နှင်းဆီပွင့်လေးဟာ လေလွှာ လျှောစီးပြီး
မြက်တို့ရဲ့ တိုင်းပြည်ကို ရောက်လာခဲ့တယ်
သစ်ပင်အိုကြီးခဗျာ အိပ်မက်ဆိုးကနေ ရုန်းထွက်လိုက်ရသလိုမျိုး
ဇောချွေးတွေ ပျံလို့
ကော်ဖီစေ့ကို ကိုက်ချီလာတဲ့ ငှက်ကလေးကတော့
သီချင်း မဆိုအားရှာဘူးပေါ့
လိပ်ပြာလေး သုံးကောင်ဟာ
ကကွက်သစ်တွေ ဖန်တီး ကကြရင်း
ချုံနွယ်တွေထဲ တိုးဝင်ပျောက်ကွယ်
အသားမစားတော့တဲ့ ကေသရာဇာကတော့
ဥပုသ်လည်း မစောင့်တော့ပါဘူးတဲ့လေ
အလင်းကွက်လေးတွေ နောက် တကောက်ကောက်လိုက်ရင်း
ယုန်ဖြူလေးဟာ အိမ်အပြန်လမ်းကို မမှတ်မိတော့ဘူး
ပန်းပွင့်ရောင်စုံတို့ သံပြိုင်တေးဆိုနေကြတယ်
သစ်ခက်စိမ်းတို့ကတော့ အိပ်မက်မက်လို့ကောင်းတုန်း
ဒီလိုနဲ့ပဲ
ကလေးလေးဟာ သူ့အမေ လှုပ်နှိုးမှုနဲ့
အိပ်မက်ကနေ လူးလွန့်ထွက်ခဲ့ရတယ်။
မိုးအိမ်လူ
No comments:
Post a Comment