Thursday, December 1, 2011

ငါ့လက်ထဲက အာဒံ လုယူသွားတဲ့ သစ်သီး




ကောင်မလေး၏ စာမျက်နှာ

ကျွန်မ သူ့ ကို ဘယ်လိုမှ သည်းမခံနိုင်တော့ဘူး။ ဒါ သူ့ ဘက်က တမင်တကာကို လုပ်နေတာ။ ကျွန်မ သူ့ အပေါ် ချစ်တဲ့ အချစ်တွေကို သူ မလေးမစား လုပ်တာ။ ကျွန်မကို စော်ကားတာပဲ။ ကျွန်မ အရင်က ရည်းစား တွေများခဲ့ပါတယ်။ ဒါဟာ ကျွန်မရဲ့ အကြီးမားဆုံး အားနည်းချက်ပဲ။ ကျွန်မမှာ အဲဒီ အားနည်းချက်ရှိလို့  ( သူ ကျွန်မကို  တကယ်ချစ်တာလို့ ယုံကြည်မိလို့  ) ကျွန်မ သူ့ အပေါ် အများကြီး ကောင်းခဲ့တယ်။ သူ့ရဲ့ပျက်ကွက်မှုတွေ ၊ သူ ကျွန်မအပေါ် အနိုင်ကျင့်တာတွေကို သည်းခံခဲ့တယ်။ ( ကျွန်မ ကိုယ်တိုင်ကလည်း သူ့ ကို အရမ်း ချစ်မိသွားတယ်လေ )။
ကျွန်မ အရင်က ရည်းစားများခဲ့တယ်ဆိုတာကလည်း တပြိုင်တည်း နှစ်ယောက် သုံးယောက် ထားခဲ့တာ မဟုတ်ပါဘူး။ ကျွန်မကတော့ ရည်းစားထားတိုင်း တစ်ဘ၀လုံးစာ သေချာစဉ်းစားပြီးမှ ထားခဲ့တယ်။ ဒါပေမယ့် သူတို့ကတော့ အကြောင်း အမျိုးမျိုးနဲ့ ကျွန်မ ဘ၀ထဲက ထွက်သွားခဲ့တယ်။ တစ်ယောက်ပြီး တစ် ယောက်။ အဲဒီလို ရည်စားတွေ အများကြီး ထားခဲ့လို့ ကျွန်မကို ယောကျာ်းတွေ ကောင်းကောင်းသိတယ်လို့  ထင်သလား။ လုံးဝပဲ။ ကျွန်မက အချစ်ကိုပဲ သက်ဝင်ခံစားနေခဲ့မိတာ။ အချစ်ကိုပဲ ယုံကြည်ကိုးကွယ်နေမိခဲ့ တာလေ။ အခုတော့ အဲဒီ အချစ်ကြောင့်ပဲ ကျွန်မ နာကျင်နေရပြီ။ ကျွန်မ မျက်ရည်ကျနေရပြီ။ အကြိမ်ကြိမ်ပဲပေါ့။
သူ…။ သူ့ ကို ဘာကြောင့် ကျွန်မ အရမ်းချစ်မိသွားသလဲ ဆိုတာ ကျွန်မကိုယ်တိုင် နားမလည်ခဲ့ဘူး။ မသိခဲ့ဘူး။ သူလား။ သူ က အရမ်းတော်တဲ့ လူတစ်ယောက်လို့တော့ မထင်လိုက်လေနဲ့။ သူက သာမန် ခပ်ချာ ချာ ယောကျာ်းတစ်ယောက်ပါပဲ။ တော်တဲ့ နေရာ အနည်းငယ်တော့ ရှိပါတယ်။ သူက ကျွန်မအတွက် ကျွန်မ ကြိုက်တဲ့ ကဗျာလေးတွေ ရေးတတ်တယ်။ ရံဖန်ရံခါ ကျွန်မကို ပျော်ရွှင်အောင် လုပ်နိုင်တယ်။
( အခါများစွာမှာတော့ ကျွန်မကို နာကျင်မှုတွေနဲ့  မျက်ရည်ကျစေခဲ့တဲ့သူ )။
ကျွန်မဘ၀က ပင်ပန်းနွမ်းနယ်မှုတွေ၊ စိတ်မချမ်းမြေ့မှုတွေ နဲ့  အချိန်တိုင်းလိုလို နာကျင်ခံစားမှုတွေ ပဲ ပြည့်နှက်နေခဲ့တယ်လေ။ မိသားစုအရေး ၊ အိမ်တွင်းရေး ၊ လူမှုရေး တွေနဲ့ စိတ်တွေ ပင်ပန်းနွမ်းလျနေခဲ့တဲ့ အချိန်တွေမှာ သူက ကျွန်မကို စကားလုံးလှလှလေးတွေနဲ့ အားပေးခဲ့တယ်။ သူဟာ ရင့်ကျက် တည်ငြိမ်တဲ့ ယောကျာ်းတစ်ယောက်လို့  ကျွန်မ ယုံကြည်ခဲ့မိတယ်။ ( အဲဒီတုန်းကပေါ့ ) ။ ကျွန်မ စိတ်တွေ ညစ်တိုင်း သူ့ကို  တမ်းတတတ်လာတယ်။ သူ့ကို အားကိုးမိလာတယ်။ သူသာ ကျွန်မဘေးနားမှာရှိရင် ကျွန်မ ဘ၀ လုံခြုံ  အေးချမ်းပြီး  ပျော်ရွှင်သာယာလာလိမ့်မယ်လို့ ထင်မိတဲ့ အထိပဲ။ အခုတော့..။
အချိန်တွေ ကြာလာတာနဲ့အမျှ သူဟာ သူများကို နာကျင်သွားအောင် စကားပြောတတ်တဲ့သူ။ သူများ စိတ်ညစ်မှ ပျော်ရွှင်တတ်တဲ့သူ။ ကိုယ့်ချစ်သူ ပျော်ရွှင်အောင် ဘယ်လိုလုပ်ရမလဲ မစဉ်းစားတတ်တဲ့သူ။ ကိုယ်ကျိုးပဲ ကြည့်တတ်တဲ့ အတ္တကြီးတဲ့သူ ။ ကိုယ့်ချစ်သူအတွက် ဘာမှ ဖြည့်ဆည်းနိုင်စွမ်း မရှိတဲ့သူ။ … အစ ရှိသဖြင့် မကောင်းတဲ့ အကျင့်စရိုက်များစွာနဲ့  ခပ်ညံ့ညံ့ ယောကျာ်းတစ်ယောက်ဆိုတာ  ကျွန်မ တဖြည်းဖြည်းနဲ့   သိလာတယ်။ အဲဒီလိုသိလာလို့  သူ့ ကို မမုန်းမိဘဲ ပိုပိုပြီး ချစ်လာတဲ့ ကျွန်မကို ကျွန်မ အံ့သြလို့ မဆုံးနိုင်ဘူး။ ကျွန်မ အရင် ရည်းစားတွေဆို ကျွန်မ မကြိုက်တာ တစ်ခုရှိတာနဲ့ ကျွန်မက တန်းပြောတာပဲ။ သူတို့ကလည်း  ကျွန်မအတွက်ဆို အရာအားလုံး ပြင်ဆင်ဖို့ အဆင်သင့်။ ကျွန်မ သဘောအတိုင်းပဲ။ ကျွန်မက သူ့့ကို အဲဒီလို နှိုင်းယှဉ်ပြီး ပြောရင် သူက လုံးဝမကြိုက်ဘူး။ စိတ်ဆိုးတတ်တယ်။ သူ စိတ်ဆိုးရင် ကျွန်မ ဘယ်လိုမှ မနေတတ် ဘူး။ ကျွန်မ ဘက်ကပဲ အရင် အလျှော့ပေးရတယ်။ ကျွန်မတော့ ၀ဋ်လည်ပြီ ထင်ပါရဲ့။
အဆိုးရွားဆုံး ကိစ္စကတော့ သူ့မိဘတွေက ကျွန်မကို မတူသလို မတန်သလို ပြောကြတာပဲ။ ကျွန်မကို ပြောတုန်းက ကျွန်မ သည်းခံနိုင်ခဲ့ပါတယ်။ ဒါပေမယ့် ကျွန်မ မိဘတွေ ဆွေမျိုးတွေအထိ စော်ကားမော်ကား ပြောလာတော့ ကျွန်မ လုံးဝ သည်းမခံနိုင်တော့ဘူး။ ပြီးတော့  အဲဒါတွေက လည်း ကျွန်မကို တိုက်ရိုက်ပြောတာ မဟုတ်ဘူး။ ကျွန်မ ပြန်ကြားနိုင်မယ့် ပတ်ဝန်းကျင်ကို ပြောကြတာဆိုတော့ ကျွန်မမှာ သိက္ခာလည်း ကျ ..အဲဒီ အတွက် ပြန်ပြောရအောင်ကလည်း ကိုယ့်ကို တိုက်ရိုက်လာပြောတာမဟုတ်ဆိုတော့ ကျွန်မမှာ ဒေါသ ထွက်ရုံ က လွဲပြီး ဘာတတ်နိုင်မှာလဲ။ သူ့ ကို အဲဒီအကြောင်းတွေ ကျွန်မ ပြောပြတော့ အံ့သြစရာကောင်းလောက် အောင် သူ က တေမိဇာတ် က နေလေရဲ့။ သူများမိသားစု ကျွန်မကြောင့် စိတ်ဝမ်းမကွဲစေချင်လို့ ( သူ့ ကို ချစ်  တာလည်း ပါတယ်ထင်ပါရဲ့) ကျွန်မ အဲဒီ အကြောင်းကို ဘာမှ ဆက်မပြောတော့ဘူး။ ကျွန်မ ညီမလေးကတော့ ဒေါသတွေ ထွက်လို့ပေါ့။ ကျွန်မမှာ ကိုယ့် ထက် အငယ် တစ်ယောက်ရဲ့ ရှေ့မှာ ကျလိုက်တဲ့ သိက္ခာတွေ။  ကျွန်မ အရှုံးကြီး ရှုံးနေပါပြီ။
ဒီလို ကိစ္စတွေ ဖြစ်ခဲ့ပြီးတာတောင် သူက ကျွန်မကို ပိုပြီး ဂရုတစိုက် မလုပ်တဲ့ အပြင် ကျွမ် မငိုငိုအောင် ရက်ဆက်လုပ်နေတယ်လေ။ ကျွန်မ သူ့အတွက် မျက်ရည်တွေ  အများကြီး ကျခဲ့ရပါတယ်။ နှလုံးသားတွေ ကွဲ ကြေမတတ် နာကျင်ခံစားခဲ့ရပါတယ်။ အခုတော့…. သူက ကျွန်မရဲ့အချစ်တွေကို အလေးအနက်မထားတဲ့  အပြုအမူတွေ လုပ်လာတယ်။ ကျွန်မ ဘယ်လိုစိတ်မျိုးနဲ့ သူ့ ကို သည်းခံ ခွင့်လွှတ်ပေးရမလဲ။ ဘယ်လိုချစ်ခြင်း မျိုးနဲ့  သူ့ ကို နားလည်ပေးရမလဲ။ နာကျင်မှုတွေ ရက်ဆက်နေတဲ့  ကျွန်မ နှလုံးသားဟာ ဆက်လက်နာကျင်ရ  မှာကို ကြောက်နေပါပြီ။ ကျွန်မ သူ့ကို ဆက်ပြီး ချစ်နေဖို့ ကတော့….။
ကျွန်မဟာ ဧ၀ ကိုက်ဝါးခဲ့တဲ့ သစ်သီးကို ဆက်လက် ကိုက်ဝါးမိခဲ့တဲ့ အဆိပ်သင့် ငှက်တစ်ကောင်ပါ…။

                                               *
ကောင်လေး၏ စာမျက်နှာ

ကျွန်တော် သူ့ ကို အရမ်းချစ်ပါတယ်။ အရမ်းလည်း အလေးထားတယ်။ ဒါပေမယ့် ကျွန်တော် ကျွန်တော့်ရဲ့ အလေးထားမှုတွေကို ဖော်ပြနိုင်ဖို့ မစွမ်းသာခဲ့ဘူး။ကျွန်တော်ဟာ ညံ့ဖျင်းတဲ့ ယောကျာ်း တစ် ယောက်ပါ။ ကျွန်တော်ဟာ ယောကျာ်း မပီသတဲ့ ယောကျာ်း တစ်ယောက်ပါ။ ကိုယ့်ချစ်သူကို ပျော်ရွှင်အောင် မထားနိုင်တဲ့ သူ။ ကိုယ့်ချစ်သူကို ကာကွယ်မပေးနိုင်တဲ့သူ။ ချစ်သူရဲ့လိုအင်တွေကို မဖြည့်ဆည်းပေးနိုင်တဲ့သူ။
သူ…။ သူဟာ ကျွန်တော့်ဘ၀အတွက် ဘုရားသခင်က ပေးတဲ့ လက်ဆောင်ပါ။ ကျွန်တော့်ဘ၀ရဲ့  အကောင်းဆုံးမိန်းမတစ်ယောက်။ ကျွန်တော်ရဲ့ လစ်ဟာမှုတွေ ၊ ကျွန်တော့်ရဲ့ ပျက်ကွက်မှုတွေ ၊ ကျွန်တော့်ရဲ့  ညံ့ဖျင်းမှုတွေကို သည်းခံ ခွင့်လွှတ်နားလည်ပေးခဲ့သူပါ။ ကျွန်တော့်ကြောင့် သူ  မျက်ရည် အကြိမ်ကြိမ် ကျခဲ့ရတယ်။ ကျွန်တော့်ကြောင့် သူ အကြိမ်ကြိမ် နာကျင် ခံစားခဲ့ရတယ်။ အဲ့ဒီလို ခံစားခဲ့ရလို့ လည်း ကျွန်တော့် ကို မမုန်းဘဲ အမြဲ ချစ်နေတဲ့သူ။ အဲ့ဒီလို ကျွန်တော့်အပေါ် ကောင်းတဲ့ မိန်းမတစ်ယောက်ကိုမှ ကျွန်တော်က မညှာမတာ နာကျင်မှုတွေ ဆက်လက် ခံစားစေခဲ့မိတယ်။
သူ့ဘ၀မှာ ပျော်ရွှင် စိတ်ချမ်းမြေ့မှုတွေ အလွန်ရှားပါးခဲ့တယ်ဆိုတာ ( သူ မျက်ရည်ကျတိုင်း သုတ်ပေး နေကျ ) ကျွန်တော် ကောင်းကောင်း သိပါတယ်။ သူ့မှာ မိသားစုနဲ့ ပတ်သက်ပြီး ခက်ခဲတဲ့ ခံစားမှုတွေ ရှိတယ်။ အိမ်တွင်းရေး ၊ လူမှုရေး တွေနဲ့ ပတ်သက်ပြီး ပုံမှန်လူတစ်ယောက်ထက် ပိုတဲ့ နာကျင်ခံစားမှုတွေ ရှိတယ်။ ကျွန်တော် သူ့ကို အမြဲတမ်း ပျော်ရွှင်စေချင်တယ်။ သူ ပျော်ရွှင်အောင် ကျွန်တော်လုပ်တဲ့ နည်းက သူ့အတွက် ပိုပြီး နာကျင်စေခဲ့ရတယ်ဆိုတာ…..။ ကျွန်တော်က လူတစ်ယောက်ကို နာကျင်အောင် လုပ်ပြီးမှ  အဲဒီလူ လိုချင်  တာ ပေးလိုက်တဲ့အခါ  ပျော်ရွှင်သွားတဲ့ အပျော်မျိုးကို သဘောကျတယ်။ နာကျင်ပြီးမှ ပျော်ရတဲ့ အပျော်ဟာ သာမန်ပျော်ရွှင်မှုတွေထက် ပိုပြီး စိတ်ကို ကြည်နူးစေတယ်လို့ ကျွန်တော် ထင်တယ်လေ။
ကျွန်တော့် တွက်ကိန်း မှားခဲ့တယ်။ သူ မျက်ရည်ကျပြီး နာကျင်ရတာပဲ ရှိခဲ့တယ်။ ဒဏ်ရာတွေပဲ ထပ် ကာထပ်ကာ သူ ရခဲ့တယ်။ ဒါတွေဟာ ကျွန်တော့်ရဲ့ ညံ့ဖျင်းမှုတွေ ၊ ကျွန်တော်ရဲ့ အလိုက်မသိမှုတွေပဲ ဆိုတာ ကျွန်တော် သိပါတယ် သိလို့  ပြင်ခဲ့သလား ဆိုတော့လည်း …. ဟင့်အင်း  မပြင်ခဲ့ပါဘူး ။ ဆက်လက် ဆိုးသွမ်း  ဖို့ပဲ  ကျွန်တော် စဉ်းစားခဲ့တယ်။ ဒါဟာ …. ကျွန်တော်ရဲ့ စရိုက်ဆိုးတွေပဲ ။ အကျင့်ဆိုးတွေပဲ ။ သူက ဒါတွေ သိနေပေမယ့် ကျွန်တော့်အပေါ် အချစ် မလျော့ဘဲ ပိုလို့သာ ချစ်ခဲ့ပါတယ်။
ကျွန်တော့်ရဲ့ ဘ၀ဟာ အထီးကျန်မှုတွေနဲ့  ခြောက်သွေ့နေတဲ့  ကမ္ဘာတစ်ခုလိုမျိုးပါ။ ကျွန်တော့် မိဘ တွေဟာ အိမ်ထောင်တစ်ခု ကောင်းမွန်ပြည့်စုံဖို့အတွက် လောကဓံကို အလူးအလဲ တွန်းလှန် / ခံ နေရတယ်။ ကျွန်တော်တို့ သားသမီးတွေ အပေါ် နွေးထွေး ကြင်နာဖို့ အချိန်မရခဲ့ကြဘူး။ ဒါတွေကို ကျွန်တော် နားလည် ပါတယ်။ ဒါပေမယ့် …. လူပဲဗျာ။ အခြားလူတွေ ပျော်ရွှင်တာမြင်ရင် ၊ အခြားလူတွေ အကြင်နာ အယုအယ အပြု စု ခံနေရတာ မြင်ရင် ကျွန်တော်လည်း ခံစားချင်တာပေါ့။သူက ကျွန်တော့်ဘ၀မှာ တစ်ခါမှ မရရှိ မခံစားဖူးခဲ့တဲ့ ကြင်နာနွေးထွေးမှုတွေ ၊ ပြုစု အလိုလိုက်မှုတွေ ကို ပေးစွမ်းခဲ့တယ်။ ကျွန်တော် ဘယ်လောက် ဘ၀င်မြင့်မိလိုက် မလဲ။ ကျွန်တော် သူ့အပေါ် အများကြီး ဆိုးခဲ့တယ်ဆိုတာ ကျွန်တော် သိပါတယ် ။ ၀န်လည်း ၀န်ခံပါတယ်။
ကျွန်တော်က ကဗျာလေး စာလေး တွေ ဟိုစပ်စပ် ဒီစပ်စပ် ရေးတယ်။ သူက ကျွန်တော့်ရဲ့ ကဗျာလေး တွေကို ချစ်တယ်။ ကျွန်တော် သူ့အတွက် ကဗျာလေးတွေ ရေးပေးရင် သူ အရမ်းပျော်နေတတ်တယ်။ သူ ကျွန်တော့်ကို စိတ်ကောက်တိုင်း ကျွန်တော်က ကဗျာလေးတွေ ရေးပေးလိုက်ရင် သူ စိတ်ကောက် ပြေသွားရော။ ကျွန်တော်တို့မှာ ပျော်ရွှင်စရာ ရွှေရောင် နေ့ရက်လေးတွေ အများကြီး ရှိခဲ့ပါတယ်။ ဒါပေမယ့်..။
ထုံးတမ်း အစဉ်အလာနဲ့  ပြောင်းပြန်အချိုးကျစွာ ကျွန်တော့်ရဲ့ မိဘတွေက ကျွန်တော်တို့အကြောင်း သိသွားပြီး  သူ့အကြောင်းတွေကို စုံစမ်းခဲ့တယ်လေ။ အင်မတန် ထူးချွန်ပြောင်မြောက်တဲ့ ခပ်ညံ့ညံ့ စုံထောက် တွေရဲ့ သတင်းပေးချက်နဲ့ ကျွန်တော့်မိဘတွေဟာ သူရဲ့ မကောင်းသတင်းတွေကို လွဲမှားစွာ အတည်ပြုလိုက် တယ်။ ကျွန်တော်နဲ့ သူမဟုတ်တဲ့ အခြားသော ကျွန်တော်တို့ရဲ့ ပတ်ဝန်းကျင်ကို သူတို့ ( ကျွန်တော့်မိဘတွေ )  ရဲ့ စိုးရိမ်သောကတွေကို ဖြန့်ပြလေရဲ့။ သူတို့ အစိုးရိမ်လွန်နေခဲ့ကြတာပါ။ ကျွန်တော်တို့နှစ်ယောက်လုံး အသိ ဥာဏ်မဲ့တဲ့သူတွေမှ မဟုတ်ဘဲ။ ဆင်ခြင်ဥာဏ်မရှိတဲ့သူတွေမှ မဟုတ်ဘဲ။ မိုက်မဲတဲ့သူတွေ မဟုတ်ဘူး။ သူတို့  ကျွန်တော်တို့ကို ယုံကြည်မှုမပေးနိုင်ခဲ့ကြဘူး။  အကျိုးရလဒ်ကတော့ သူရဲ့ ဂုဏ်သိက္ခာ ကျဆင်းခြင်းပဲ။
မိန်းမတစ်ယောက်ရဲ့ ဂုဏ်သိက္ခာ ကို စုတ်ပြတ်သတ်အောင် ဆွဲဖြဲခံနေရချိန်မှာ သူ့ရဲ့ ချစ်သူက ဘာမှ ကာကွယ်ပေးနိုင်စွမ်း မရှိခဲ့ဘူးဆိုတော့ အင်မတန် နာကျင်စရာကောင်းခဲ့ပါတယ်။ ဒါပေမယ့် သူ ကျွန်တော့်ကို မမုန်းခဲ့ဘူး။ ကျွန်တော်ဟာ ချစ်သူနဲ့ မိဘ ကြားမှာ တာဝန်မကျေတဲ့ ချစ်သူတစ်ယောက်၊ မလိမ္မာတဲ့ သားတစ် ယောက် ဖြစ်ကျန်ရစ်ခဲ့တယ်။ဒါဟာ ကျွန်တော် ဘယ်လိုမှ ဖြေရှင်းလို့ မတတ်တဲ့ လောကဓံ ပုစ္ဆာတစ်ပုဒ်ပါ။ သေချာတာကတော့ ကျွန်တော် ညံ့ဖျင်းခဲ့တယ်ဆိုတာပဲ။ အဲဒီ ကိစ္စအတွက် နာကျင်နေတဲ့ သူ့ကို ကျွန်တော် ပျော်ရွှင်အောင် ထားဖို့ ကြိုးစားခဲ့တယ်။ ကျွန်တော်ရဲ့ လူတစ်ယောက် ကို အကောင်းဆုံး ပျော်ရွှင်နည်းနဲ့ပဲ  လေ။ မှားခဲ့ပြန်ပါတယ်။ သူ နာကျင်ခဲ့ရတယ်။ ကျွန်တော် ညံ့ဖျင်းခဲ့တယ်။
ကျွန်တော်ဟာ ရေလိုက်လွဲနေတဲ့ မြစ်တစ်စင်းပါ။

                                 *
နာကျင်ရက်စက်မှု ရက်စွဲများ ……နှင့်…… အလွန်

မိုးရွာပြီးစ ကောင်းကင်ဟာ ထင်ရက်စရာ မရှိအောင် တိမ်စတိမ်န တွေနဲ့ ကြည်စင်တောက်ပ နေလေ  ရဲ့။ နာရီတွေနဲ့ ရန်ဖြစ်ထားတဲ့ ကောင်လေးဟာ အချိန်နဲ့လည်း မသင့်မြတ်ခဲ့ဘူး။ အခါလွန်အိပ်မက်တွေ ကပို ကရို နဲ့ ကောင်လေးရဲ့ တာဝန်မဲ့မှုမှာ ကောင်မလေးဟာ မျက်ရည်တွေကို မျက်နှာထက်မှာ သည်းထန်စွာ ရွာသွန်းပေးခဲ့ရတယ်။
ချစ်ခြင်းတရားရဲ့ သမိုင်းအကြောင်းကို ပြောကြတိုင်း ချစ်သူတွေရဲ့ ပြင်ပ ပတ်ဝန်းကျင် ရိုက်ခတ်မှု  ကြောင့်  ဖြစ်ပေါ်လာတဲ့  ပဋိပက္ခ က ပိုပြီး အဓိက ကျနေခဲ့တယ်။ အဲဒီအရာတွေဟာ ချစ်ခြင်းတရား ဖွံ့ ဖြိုး ကြီး ထွားစေဖို့ အဓိက အကြောင်းအရင်းတွေလည်း ဖြစ်လာခဲ့ပြန်တယ်။ ပျော်ရွှင်ဖွယ် ဇာတ်သိမ်းနဲ့ ၀မ်းနည်း ကြေ ကွဲဖွယ်  ဇာတ်သိမ်း ကွဲပြားကြပေမယ့် နောက်ဆုံးမှာ ချစ်သူတွေဟာ ချစ်ခြင်းတရားကို  ရနံ့ ခိုင်ခိုင်မာမာ နဲ့ တည်ဆောက်နိုင်ခဲ့ကြတယ်။ ဒါဟာ အချစ်ရဲ့ မှော်ပေါက်မှုပဲ။
မုန်တိုင်းထန်တဲ့  နေ့စွဲတွေ လွန်ခဲ့ပြီ။ အိပ်မက်တွေ ကောင်းမလာကြသေးဘူး။ အပျက်အစီး အယို အယွင်း တွေနဲ့ နောက်ဆက်တွဲ ရှင်သန်မှု ဒုက္ခိတတွေက ပိုလို့ နာကျင်စရာကောင်းနေသေးတယ်။  နေခြည် တွေ မလာသေးဘူး။ ပန်းတွေ မပွင့်သေးဘူး။ ကမ္ဘာကြီး မနိုးထသေးဘူး။
ဘာတွေဖြစ်လာမလဲ။ ကောင်းခြင်း နဲ့ ဆိုးခြင်း ကြားမှာ ချစ်ခြင်းတရားဟာ တုံဏိဘာဝေ။ ကုလားဖန် ထိုးထားပြီးပြီ ဆိုပေမယ့် ရွေးချယ်ထားတဲ့ ဖဲချပ်လေးကို မကြည့်ရဲသေးဘူး။ ကံကြမ္မာဟာ.. အရူးလား။ ဘုရား သခင်လား။ သေမင်းလား။ နတ်ဘုရားလား။ တုန်ရီနေတဲ့ ကံကြမ္မာ ဖဲချပ်လေးပေါ်ကို အိပ်မက်တစ်ပုဒ် လွတ် ကျသွားတယ်။

                                 *

သစ္စာတရားသည် ကမ္ဘာ့နံရံထက်၌ ရေးထွင်းထားခြင်း မဟုတ် ။
သူ ၊ သူမတို့၏ နှလုံးသားနံရံထက်၌ ရေးထွင်းထားခြင်းသာ ဖြစ်သည်။

                                 *

                                                                                              မိုးအိမ်လူ


Teen ဖူးငုံ မဂ္ဂဇင်း ၊ ဒီဇင်ဘာ.၊ ၂၀၁၁