ဒြပ်မဲ့ နှောင်ထုံးတစ်ခုရဲ့
ရောင်စဉ် ဖြာလွှတ်မှုမှာ
နှုတ်ခမ်းတွေ စေးကပ်လာ
စကားလုံးတွေဟာ
စကားလုံးတွေပဲ ဖြစ်ခဲ့တယ်
အဓိပ္ပာယ်များစွာကို
အရောင်ခြယ်ပြီးတဲ့နောက်
လိမ္မော်ရောင် ကောင်းကင်နဲ့
မှိုင်းညှို့နေတဲ့ မြစ်တစ်စင်းနဲ့
ရင်ဝမှာ သက်တံရဲ့ အစွန်းနှစ်ဆက်
ထိပ်တိုက် တွေ့ဆုံခဲ့
ချည်တိုင်မှာ ရုန်းဆန်မိတဲ့
အိပ်မက်တွေက
ဆည်းဆာချိန်မှာ လက်ပန်းကျလာသလို
မိုးနှောင်းဟာ
ဘယ်အချိန်မှာ ရပ်တန့်ရမလဲ မသိခဲ့ဘူး
လွန်ခဲ့တဲ့ နှစ်နှစ်က
အပြီးမသတ်ခဲ့တဲ့
ပန်းရောင် ရုပ်ထုက
သူ့ဘာသာ အ၀ါရောင် ဖန်ဆင်းပစ်တဲ့အချိန်
ငါဟာ မှန်ထဲမှာ အရောင်မဲ့လို့ နေတယ်။
မိုးအိမ်လူ
No comments:
Post a Comment