အရေခွံ ချွတ်ခံထားရတဲ့
အိပ်မက်အချို့ရဲ့ ဖြောင့်ချက်မှာ
နောင်တက မီးလိုပူ
မကုန်နိုင်သေးတဲ့
ရှေးရေစက်ရဲ့ ဆောင်မမှုနဲ့
တွေ့ဆုံမှုတို့က အဆိပ်ဖြစ်
ဘယ်အချိန် ဘယ်ကာလ
မသိပေမယ့်
အချိန်တန်ရင် ဆိုတာက
ဝင်သက်ထွက်သက်ကို
အဓွန့်ရှည်စေ
အားလုံးကို ခ၀ါချဖို့
ကြိုးစားတဲ့အခါ
အားလုံးဟာ မာနမှာ ထစ်နေခဲ့တယ်
ရောင်းမှား ၀ယ်မှား သံသရာမှာ
ရှုံးနိမ့်ခဲ့တဲ့ အရင်းက
ဘ၀တွေ ဖြစ်တဲ့အခါ
မျက်လုံးမှိတ်လို့ အိပ်စက်တိုင်း
အိပ်မက်တွေ ၀င်မလာစေချင်။
မိုးအိမ်လူ
No comments:
Post a Comment