ငါတို့ ရဲ့ နားမလည်ခြင်းတွေ ငါတို့ကို ပြန်သတ်တဲ့နေ့
တစ်ကြောင်းဆွဲ ပုံရိပ်နဲ့ ဘ၀တစ်ခုဟာ အလိုလို ရုပ်လုံးပေါ် အဆုံးသတ် ပျောက်ဆုံး
အောက်စီဂျင်တွေ မသန့်တော့ဘူး ထင်ရဲ့
ဒါမှမဟုတ်
ငါ့အဆုတ် မကောင်းတော့ဘူး ထင်ရဲ့
တစ်စုံတစ်ယောက်က နမော်နမဲ့နိုင်စွာ ဖန်တီးခဲ့တဲ့ အရာလား
နတ်ဆိုးတစ်ကောင်လက်ထဲက လွတ်ကျလာခဲ့တဲ့ ကျိန်စာလား
နာကျင်မှုတွေဟာ ကောင်းကင်ထက်ကနေ ရာသီအလိုက်ကြွေကျတတ်တဲ့
မိုးရေစက်တွေ မဟုတ်ဘူး
ကျောက်သားထက်မှာ အက္ခရာအချို့ သွေးအလိမ်းလိမ်းနဲ့ စစ်သွေးကြနေလေရဲ့
တိမ်တိုက်တွေကို မုန်းတယ်
အိပ်မက်တွေကို မုန်းတယ်
နှင်းဆီပန်းကို မုန်းတယ်
မှန်ထဲက ပုံရိပ်ကို မုန်းတယ်
ရှိပါတယ်လို့ ကြွေးကြော်ပြီး အမြဲ ပုန်းနေတတ်တဲ့ သစ္စာတရားကို
မုန်းတယ်
ချစ်ပါတယ်လို့  တေးသီပြီး အမြဲ မုန်းယောင်ပြတဲ့ ချစ်ခြင်းတရားကို
မုန်းတယ်
ကံကောင်းပါမယ်လို့  မျှော်လင့်ချက်တွေ ပေးပြီး ယတြာတွေ ချေခိုင်းတဲ့ ဗေဒင်ဆရာကို
မုန်းတယ်
ဘာတွေ ကျန်သေးသလဲ သစ်ပင်အို….
ခင်ဗျားရဲ့ ပင်စည်မှာ ကပ်ငြိနေတဲ့ ရေညှိစမ်းတွေတောင် ခြောက်သွေ့ခဲ့တာ ကြာပြီ
မနှောင်တွယ်ပါနဲ့လို့  ခင်ဗျား ကျွန်တော့်ကို တရားလာလာမပြပါနဲ့
ရွေ့လျားမှုရဲ့အရသာကို ခင်ဗျားမသိဘဲ ပညာရှိတရားတွေ သံယောင်မဖမ်းပါနဲ့
ခင်ဗျားအပါအ၀င် ခင်ဗျား ဆွေမျိုးပေါက်ဖော် သဘာဝတရားတစ်အုပ်စုလုံးကို
မုန်းတယ်
ကြယ်တစ်သန်း ကြွေမယ့် ညမှာ
အိပ်မက် တစ်သန်း မကြွေခဲ့တာ
ကြေကွဲစရာ
သက္ကရာဇ်မျဉ်းတွေကို
ခဲတံနောက်က ခဲဖျက်နဲ့ ဖျက်ရင်း
ဘ၀အတွက်
အချစ်ဟာ
ပုံရိပ်ယောင်လေးပါပဲ…။
မိုးအိမ်လူ
No comments:
Post a Comment