Tuesday, February 14, 2012

ချစ်ခြင်း သစ္စာ

ရာသီစာ အိပ်မက်တွေကို
မမက်မောတတ်တဲ့ စိတ်နဲ့
ငါတို့ အလွမ်းတွေ
ချွေးသိပ်ခဲ့ရတဲ့ နေ့

စန္ဒီရေ
အိပ်မက်တွေ မကောင်းခဲ့ဘူးဆိုလည်း
ဒီနေ့ နေ့စွဲလေးနဲ့ပဲ
အားလုံးကို ရွှေမှုန်ကြဲခဲ့ပါ

ဘာမှန်းညာမှန်းမသိ
မကောင်းတာပဲ ရှိတဲ့
လောကဓံဆိုတဲ့ ကောင်ကြီးနဲ့
မလွတ်ကင်းနိုင်သမျှ
မင်း လည်း အလွမ်းကို ချစ်နေရသလို
ငါ လည်း အချစ်တွေကို လွမ်းနေရဦးမှာ

အချိန်တွေ နာရီတွေ
ငါ မတွက်ချင်ဘူး
ကာလယန္တရားရဲ့ ပြုစားမှုအောက်မှာ
တို့တွေ နာကျင်ဆိပ် တက်ရမယ့် အဖြစ်မျိုးတွေ
ဒါတွေဟာ ၀ဋ်ကြွေးတွေပဲလား

ပျော်ခဲ့ဖူးတဲ့ နေ့စွဲတွေကိုပဲ
အကြိမ်ကြိမ် လတ်ဆတ်
ငါ့ရဲ့ အသက်ရှူထုတ်မှုတိုင်းမှာ
မင်းရဲ့ ကိုယ်သင်းရနံ့တွေ မပြယ်လွင့်နိုင်သလို
မင်းလည်း ငါ့လို ခံစားနေမယ်ဆိုတာ
ငါ ယုံတယ် စန္ဒီ
ဒါဟာ ချစ်သူတို့ရဲ့ ချစ်ခြင်း သစ္စာ

ငါ မပျော်တဲ့ နေ့တွေ
မင်း မရယ်နိုင်သလို
မင်း ငိုခဲ့တဲ့ နေ့တွေမှာ
ငါ မပြုံးနိုင်ခဲ့တာ
ဒါဟာ ရွှေနဲ့လဲလို့ မရတဲ့
ငါတို့ရဲ့ သံယောဇဉ် သံမဏိဆန်မှုတွေပေါ့  စန္ဒီ

ချစ်သူတို့ အတွက်
ဖေဖော်ဝါရီ ၁၄ ဟာ
အဓိပ္ပာယ်တွေ ပျော်ရွှင်ခြင်းတွေ အမှတ်တရတွေ
ပြည့်နှက် ပျော်ဝင်နေတဲ့ နေ့စွဲတစ်ခု ဖြစ်လိမ့်မယ်

စန္ဒီရေ
ငါတို့အတွက်ကတော့
အတူရှိနေတဲ့ အချိန်တိုင်းဟာ ဖေဖော်ဝါရီ ၁၄ ဆိုတာ
ဘယ်သူမှ မသိနိုင် မယှဉ်နိုင်တဲ့
သစ္စာတစ်ခု

ငါ ချစ်တယ် စန္ဒီ
ချစ်ခြင်းရဲ့ ဆုလာဘ်
ငါ လွမ်းတယ် စန္ဒီ
အလွမ်းရဲ့ ဆုလာဘ်
( မင်းနဲ့ တွေ့တဲ့ အချိန် )
ငါ ပျော်တယ် စန္ဒီ

မင်းလည်း ငါနဲ့ထပ်တူ
ဒီ တေးချင်းကို
ပြိုင်တူ သီဆိုနေမယ်ဆိုတာ
သက်သေပြချက်မလိုဘဲ
ငါ ယုံကြည်တယ်

ဒါဟာ
ချစ်ခြင်းသစ္စာအတွက်
ငါတို့ရဲ့ ချစ်သူ ဆန်မှုပဲပေါ့ …ချစ်သူ။

မိုးအိမ်လူ