.
နေအပူမှာ အခြောက်လှန်းထားတဲ့ စကားသံ စကားလုံး နဲ့ ၎င်းပုဂ္ဂိုလ်က ကျွန်တော့်ကို
ဆက်သွယ်တယ်။ ဆက်သွယ်မှု ဧရိယာ တစ်ဆယ့်သုံးမှာ မိုးကြိုးပွဲတော် ကျင်းပပြီးစီး။ တစ်နေ့ကို
သုံးခါ ရူးတယ်။ သူ ရူးတော့ ကိုယ် မူး တယ်။ ရူးချင်စိတ် တင်းပြည့်ကျပ်ပြည့်။ အလကားပဲတင်း
ကဗျာဆရာတော့ မဟုတ်။ ဟိုနိုင်ငံက ကဗျာဆရာကြီးတွေ လို ကော်ဖီဆိုင်ထိုင်တယ်။ ဟိုနိုင်ငံက
ကဗျာဆရာကြီးတွေလို နိုင်ငံရေး ကို စိတ်မ၀င်စားဘူး။ မြို့ပြမှာ မီးပြတ်တော့ ဖယောင်းတိုင်
ထွန်းပြီး လိုအပ်ချက်ကို ပြတယ်။ ကျေးလက်တောရွာမှာ မီး မရတော့ ဆန္ဒပြဖို့ ရာ ဖယောင်းတိုင်ကို
ည တွက် တွက်နေရတယ်။ ခွန်အားကြီးသူ ပိုင်ဆိုင်စေပါပဲ။ ဆင်ပိန်ကျွဲလောက် ပြဿနာတွေကို
မီးတင်ရှို့နေတဲ့ နိုင်ငံရေး အခင်းအကျင်းကို စိတ်မ၀င်စားဘူး။ အထင်မကြီးဘူး။ နားလည်သလို
ဘာသာပြန်နိုင်မယ့် အနုပညာအတွက် ဦးနှောက်တွေ ကပ်စေးကုပ်နေကြတယ်။ အသားမရ။ အစွယ်မရ။တကယ်တော့
ကျွန်တော် လည်း ပြေးလိုက်နေရတာ။ အားလုံးကို အချောသတ်ဖို့ အခုမှ အကြမ်းကိုင်နေရတုန်း။
ပါးစပ်ပေါက သန်းခြောက်ဆယ်မှာ တစ် သောင်းလောက် ကပဲ အားအားယားယား အသံစုံထွက်တယ်။ ကျန်တာ
ကြယ်တာရာစစ်စစ်တွေချည်း။ ဘာသာစကားကို ကုလားဖန်ထိုး ဖို့ သူတို့မှာ အစွမ်းရှိတယ်ဆို ။ ကျွန်တော်က ဘာသာစကားကို
ဂျိုကာနဲ့ သတ်မယ်။ နွေဟယ် မိုးဟယ် ကြောက်လန့်တကြား အိပ်မက်ကောင်း မမက်နိုင်တုန်း။ လက်ရှိ
အခုချိန်အထိ တွင်းနက်ထဲ ဆင်းနေရ။ အဆင်မပြေဘူးထင်သော ၀ါကျသည် သဒ္ဒါမကျကြောင်း ရဲရဲတင်းတင်း။
ဟုတ်ဟုတ် မဟုတ်ဟုတ် အဟုတ်တကယ် ဖြစ်နေခြင်းက အဓိပ္ပာယ်ပျောက်ဆုံးခြင်း။ ပျောက်ဆုံးခြင်း
အဓိပ္ပာယ် ပျောက်ဆုံးခြင်းလည်း ဟုတ်။ စိတ်ကဗျာတွေ ရေးဖို့ ဝေဒနာ အစိုင်အခဲ အပြည့်အ၀ရှိပြီး
ဖြစ်ရာ စကားလုံးများပျောက်ဆုံးနေသဖြင့်။ မိုးနှောင်းမှာ မိုးကောင်းမယ်။ ရာသီဖွဲ့ကဗျာမဟုတ်။
စိုးရိမ်ရေအမှတ်ရောက်ရှိရန် ပေသုံးဆယ့်ရှစ်ပေ အ ချိန်အတိအကျ မသိ။ အောက်ဘုံပြီးတော့
အထက်ဘုံ တက်ရတော့မယ်။ ကြားထဲမှာ မမြင်နိုင်ခြင်း ဖြစ်ပျက် ကောင်းဆိုး အမျိုးမျိုး ရှိကောင်း
ရှိမယ်။ ရှိချင်မှလည်း ရှိမယ်။ ရှိခြင်း ၊ မရှိခြင်း ဟာ ခံစားချက်ကို ယောင်ယောင်လေးမျှ
မကွဲပြားသွားစေဘူး။ ပတ်ဝန်းကျင်မှာ မော်တော်ကားတွေအကြောင်း။ စာမတတ် ပေမတတ် နည်းပညာအသုံးအနှုန်းအသံများ။
တည်ဆောက်ဆဲအရာကိစ္စ များ ခလုတ်မထိ ဆူးမငြိ မုန်တိုင်း မမိပါစေနှင့်။ ကိစ္စတွေ ယာဉ်ကြောပြောင်းသွားပြီ။
တိမ်မီးခိုးတွေနဲ့အတူ ခရီးထွက် နေရ။ လူမှုရေး အရှုပ်အထွေးတွေကြား အုတ်ကြားမြက်များ။ လူတွေနဲ့
ဝေး ဝေး ဝေးတဲ့ နယ်မြေ။ ချစ်ခင်ရပါသော မိတ်ဆွေများအား သတိရခြင်းများစွာဖြင့် အထီးကျန်ပါ၏။
စ လုံးရေ နဲ့ စ ကာစ ဆလိမ်ကို တန်းတွေ့မယ့် အဖြစ်မျိုး။ ဗျည်း သရ အိပ်မက်တစ်လှေကြီး
မုတ်သုံနဲ့အတူ ဆုတ်ခွာ။ စိတ်ထဲ ပါသည်ရှိ ။ မရှိ။ အခိုက်အတန့်များ၏ ဆုံးဖြတ် ချက်ဖြင့်
အရိုးပေါ် အရေတင်နေသော ဟိုးရှေ့က ဘ၀ သံသရာကြီး။ သင့်ကြောင့် သဘာဝဘေးအန္တရာယ် မထူပြော
ပါစေနှင့်။ သူတို့ရဲ့ လှုပ်ရှားသံတွေကို မယုံကြည်ဘူး။ ရေဒီယိုက အစ အင်တာနက် အွန်လိုင်းအထိ
အရှိတရားတွေကို အခုထိ ဖုံးဖိပြီး မရိုးသားနိုင်ကြသေးပဲ သူများတွေ သောက်သလိုပဲ ကျွန်တော်လည်း
မိုးခါးရေတွေ တဂွတ်ပြီး တဂွတ် သောက်ပြီး ဂွတ်ဒ်ချင်ယောင်ဆောင်ရတာ စိတ်မှောင်နေပြီ။
12.9.12
မိုးအိမ်လူ
No comments:
Post a Comment