နေ့ ရက်တွေကို
တစ်ခုချင်း
ဆွဲ ဖျက်ရင်း
လွန်ခဲ့တဲ့ နှစ်က
အနာတရတွေ
ပျောက်သွားမလား
တစ်ကိုယ်ရေ ရူးသွပ်မှုလေးတွေနဲ့ 
မနက်ဖြန်အကြောင်း မစဉ်းစားမိတာ
တော်တော်ကြာခဲ့ပြီ ထင်တယ်
ထားရာနေ စေရာသွား ဘ၀ မဟုတ်ပေမယ့်
နေချင်တဲ့နေရာနေ လို့ မရ
သွားချင်တဲ့နေရာ သွားလို့ မရ
နှောင်ကြိုးတွေက တင်းလွန်းတယ်
အားလုံးကို ပြောပြစရာမလိုပေမယ့် အားလုံးသိသွားတဲ့ တစ်ဦးပိုင် ကံဆိုးမှုများ
နားထင်မှာထောက်ထားတဲ့ သေနတ်ထဲက ဘ၀ကို အဆုံးသတ်မယ့် သံယောဇဉ် ကျည်ဆံတွေ
ဆွဲဖြုတ်လိုက်ပါ ဘယ်သူ့ ရဲ့ ခွင့်ပြုချက်ကိုမှ စောင့်မနေတော့ဘဲ ဆွဲ ဖြုတ်လိုက်ပါ
မိုးရေကျသံတွေက ဒိုရေမီဖာ မလိုဘဲ နားထောင်လို့ ကောင်းပေမယ့်
ဟိုး အတွင်းထဲက တောင့်တမှုတွေက ကီးကြောင်နေခဲ့တဲ့ မိုးည နွေည ဆောင်းည..များ...များ...များ။
မိုးအိမ်လူ
No comments:
Post a Comment