန်တော်နဲ့ အတူ အင်တာဗျူးဖြေ ဖို့ လာတဲ့သူတွေလည်း အများကြီးပေါ့ဗျာ။ အဲ အဲဒီအချိန်မှာ ကျွန်တော်နဲ့ ကပ်လျက် ထိုင်နေတဲ့ လူတစ်ယောက်ပဲ။ သူ့ပုံစံက တကယ့် လူကြီးလူကောင်းပုံစံ။ ၀တ်တာစားတာ လှုပ်ရှားတာတွေက တကယ် စမတ်ကျတယ်။ ဒါပေမယ့် သူ့မျက်နှာဗျ။ သူ့မျက်နှာ က ဖြူဖတ်ဖြူရော်နဲ့ သွေးမရှိတဲ့ လူတစ်ယောက်လိုပဲ။ အဲဒီလူက သူနဲ့ မျက်နှာချင်းဆိုင်တည့်တည့်က လူတစ်ယောက်ကို အသေ အချာကြီး ကြည့်ပြီး ပျော်ရွှင်ခြင်းတွေကို စားသုံးနေတာ။ အစက ကျွန်တော်လည်း မသိဘူး။ ပုံမှန်ဘဲ။ အင်တာဗျူးဖြေဖို့ အချိန်ကလည်း လိုသေးတယ်လေ။ အဲဒီတော့ ကိုယ်ကျက်မှတ်ထားတာလေး တွေ စိတ်ထဲမှာ ပြန်နွှေးနေတာ။ ကျွန်တော့်ဘေးတွေ ရှေ့တွေက လူတွေလည်း သိပ် အာရုံမထားမိဘူး။ တဖြည်းဖြည်းနဲ့ ကျွန်တော့် စိတ်ထဲမှာ အေးလာသလိုလို ခံစားရတယ်။ အစက အဲကွန်းကြောင့်လို့ ထင်နေတာ။ ကြာလာတော့ ဘယ်လိုမှ မနေနိုင်လောက် အောင်ကို အေးစက်လာတာဗျာ။ ကျွန်တော်လည်း စိတ်ထဲမှ ကျက်မှတ်သမျှတွေ ပြန်နွှေးရင်း ဟိုကြည့်ဒီကြည့် လုပ်လိုက်တာပေါ့။ တကယ်လို့ အဲဒီက ၀န်ထမ်းတစ်ယောက်ယောက်များတွေ့ရင် အဲကွန်းကို လျှော့ခိုင်းဖို့ပေါ့။ အဲ့လို ကြည့်ရင်း ကျွန်တော်နဲ့ မျက်နှာ ချင်းဆိုင်ခုံတန်းက တစ်ယောက်ကို သတိထားမိသွားတာ။ သူက ကျွန်တော်တို့ဘက်ကို ကြောင်ကြောင်ကြီး ကြည့်နေတာ။ ကြည့်နေ ရင်း ကြည့်နေရင်းနဲ့လည်း သူ့မျက်လုံးတွေဟာ အားငယ်လာသလိုလို ကြောက်ရွံ့လာသလိုလို ဖြစ်လာတယ်။ ကျွန်တော်လည်း သူ ဘယ်ကို ကြည့်တာလဲ သေချာအောင် လိုက်ကြည့်တော့ ကျွန်တော့်ဘေးက လူကို ကြည့်နေတာတွေ့တာပေါ့။ ကျွန်တော့်ဘေးကလူ ကတော့ ဟိုဘက်ကလူကို မမှိတ်မသုန်ကြည့်နေတာကလွဲပြီး သူ့မျက်လုံးဟာ အားငယ်တဲ့ပုံ မပေါ်ဘူး။ သေချာကြည့်ရင်း သူမျက်လုံး တွေဟာ ခွန်အားတွေ ပြည့်လာသလိုလိုတောင် ခံစား၇တယ်။ ဟိုဘက်ကလူကတော့ တဖြည်းဖြည်းနဲ့ အခြေအနေက ဆိုးသထက် ဆိုးလာတယ်။ မျက်နှာလည်း ဖြူရော်ရော် ဖြစ်လာတယ်။ ကျွန်တော်တောင် ဘေးကနေ စိတ်ညစ်လာတယ်။ ဟို ဗျာ ။ အဆင်မပြေတဲ့ အတွေးတွေ ၀င်လာတာပေါ့။ စိတ်ညစ်လာတာ။ ခဏနေတော့ ဟိုဘက်ကလူ ငိုပါလေရော။ ပါးစပ်ကလည်း ပွစိ ပွစိတွေ ပြောနေ တယ်။ အမေ အမေ လို့လည်း ညည်းတယ်။ ဘေးကလူတွေလည်း ရုတ်ရုတ်ဖြစ်သွားတာပေါ့။ ဘာဖြစ်လို့လဲ။ နေမကောင်းဘူးလား။ ဘာညာနဲ့ပေါ့။ ဟိုလူက ဘယ်လိုမှ မေးလို့ မရတော့ဘူး။ ငိုကြီးချက်မတွေ ဖြစ်ပြီး ဘေးကလူတစ်ချို့ ၀ိုင်းပြီး တက်စီငှားပြီး အိမ်ပြန် ပို့လိုက်ရတယ်။ ကျွန်တော်လည်း လန့်သွားတယ်။ ဒါ ကျွန်တော့်ဘေးကလူ လက်ချက်ဆိုတာ ကျွန်တော် သိတယ်လေ။ ကျွန်တော့် ဘေးကလူကတော့ သူနဲ့ ဘာမှ မဆိုင်သလိုပဲ။ သူ့မျက်နှာကလည်း စောစောကလို ဖြူဖတ်ဖြူလျော်မဟုတ်တော့ဘဲ နည်းနည်း သွေးရောင်လေးတွေ သမ်းလာတယ်။ ဟိုလူ ထွက်သွားတော့ အခန်းက အေးမနေတော့ဘဲ ကျွန်တော် ရောက်ကာစက အတိုင်း ပုံမှန် ဖြစ်သွားတယ်။ ကျွန်တော်လည်း အဲဒီနေ့က ကျွန်တော့်ဘေးကလူကို သေချာမကြည့်ရဲဘူး။ အင်တာဗျူးလည်း ကောင်းကောင်းမဖြေ နိုင်ခဲ့ဘူး။ အဲဒီနောက် အပြန်လမ်းမှာလည်း ကျွန်တော် ပတ်ဝန်းကျင်ကို သတိထားပြီး ပြန်လာခဲ့တယ်။ အဲဒီမှာမှ သေချာတွေ့တော့ တာဗျို့။ ဘတ်စ်ကားပေါ်မှာ။ စားသောက်ဆိုင်တွေမှာ။ ပလက်ဖောင်းတွေမှာ။ အများကြီးပဲ။ ကျွန်တော် သူတို့ကို မနည်းရှောင်ပြီး ပြန် လာခဲ့ရတယ်။ အဲဒီနေ့နောက်ပိုင်း ကျွန်တော်မြို့ထဲကို မသွားရဲတော့ဘူး။ လို့ သူက ပြောပြီး မောသွားသလိုနဲ့ လက်ဖက်ရည်ခွက် ကို ကောက်ခနဲ မော့သောက်လိုက်သည်။ ကျွန်တော်ကတော့ မယုံနိုင်ဖြစ်နေသည်။ ဒီလို မြို့ကြီးထဲမှာ ဘယ်လိုလုပ် စိတ်ကူးယဉ် ဇာတ်လမ်းထဲက အကောင်တွေ ရှိနိုင်မှာလဲပေါ့။ သူ့ကြည့်ရတာလည်း တကယ်ကြုံခဲ့သည့်ပုံ။ ပြောနေရင်းနဲ့တောင် မျက်နှာက ဖြူရော်ရော် ဖြစ်သွားချင်သည်။ တစ်ခုတော့ရှိသည်။ သူ စိတ်မနှံ့ဖြစ်သွားတာလား။ ဒါပဲ ဖြစ်နိုင်သည်။ ဇာတ်လမ်းထဲကလိုတော့ အပြင်မှာ ဘယ်လိုမှမဖြစ်နိုင်။ သူ့ဟာသူ စိတ်ရူးသွပ်ပြီး ထင်ချင်ရာတွေ လျှောက်ထင်နေတာပဲ ဖြစ်လိမ့်မည်။ ကျွန်တော် သူ့ကို ဘာမှ အထွန့်တက်မနေတော့ဘဲ နှုတ်ဆက်ပြီး အိမ်ပြန်ခဲ့သည်။ အပြန်လမ်းမှာတော့ သူပြောသလို မကောင်းဆိုးဝါးများတွေ့မလား ဟု ရှာကြည့်သေးသည်။ မကောင်းဆိုးဝါးတော့မတွေ့ပါ။ မျက်နှာ ဖြူဖတ်ဖြူလျော်နှင့်လူများကိုတော့ တွေ့သည်။ နည်းနည်းအေး သလိုလည်း ခံစားရသည်။ ခံစားရမည်ပေါ့ ။ ဆောင်းရာသီေ၇ာက်နေပြီကို။ ညနေပိုင်းဆို အအေးလေးက ၀င်ချင်ပြီလေ။ အိမ်ရောက် ရင် ဟယ်ရီပေါ်တာရုပ်ရှင် ပြန်ကြည့်ဦးမည်ဟု စိတ်ထဲက တွေးရင်း ပြုံးမိသည်။

ဒီနေ့ည မုန်တိုင်း ရှိတယ်

လို့ သူက ပြောသည်။ ဘယ်လိုရှိတာလဲ လို့ ကျွန်တော်က မေးတော့ သူက ရေဒီယိုကို မေးငေါ့ပြ၏။ ရေဒီယိုက မုန်တိုင်း သတိပေးချက် လာနေသည်။ မုန်တိုင်းက ဘယ်ကို ဗဟိုပြုပြီး ဘယ်မြို့တွေ ဖြတ်သန်းသွားပြီး ဘယ်ရောက်ရင် အားပျော့ပျက်ပြယ် သွားမယ်ဆိုတာတွေ ကြော်ငြာနေသည်။ မုန်တိုင်း ဖြတ်သန်းသွားမည့် မြို့များထဲတွင် ကျွန်တော်တို့ မြို့လည်း ပါသည်။ အပြင်ဘက် ကို ကြည့်လိုက်တော့ ကောင်းကင်တစ်ခုလုံး တိမ်ညိုတွေနဲ့ အုံ့မှိုင်းနေသည်။ ရေဒီယိုက ကြော်ငြာထားသည့် မုန်တိုင်း ဖြတ်မည့် အချိန်က သိပ်မလိုတော့။ အခုနှစ်ထဲမှာ မုန်တိုင်းတွေ ခဏခဏ ဖြစ်တယ်နော် လို့ သူက ပြောသည်။ ဖြစ်ရမယ့် အကြောင်းတွေ ရှိ တော့လည်း ဖြစ်ရမှာပဲလေ လို့ ကျွန်တော်က ပြောလိုက်သည်။ သူက ရေနွေးအိုးထဲမှ ဆူပွက်နေသည် ရေနွေးများကို ခွက်နှစ်ခွက်ထဲ သို့ ထည့်နေသည်။ ပြီးတော့ ရယ်ဒီမိတ် ကော်ဖီမစ်နှစ်ထုပ်ကို ဖောက်ထည့်လိုက်သည်။ ဇွန်းနှင့် မွှေပြီး တစ်ခွက်ကို ကျွန်တော့်ကို ပေးသည်။ ကျွန်တော် ကော်ဖီခွက်ကို လှမ်းယူပြီး ။ ငါ ဒီည ဒီမှာပဲ အိပ်တော့မယ် လို့ ပြောလိုက်သည်။ သူက အိပ်လေ  ။ ကောင်းတယ် ။ ငါလည်း စကားပြောဖော်ရတာပေါ့ လို့ ပြောသည်။ အပြင်ဘက်တွေ လေတိုက်သံတွေ ကြားနေရပြီ။ မုန်တိုင်းလာနေ ပြီနဲ့ တူတယ်လို့ သူက ပြောသည်။ ရေဒီယို ပြန်ဖွင့်ကြည့်တော့ ဘာလိုင်းမှ မဖမ်းမိတော့။ တီဗွီဖွင့်တော့လည်း ဘာချန်နယ်မှ မလာ တော့။ မီးကတော့ မပြတ်သေး။ သူနဲ့ ကျွန်တော် စာအုပ်ကိုယ်စီ ကောက်ကိုင်ရင်း ကော်ဖီမြုံ့လိုက် စာဖတ်လိုက် နှင့် ဇိမ်ကျနေ လိုက်သည်။ အပြင်ဘက်က လေတိုက်သံတွေသာ အခန်းထဲသို့ တ၀ုန်းဝုန်း ၀င်လာသည်။ စာအုပ်ထဲမှာ အာရုံနစ်သွားတော့ လေ တိုက်သံတွေ မကြားမိတော့။ စာမျက်နှာ ဆယ်မျက်နှာလောက် ဖတ်ပြီးချိန်မှာ သူက ရေဒီယိုကို ပြန်ဖမ်းသည်။ အခုဆိုရင် မုန်တိုင်း ဟာ ကုန်တွင်းကို ၀င်ရောက်နေပြီး ….မြို့တွေကို ဖြတ်သန်းနေပါပြီ။ ဆက်လက်၍ ….၊…….၊…….၊…….မြို့များကို ဖြတ်သန်းဖို့ ဦးတည်နေပါသဖြင့် ၎င်းမြို့များတွင် နေထိုင်သော ပြည်သူများအနေဖြင့် မုန်တိုင်းဒဏ်နှင့် ကင်းလွတ်ရာနေရာများသို့ ပြောင်းရွှေ့ နေကြရန် ကြိုတင်သတိပေးကြေငြာအပ်ပါသည်။ပြီးပြီးချင်းပဲ ရေဒီယိုက လိုင်း ပြတ်သွားပြန်သည်။ အခုမှ အပြင်က အသံတွေကို သူ ဂရုစိုက်မိတော့သည်။ မုန်တိုင်းသည် သူတို့မြို့ ကို ဖြတ်သန်းနေပြီ ထင်သည်။ လေတိုက်သံတွေက ကမ္ဘာပျက်နေသလိုပင် ။ ထိုအချိန်တွင် မီးက ပြတ်သွားသည်။ သူက မီးအိမ်လေး ထွန်းလိုက်သည်။ ကျွန်တော်တို့ နှစ်ယောက် ထိုင်နေသော စားပွဲရှေ့တွင် မီးအိမ်လေးကို ချထားသည်။ ထုံးစံကတော့ မပျက်ဘူး လို့ သူက ပြောသေး၏။ မုန်တိုင်းသံကို နားထောင်ရတာလည်း တစ်မျိုး စိတ်ဝင်းစားဖို့ ကောင်းတယ်နော် လို့ သူက ဆက်ပြောသည်။ ဘာလို့လဲ ဟု ကျွန်တော်က မေးတော့ ။ မသိဘူး။ သေသေချာချာ မပြောတတ်ဘူး။ နင်ကော ဘာမှမခံစားရဘူးလားလို့ ကျွန်တော့် ကို မေးခွန်းပြန်ထုတ်၏။ ကျွန်တော်လည်း ဘယ်လို ဖြေရမှန်းမသိ။ မုန်တိုင်းသံ နားထောင်ရတာ အခြားအသံတွေ နားထောင်ရသလို မဟုတ်တာတော့ သေချာသည်။ အဲ့ဒါကတော့ ကျွန်တော်မှ မဟုတ် ။ အခြားလူတွေလည်း ဒီလိုပဲ ခံစားမိကြလိမ့်မည်။ သေချာတာ ကတော့ ကောင်းတဲ့ ခံစားချက်မဟုတ်တာပဲ ဖြစ်သည်။ မုန်တိုင်းဆိုတာ လူတွေရဲ့ ဘ၀ကို ဖျက်စီးတတ်တဲ့ သဘာဝအန္တရာယ်တစ်ခုပဲ ဟ။ အဲ့လို ဖျက်စီးတတ်တဲ့သူတွေရဲ့ အသံကို ကြားရတာ အခြားအသံတွေကို ကြားရသလိုတော့ သာမန်ခံစားလို့ ရမှာမဟုတ်တာ သေချာတယ်။ ရင်ခုန်စိတ်လှုပ်ရှားသလိုလို။ ကြောက်ရွံ့ထိတ်လန့်သလိုလို။ တစ်မျိုးတော့ တစ်မျိုးပဲ ဟု ကျွန်တော်က ပြောတော့ သူ က ခေါင်းညိမ့်ပြသည်။ ဟုတ်တယ်။ အဲ့ဒီလိုပဲ။ အဲ့ဒါကကို တစ်မျိုးခံစားလို့ကောင်းနေတာ မဟုတ်ဘူးလားလို့ သူက ပြောသည်။ မကောင်းပါဘူးဟာ။ မကောင်းတဲ့အကောင်တွေရဲ့ အသံတွေက ဘယ်လိုလုပ် ခံစားလို့ ကောင်းမှာလဲ။ သူတို့လာရင် မကောင်းတာ တွေ ဖြစ်တော့မယ်ဆိုတာ ကြိုသိနေတာပဲ။ မနက်ဖြန်ကျ သတင်းတွေ နားထောင်ကြည့်။ အပျက်အစီးသတင်းတွေ။ အသေအပျောက် သတင်းတွေ တန်းစီလာလိမ့်မယ်။ ဒီလို မကောင်းတာတွေ သယ်လာတဲ့ကောင်ရဲ့ အသံက ဘယ်လိုလုပ် ကောင်းနိုင်တော့မလဲ လို့ ကျွန်တော်က ပြောတော့ သူ ခဏငြိမ်သွားသည်။ အဲ့ဒါလည်း ဟုတ်တာပဲဟ။ မုန်တိုင်းတွေ မလာတာဘဲ ကောင်းတယ်နော် လို့ သူက ပြောသည်။ အဲ့လို မကောင်းတာတွေ တပြုံတမကြီး သယ်လာတဲ့ အရာမှန်သမျှဟာ မုန်တိုင်းလိုပဲ ကောင်းတဲ့အကောင် မဟုတ်ဘူး ပေါ့နော် လို့ သူက ထပ်ပြောသည်။ အင်း ဒါပေါ့လို့ ကျွန်တော်လည်း ထောက်ခံလိုက်သည်။ ဒီလိုဆို လူ့အဖွဲ့အစည်းမှာ မုန်တိုင်းလို လူတွေ အများကြီးရှိတာပေ့ါနော် လို့ သူက ဆက်ပြောပြန်သည်။ ဟမ် ဘာ ပြောတယ်လို့ ကျွန်တော် နားမရှင်းလို့ ပြန်မေးမိသည်။ အော် ငါတို့ လူ့အဖွဲ့အစည်းမှာလည်း ဒီလို မကောင်းတဲ့ ပြဿနာတွေ ကိစ္စတွေ အဖြစ်အပျက်တွေ အကျိုးအဆက်တွေ ဖြစ်ပေါ်စေ တဲ့ လူတွေ ရှိတယ်လေ။ အဲ့လိုလူတွေဟာလည်း မုန်တိုင်းလိုပဲမဟုတ်လား။ လူမုန်တိုင်းတွေပေါ့။ ကျွန်တော် ပြုံးမိသည်။ အဲ့လို လူတွေကျတော့ မုန်တိုင်းမဟုတ်တော့ဘူးဟ။ မကောင်းဆိုးဝါး နတ်ဆိုးတွေ။ သူတို့က မုန်တိုင်းလို ခဏလေး ဖြတ်ဝင်ပြီး ဖျက်စီးသွား တာမဟုတ်ဘူး။ မသေမချင်းကို လူ့အဖွဲ့အစည်းကို ဒုက္ခတွေ ထုတ်လွှတ်ပေးနေတာ။ မုန်တိုင်းထက်ဆိုးတယ်လို့ ကျွန်တော်က ပြော တော့ သူက သဘောကျသလို ရယ်၏။ အေး အေး ဟုတ်မယ် ဟုလည်း ပါးစပ်က ထောက်ခံသေး၏။ လေသံတွေတော့ နည်းနည်းပါး သွားပြီ။ မုန်တိုင်း ကျော်သွားပြီနဲ့တူတယ် လို့ အပြင်ဘက်ကို နားစွင့်ရင်းကျွန်တော် ပြောလိုက်သည်။ သူက ။ အေး ဒါဆိုလည်း အိပ်ကြရအောင်။ မီးကလည်း ပြန်လာမယ့်ပုံမပေါ်တော့ဘူး။ လို့ ပြောရင်း အိပ်ဖို့ အိပ်ခန်းဘက် ထွက်ခွာရင်း ပြော၏။ ငါ ဒီစာအုပ် ပြီးအောင် ဖတ်လိုက်ဦးမယ် ။ စောစောစီးစီး မအိပ်တတ်ဘူး။ အကျင့်ဖြစ်နေပြီ လို့ ပြောတော့ သူက အေး အေးဆိုပြီး အခန်းထဲ ၀င်သွားသည်။ ကျွန်တော်တစ်ယောက်တည်း ဧည့်ခန်းမှာ ကျန်ခဲ့၏။ အေးစက်နေသော ကော်ဖီကို တစ်ငုံမြုံပြီး စာဆက်ဖတ်နေလိုက် သည်။ စာအုပ်ဖတ်လို့ ပြီးတဲ့အချိန် အိပ်ချိန်ပဲဟု စိတ်ထဲမှာ တွေးထားသည်။

မုန်တိုင်းအပြီး မြို့ထဲမှာ ကြောက်စရာ မနက်ဖြန်တွေ ရှိနေမလား

ဘယ်သူမှ မပြောပါဘူး။ ကျွန်တော့်ဘာသာ ရေရွတ်လိုက်မိတာပါ။မုန်တိုင်းအပြီး နောက်တစ်နေ့ ။  ကြည်ကြည် လင်လင် ရာသီဥတုတစ်ခု လွှမ်းခြုံထားလို့ သာသာယာယာရှိတယ်ဆိုပြီး မြို့ထဲသွားဖို့ ပြင်ရင်း ရေရွှတ်မိလိုက်ခြင်း ဖြစ်သည်။ မြို့ထဲမှာ ဘာတွေ ရှိနိုင်သလဲ။ မုန်တိုင်းဖြတ်ဝင်သွားလို့ အပျက်အစီးတွေ ရှိနေမလား။ အသေအပျောက်တွေ ရှိနေမလား။ မကောင်းဆိုးရွား တွေကော။ မုန်တိုင်းဒဏ်ခံထားရတဲ့ အချိန်မှာတောင် မကောင်းဆိုးဝါးတွေက လူတွေကို ဒုက္ခပေးနေဦးမလား။ ဒါကတော့ မဖြစ်နိုင်။ ဟိုလူက အရူးထပြီး လျှောက်ပြောသွားခြင်းသက်သက် စကားဖြစ်နေခြင်းသာ။ သူ ပြောသလို ပျော်ရွှင်စရာတွေ စားသောက်ချင်ဦး တော့ အခုအချိန်မှာ ပျော်ရွှင်စရာတွေက နည်းနေမှာ အသေအချာပဲ။ အဲဒီမကောင်းဆိုးဝါးတွေ ငတ်ပြီပေါ့။ ပေါက်တတ်ကရတွေ တွေး မိတွေးရာ တွေးရင်း မြို့ထဲမှာ တွေ့ရမယ့်အရာတွေကို ကျွန်တော် ကြောက်နေမိသလားပဲ။ ကြောက်အောင်တွေးရင်တော့ အားလုံး ကြောက်စရာဖြစ်နေမှာပဲ။ ကြောက်စရာမဟုတ်ဘူးလို့ တွေးရင်တော့ မကောင်းဆိုးဝါးမက လို့ သူ့အဘိုးပဲ လာလာ ဘာမှ ကြောက် စရာမရှိမှာ သေချာသည်။ ဒီတော့ ကြောက်စရာတွေ မတွေးဘဲ ပျော်စရာလေးတွေပဲ တွေးပြီး သွားတော့မည်။ ကားဂိတ်ရောက်တော့ ထုံးစံအတိုင်း လူစည်မြဲ။ လူအုပ်ရဲ့ အစွန်မှာ ရပ်လိုက်ပြီး ဘတ်စ်ကားအလာကို စောင့်ရင်း လူတွေကို ကြည့်ရင်း မကောင်းဆိုးဝါးများ ရှိနေမလား ရှာရင်း စိတ်ကူးတွေ ယဉ်ရင်း ကြောက်စရာတွေ မျှော်လင့်ရင်း မုန်တိုင်း အပြီး မနက်ဖြန်ဟာလည်း မုန်တိုင်းမတိုင်ခင်က နေ့တွေလိုပဲ သိပ်မထူးပါဘူးလို့ မှတ်ချက်ချရင်း ဘတ်စ်ကားဟာ တော်တော်နဲ့ ရောက်မလာနိုင်တော့ဘူး။

မိုးအိမ်လူ
နိုဝင်ဘာ ၁၃ ရက်၂၀၁၃ခုနှစ်