Saturday, September 10, 2016

အသံစကား



တိတ်ဆိတ်သံဟာ လမ်းမပေါ်မှာ တွားသွားနေ
အရိုင်းစိတ်ရဲ့ အနံ့ဟာလည်း တစ်လွှာချင်း မှိုင်းဝေလာ
လျှောက်နေတဲ့ ခြေထောက်ဟာ ခြေသံကို မြုံထား
မြို့တော်ရဲ့လမ်းတွေဟာ စိတ္တဇရုပ်ရှင်ဆန်ဆန် ခြောက်ခြားဖွယ် ဖြစ်နေတယ်


ဘယ်မြို့တော်လဲ
အားလုံးရဲ့မြို့တော် သို့မဟုတ် မြို့တော် အားလုံး

အားလုံးက မြှောက်တင်ထားလို့ ကောင်းကင်အမြင့်မှာ ဝဲနေသူ နာမည်ကျော်များ
စိတ်မလာတဲ့အခါ အားလုံးက ဆွဲချဖို့ ဖြစ်လာတဲ့ နာမည်ကျော်များ
နာမည်ကျော်တွေကို မကြိုက်တတ်ရင် အစကတည်းက နာမည်ကို အကျော်မခံဖို့ကောင်းတယ်
စိတ်ထဲမှာပဲ သိုသိပ်ဝှက်ကွယ်ထားတတ်တဲ့ အကျင့်ကို ကျင့်ကြစမ်း

မခြုံလို့ မလုံဘူး သီလကိုယ်ကျင့်တရားများစွာ
ဟင်းလင်းပြင်

ဘာသာစကား ဘေးကျပ်နံကျပ် ခေတ်ထဲ ချစ်စကားများ အဆန်းတကြယ်
အမုန်းစကားများ အံ့ချီးဖွယ် ဖွံ့ထွားဝဖီးလာကြ အက်ဖ် စတား စတား ကေ
ဖတ်နေသတင်းခေါင်းစဉ်ကအစ ကမ္ဘာအနှံ့ ယဉ်ကျေးမှုတွေ တိုးတက်လာနေတယ်

တဝုန်းဝုန်း စည်ကားပြီးမှ တိတ်ဆိတ်သံဟာ ဟောလီဝုဒ်ရုပ်ရှင်ထဲကအတိုင်း ခြောက်ခြားရပြန်။

မိုးအိမ်လူ
၆.၉.၁၆

ည ၁၁ နာရီ ၂၁ မိနစ်

No comments:

Post a Comment