ငါ သတိရတဲ့အခါ
ငါတို့ခေတ်က သီချင်းတွေ နားထောင်တယ်
ငါ လွမ်းတဲ့အခါ
အိပ်ရာထက်မှာ အသက်ရှူသံတိုးတိုးလေးနဲ့
အိပ်မက်တွေကို မျှားခေါ်တယ်
ငါ အောက်မေ့တဲ့အခါ
ငါတို့အနာဂတ်အကြောင်း ဖွဖွလေး စိတ်ကူးယဉ်ကြည့်တယ်
ငါ တမ်းတတဲ့အခါ
ဝရန်တာ ထွက်ပြီး အိပ်တန်းပြန်ငှက်တွေကို မျှော်ငေးတယ်
ငါ နင့်အကြောင်းတွေးတဲ့အခါတိုင်း
နင် ငါ့အကြောင်းတွေးနေရမယ်လို့
ဘယ်တော့မှ အတ္တ မီးမတောက်ဘူး
အဲဒီလိုပဲ
ငါရဲ့အချစ်ဟာ အပူငွေ့ပျပျလေးနဲ့ ဖြူစင်အေးချမ်းလျက်ရှိတဲ့အကြောင်း။
မိုးအိမ်လူ
၂၄.၈.၁၆
No comments:
Post a Comment