အိပ်မက်လေးက ပြောတယ်
လွမ်းရလွန်းလို့
ညတွေကို ကြောက်နေပါပြီ တဲ့
ပန်းပွင့်လေးက ပြောတယ်
သတိရလွန်းလို့
သိမ်းထားတဲ့ ရနံ့တွေတောင် သိုးတော့မယ် တဲ့
ကောင်းကင်က ပြောတယ်
မျှော်ရလွန်းလို့
အပြာရောင်တွေ တောင် လွင့်တော့မယ် တဲ့
ကြယ်ကလေးက ပြောတယ်
အထီးကျန်ရလွန်းလို့
ကိုယ့်ကိုယ်ကို ကြွေဆင်းပစ်လိုက်တော့မယ် တဲ့
ငါ ဘာမှပြန်မပြောမိဘူး
သူ ပြန်လာမှ ငါ့ အသက်ဓာတ် ပါလာမှာလေ
ငါ ဘာပြန်ပြောနိုင်မှာလဲ
ပြန်လာပါတော့လို့ လည်း
မပြောနိုင်ဘူး
လွမ်းလှပြီလို့လည်း
မညည်းညူနိုင်ဘူး
ဒါပေမယ့်
အခုချိန်ဆို
ငါ့ အသက်ဓာတ်လေး
ပျော်ရွှင်နေရော့မယ်။
မိုးအိမ်လူ
No comments:
Post a Comment