Monday, November 10, 2014

အခွင့်အရေးတို့မည်သည် ဘယ်တော့မှ နှစ်ခါပြန်မရ


နေမ၀င်ခင်
စကားတွေ အကုန်ပြောခဲ့ပါ
အစားကို လျှော့စား
စကားကို ကုန်အောင်ပြောခဲ့ပါ
ပြောပါများလွန်းလို့ စကားတွေ ဆက်ရနေလည်း
စကားကို ကုန်အောင်ပြောခဲ့ပါ
စကားစကား ပြောပါများလို့ စကားထဲက ဇာတိ တွေ မွေးရပ်မြေတွေ ပြနေလည်း
စကားကို ကုန်အောင်ပြောခဲ့ပါ
စကားကျွံလို့ နှုတ်မရသည့်တိုင် အဆုံးထိ ကျွံဝင်သွားပါစေ
စကားကို ကုန်အောင်ပြောခဲ့ပါ
စကားနောက် တရားတွေ အထွေးလိုက်ပါလာအောင်
စကားကို ကုန်အောင်ပြောခဲ့ပါ
စကားလွန်လို့ ကျွန်ဖြစ်သွားလည်း ကျွန်သူပုန်ဖြစ်သည့်တိုင်အောင်
စကားကို ကုန်အောင် ပြောခဲ့ပါ
လျှာ ပြတ်ကျသည့်အထိ
စကားကို ကုန်အောင်ပြောခဲ့ပါ
လျှာ ပြတ်ကျသည့်တိုင် အွန်လိုင်းမီဒီယာနှင့် အွန်ပရင့် မီဒီယာများတွင် စာရေး၍
စကားကို ကုန်အောင်ပြောခဲ့ပါ
နောက်ဆုံးထွက်သက်ရောက်၍ ဘာမှမပြောနိုင်တော့ပြီ ဆိုလည်း
အ အာ အိ အီ အေ အဲ အော အော် အံ အဲ အို စသည်တို့မှ စကားသံတစ်ခုခုကို အော်ညည်း၍
စကားကို ကုန်အောင် ပြောခဲ့စေချင်ပါသည်
နေမ၀င်ခင် လေး...။


မိုးအိမ်လူ
၁၁ နိုဝင်ဘာ ၂၀၁၃

No comments:

Post a Comment