တစ္ဆေ ၀တ္ထု

လိုချင်တပ်မက်မှု အပြင်းစားတွေ တစိမ့်စိမ့် စားသုံးထားတဲ့ နှလုံးသား ဒါမှမဟုတ် စိတ် တစ်ခုခု နှစ်သာရာယူသုံးနိုင်တယ် အဲဒီအရာကနေ စေခိုင်းသမျှ ကိုယ့်အခန်းဟာ ဘယ်တော့မှ ဂျက်မကျတော့ဘူး နေ့မှာ အလင်းတွေနဲ့အတူ ဖုန်မှုန်တွေ ၀င်တယ် ညမှာ အမှောင်နဲ့အတူ အေးစက်မှုတွေ ၀င်လာတယ် တရွေ့ရွေ့နဲ့ ကိုယ်ဟာ ဘယ်ကိုမှ ရွေ့မနေခဲ့ဘူး သေဆုံးခြင်းလို့ အမည်တပ်လို့ မရတဲ့ ရှင်သန်မှု ရှင်သန်မှုလို့ အမည်တပ်လို့ မရတဲ့ သေဆုံးခြင်း ရှုပ်ထွေးမှုမှာ အားလုံးဟာ ရှင်းရှင်းလင်းလင်း ရှုပ်ထွေးနေတယ် နောင်လာမယ့် စက္ကန့် မိနစ် နာရီ နေ့ရက် တွေမှာ ဘာတွေ ဖြစ်လာမလဲလို့ မျှော်လင့်လို့ မရတာဟာ ကသိကအောက် နိုင်လှပေမယ့် တစ်မျိုးတော့ ရှင်သန်လို့ ကောင်းတယ်လို့ တွေးနေမိတဲ့ အတွေး အိပ်မက်တွေ ဘယ်တော့ အဆုံးသတ်မှာလဲ ကြောက်ရွံစိတ်ဟာ လောဘ ဆီကနေ တမြေ့မြေ့ တက်လာတယ် ပြီးတော့ ကိုယ့်ကို အချိန်ပြည့် ကိုက်ဝါးနေတော့တယ် ကိုယ်ဟာ တစ္ဆေ တစ်ကောင်င မဖြစ်ခဲ့ခြင်းအတွက် ယူကျူံးမရဖြစ်မိတဲ့ ရက်စွဲတွေပဲ ဆိုကြပါစို့ မြေဆီလွှာဟာ ခမ်းခြောက်သထက် ခမ်းခြောက်လာပြီး မြေအောက်ရေကြောတွေ ပြတ်တောက် ရွေ့လျား မကြာတော့ပါဘူး လ ကို မမြင်မှာပဲ လူသားတွေ လစ်ကြရတော့မယ် ဒါဟာ နှစ်ထောင့် ဆယ့်နှစ် မဟုတ်ဘူး နှစ်ထောင့်ဆယ့်သုံး ဒီဇင်ဘာ ပုံပြင်အသစ်ပေါ့။

မိုးအိမ်လူ

၅ ဒီဇင်ဘာ ၂၀၁၃

မျှော်လင့်ပျက်

ဖွင့်ဆိုချက်လေးတစ်ခုနဲ့

ဘ၀လေးတွ ဖန်တီးပစ်ကြတယ်


ဟောဒီ မြေပြင်က ကြယ်လေးဟာ ဘယ်အထိ ပျံတက်နိုင်မလဲ


အိမ်အပြန်လမ်းမှာ တိတ်ဆိတ်သံပဲ ပါခဲ့တယ်။


မိုးအိမ်လူ

၁၆.၁၁.၂၀၁၃

ဝေး

ဓားအိမ် ဖြစ်မှတော့

ရင်ကွဲရတဲ့အကြောင်း

သေကောင်ပေါင်းလဲ မပြောချင်တော့ဘူး


ကိုယ့်ရင်ခွင်မှာ သူ လုံခြုံခဲ့တယ်ဆိုတဲ့ စိတ်နဲ့

ရဲရင့်လိုက်တော့တယ်။

မိုးအိမ်လူ

၁၆ နိုဝင်ဘာ ၂၀၁၃

သေတယ်ဆိုတဲ့ ကိစ္စဟာ….

အဲဒီနေ့က သူ သေသွားတယ်။ သူသေတဲ့အကြောင်းကို သူကိုယ်တိုင် ဂရုမမူမိလိုက်ဘူး။ ဘယ်လိုလဲဆိုတော့။ သူ့ အာရုံက စာအုပ်တစ်အုပ်ထဲ ၊ ရုပ်မြင်သံကြားကလာနေတဲ့ အစီအစဉ်တစ်ခုခုထဲ ၊ လမ်းပေါ်က စီးဝင်လာတဲ့ အသံတစ်သံ ထဲ ။ တစ်ခုခုထဲမှာ နစ်မြုပ်နေလို့ပဲ။ သူ သေတာကို သတင်းစာဖတ်ရင်းနဲ့မှ သိလိုက်ရတယ်။ သူ သေတဲ့အကြောင်းကို ပြောပြဖို့ သူ့သူငယ်ချင်းတွေဆီ ဖုန်းဆက်တယ်။ အိုဘားမားက လက်ခံတယ်။ ကျန်စီပင်းကလည်း လက်ခံတယ်။ ယင်လပ်က သိပ်လက်မခံချင်ဘူး။ သူက အမျိုးသမီးကို။ ဦးသိန်းစိန်ကို ပြောတယ်။ သူလည်း လက်မခံပြန်ဘူး။ ဘာလို့လဲ ဆို သူနဲ့က မနက်ကမှ လက်ဘက်ရည်ဆိုင်မှာ တွေ့ခဲ့သေးတာကို။ ဒေါ်အောင်ဆန်းစုကြည်ကို ပြောတယ်။ သူလည်း လက်မခံပြန်ဘူး။ သူနဲ့က စောစောလေးကမှ လူချင်းခွဲလာတာ။ ဟောပြောပွဲတစ်ခုမှာ။ သူ ပြောတာ လက်မခံတဲ့ အပြင် သူ ဟောပြောသွားတဲ့အကြောင်းကို ချီးကျူးနေသေးတယ်။ နောက် အခြားသူငယ်ချင်းတွေကတော့ ထူးထူးခြားခြား ဘာမှ မပြောကြဘူး။ ဟုတ်လား ။ ဘယ်အချိန် အသုဘ ချမလဲ။ ဖိတ်ဦး ဘာဦး ပြောပြီး ဖုန်းချသွားကြတယ်။ သူ သေပြီဆိုတော့ ကိစ္စတစ်ခုတော့ ပြီးသွားတာပေါ့။ ခက်တာက ။ သေခြင်း ကိစ္စက ပြတ်ပေမယ့် အသုဘ ချတဲ့ ကိစ္စက ကျန်သေးတယ်။ ဒီအတိုင်း ကျီးထိုးထိုး ခွေးစားစားထားလို့ မဖြစ်ပြန်ဘူး။ အဲဒီတော့ ဦးကျော်သူဆီ ဖုန်းထပ်ဆက်ရပြန်တယ်။ သူနဲ့ စောစောက ပြောတုန်းက အသုဘကိစ္စမပြောလိုက်ရဘူး။ သူကလည်း မေ့သွားတာလား ဘာလား မသိဘူး မမေးဘူး။ အခု ထပ်ပြောမှ အိုကေ သူလုပ်ပေးမယ်ဆိုပြီး ပြီးသွားတယ်။ သူ သေပြီဆိုတော့ ဘာလုပ်မလဲ။ သေပြီးတဲ့နောက် လူတွေ ဘာလုပ်တတ်ကြသလဲ။ သူ ဘာမှမသိဘူး။ သူ့အရင် သေပြီးတဲ့လူတွေကော ဘာလုပ်တတ်ကြသလဲ။ ဟုတ်တယ်။ သူ့အရင် သေတဲ့လူတွေနဲ့ ဆက်သွယ်ရမယ်။ အရင်ကတော့ အဲ့လို ဆက်သွယ်လို့ မရဘူး။ သူက အသက်ရှင်နေတဲ့ လူရှင်ကို။ လူရှင်တွေဟာ လူသေတွေနဲ့ ဆက်သွယ်လို့ မရဘူးလို့ ကြားဖူးတော့ သူလည်း မဆက်သွယ်ဖြစ်ဘူး။ ကြိုးစား ပြီး စမ်းသပ်တာလည်း မလုပ်ဖြစ်ခဲ့ဘူး။ အခု သူက သေပြီဆိုတော့ လူသေတွေနဲ့ ဆက်သွယ်လို့ ရနိုင်တယ်။ သူ့အရင် သေပြီးတဲ့ လူတွေထဲက သူနဲ့ သိတဲ့လူ ဘယ်သူရှိမလဲ သူ စဉ်းစားတယ်။ မရှိဘူး။ သူ့ အသိုင်းအ၀ိုင်းမှာ သူဟာ ပထမဆုံး သေလူ ဖြစ်နေတယ်။ ခေါင်းစားသွားရပြန်တယ်။ လူတစ်ယောက်ဟာ သေပြီးတဲ့နောက် ဘာလုပ်ရမလဲ ။ ဘာလုပ်သင့် သလဲ ။သေပြီးနောက် ဘာလုပ်ရမယ် ဘာလုပ်သင့်တယ်ဆိုပြီး စာအုပ်တွေဘာတွေ ရှိတယ်လို့လည်း သူမကြားဖူးဘူး။ သူ စိတ်တော်တော် ရှုပ်သွားတယ်။ ဒီအတိုင်း အိမ်မှာနေနေလို့တော့မဖြစ်ဘူး။ အပြင်ထွက်ပြီး မေးစမ်းဦးမှဆိုပြီး သူ အိမ်အ ပြင် ထွက်လာတယ်။ သူတို့ ရပ်ကွက်လမ်းဟာ ထုံးစံအတိုင်း ခြောက်ကပ် တိတ်ဆိတ်နေတယ်။ အဲဒီမှာ အိမ်အမှတ်( ၆ ) က အဘိုးကြီးတစ်ယောက် အမှိုက်သွန်ထွက်လာတာကို တွေ့လိုက်တော့ သူ လှမ်းနှုတ်ဆက်လိုက်တယ်။ အဲဒီအဘိုးကြီး က အသက် ရာကျော်နေပြီ။ ဘယ်နှစ်ရာမှန်းကို မသိဘူး။ သူ့ကို တွေ့တော့ ပြုံးပြတယ်။ သူလည်း အဘိုးကြီးနားသွားပြီး သူ ရင်ဆိုင်နေရတဲ့ ဒုက္ခကို ပြောပြလိုက်တယ်။ အဘိုးကြီးက အံ့သြတကြီးနဲ့ သူ့ကို ကြည့်တယ်။ အဘိုးကြီးက သူလည်း သေချင်နေတဲ့ အကြောင်း။ သူ အခုလို သေတာဟာ အလွန်ကြီးမားတဲ့ အခွင့်အရေးကြီးတစ်ခုကို ရလိုက်တာ ဖြစ်တဲ့ အကြောင်း။ အလွန်ကံကောင်းတဲ့အကြောင်း။ နားညည်းအောင် ပြောပြီးမှ သေပြီးတဲ့လူဟာ ဘယ်လုပ်ရမယ်ဆိုတာ သူ ကိုယ်တိုက်လည်း မသေဖူးလို့ သေသေချာချာ ရေရေရာရာ မသိတဲ့ အကြောင်း ပြောတယ်။ သူ စိတ်တော်တော် လေသွား တယ်။ မသိရင် မသိဘူး အစကတည်းက မပြောဘဲ ချီးမွမ်းခန်းတွေ ဖွင့်နေသေးတယ်။ မင်း မိတ်ဆွေတွေ မေးကြည့်ပါ လားလို့ အကြံပေးတော့ သူ့မိတ်ဆွေတွေလည်း သေဖူးတဲ့လူတွေ မဟုတ်တော့ သိမှာ မဟုတ်လောက်တဲ့ အကြောင်း ပြန် ပြောလိုက်တယ်။ ဟုတ်တော့လည်း ဟုတ်တယ်။ သေဖူးတဲ့လူမှ သေပြီးရင် ဘာလုပ်ရမယ်ဆိုတာ သိမှာ။ အခုဟာက မသေသေးတဲ့လူတွေ လိုက်မေးနေရင် ဘယ်သူမှ သေချာ ဖြေနိုင်မှာ မဟုတ်ဘူး။ သူ မြို့ထဲဘက် ထွက်ခဲ့လိုက်တယ်။ စူပါမားကတ် တစ်ခုကို ၀င်ပြီး လျှောက်ပတ်ကြည့်နေလိုက်တယ်။ အဲဒီအချိန်မှာ ဦးကျော်သူဆီက ဖုန်းဝင်လာတယ်။ ဘယ်ရောက်နေလဲ မေးတော့ သူက စူပါမားကတ် ရောက်နေတယ်လို့ ဖြေလိုက်တယ်။ ဦးကျော်သူက ဆဲပါလေရော။ လူသေက လူသေလို မနေဘဲနဲ့ လျှောက်လည်နေရသလားပေါ့။ လူသေမရှိဘဲနဲ့ သူတို့က ဘယ်လို အသုဘ သွားချရမလဲ။ ဘာလဲ ဆိုပြီး အခုချက်ချင်း ပြန်ခဲ့ဖို့ ပြောတယ်။ သူလည်း အခု လာခဲ့မယ်ဆိုပြီး ဖုန်းချလိုက်တယ်။ အသုဘ ချဖို့ပဲ လူသေက ဘာလုပ်ပေးရဦးမှာတုန်း လို့ ရေရွတ်မိသေးတယ်။ သူ အိမ်ပြန်ရောက်တော့ အိမ်ရှေ့မှာ နာရေးကားကြီး စိုက်လို့။ ကားဘေးမှာ ဦးကျော်သူကို တွေ့တယ်။ ကဲ ဘာလုပ်ကြမလဲ လို့ သူက မေးတော့။ မင်းဘာသာ ကုတင်ပေါ် ပက်လက်လှန်နေ။ ညနေသုံးနာရီ သဂြိ င်္ုဟ် မယ်လို့ ပြောတယ်။ သူလည်း အဲဒီအခါမှ ဦးကျော်သူကို မေးဖို့ ပြန်သတိရ တယ်။ သေပြီးတဲ့လူက ဘာလုပ်ရမှာလဲလို့ မေးတော့။ ဦးကျော်သူက ဟ သေတဲ့လူက ဂူထဲ ၀င်ရမှာပေါ့ကွ။ မင်းကို မီးရှို့ ပြီး ဂူသွင်းမယ်။ မင်း ဘာမှ လုပ်စရာမလိုဘူး။ ငါတို့ အကုန်လုပ်ပေးမယ်လို့ ပြောတော့။ သူ ဇဝေဇ၀ါ ဖြစ်သွားတယ်။ မီးရှို့ ခံပြီး ဂူထဲ သွင်းပြီးရင် အဲဒီအထဲမှာပဲ အမြဲတမ်းနေရတော့မှာပေါ့ ဟုတ်လားလို့ မေးတော့။ ဦးကျော်သူက မင်း ရူးနေလား လို့ မေးတာ ခံရကော။ သေပါပြီဆိုမှတော့ အဲ့လိုပဲ နေရတော့မှာပေါ့။ အေး မင်း ဂူထဲမနေချင်ရင် မင်းအရိုးပြာကို ပင်လယ် ထဲ မျှောပေးမယ်။ မင်းဘာသာမင်း သွားချင်ရာသွား တဲ့။ အဲဒီအစီအစဉ်ကိုတော့ သူ သဘောကျသွားတယ်။ အဲ့လိုပဲ လုပ်ပေး လို့ ဦးကျော်သူကို ပြောလိုက်တယ်။ အဲ့ဒါနဲ့ ကုတင်ပေါ်သွားပြီး ပက်လက်လှန်နေလိုက်တယ်။ နာရီကြည့်လိုက် တော့ ဆယ့်နှစ်နာရီပဲ ရှိသေးတယ်။ ပျင်းတာနဲ့ ကွန်ပျူတာဖွင့်ပြီး အွန်လိုင်းပေါ်တက်နေလိုက်တယ်။ ဦးကျော်သူကတော့ စီစဉ်စရာရှိတာ စီစဉ်လို့ပေါ့။ သူ့ကို မသာက မသာလို မနေဘူးဆိုပြီး တဗျစ်တောက်တောက် ပြောနေသေးတယ်။ သူက တော့ ဂရုမစိုက်ဘူး။ ပြာမဖြစ်ခင်တော့ နေချင်သလို နေဦးမယ်လို့ သူတွေးတယ်။ ကုတင်ပေါ် ပက်လက်လှန်နေရတာ ပျင်း စရာကောင်းတယ်လေ။ ဖေ့ဘွတ်မှာ သူ သေတဲ့ အကြောင်း စတေးတပ် တင်လိုက်တယ်။ ခဏလေးနဲ့ လိုက်ခ် ပေါင်း ထောင်ချီ ရတယ်။ ကွန်မန့်တွေလည်း အများကြီးပဲ။ ကောင်းရာသုဂတိလားပါစေ တို့။ သွားနှင့် ဘော်ဒါကြီးရေ တို့။ တစ်ချိန်ချိန်မှာ ပြန်ဆုံကြတာပေါ့ တို့။ ၀မ်းသာပါတယ် တို့။ ဂုဏ်ယူပါတယ်တို့ ။ စုံလို့ပဲ။ သူလည်း ဟို သတင်းဖတ်။ ဟိုပုံ ကြည့်။ ဒီပုံကြည့်။ ကွန်မန့်တွေ လျှောက်ရေးနဲ့ ။ သုံးနာရီ ထိုးသွားတယ်။ ဦးကျော်သူက သွားရအောင်လို့ လာခေါ်မှ သူ လည်း ထ တယ်။ အိမ်အပြင် ထွက်လိုက်တယ်ဆိုရင်ပဲ တစ်ခါမှ မမြင်ဖူးတဲ့ လူတွေက သူ့ကို ဂုဏ်ပြုဖို့ စောင့်နေကြတယ်။ နည်းတဲ့ လူတွေ မဟုတ်ဘူး။ ဆိုင်းဘုတ်တွေလည်း အများကြီး ။ ဖေ့ဘွတ်မှာ ၇တဲ့ ကွန်မန့်တွေလိုပဲ။ သူ့အတွက် ဂုဏ်ယူ ၀မ်းမြောက်ကြောင်းနဲ့ ဆုတောင်းပေးတဲ့ ဆိုင်းဘုတ်တွေပေါ့။ သချို င်္င်းသွားရာ လမ်းတစ်လျှောက်လည်း အဲ့လိုပဲ ။ ဘယ်က ဘယ်လို သတင်းရတယ် မသိဘူး။ သူ့ ကို နှုတ်ဆက်နေတဲ့ လူတွေ အများကြီးပဲ။ နောက်မှ အိုဘားမားနဲ့ ဦးသိန်းစိန် လက်ချက်ဖြစ်မှန်းသိရတယ်။ ဒါပေမယ့် မနက်က သတင်းစာထဲမှာ ပါကတည်းက လူတွေက အကုန်သိနေကြတာတဲ့။ သူ နည်းနည်း မြောက်ချင်သလိုလိုတောင် ဖြစ်သွားတယ်။ သဂြို င်္ဟ် စက်ထဲ ရောက်ပြီး မီးအရှို့ခံရတဲ့ အချိန်တစ်ခုပဲ နည်းနည်း ပူပူလောင်လောင် နိုင်လိုက်တယ်။ သူ့ ပြာတွေ ပင်လယ်ထဲ မျှောလိုက်တဲ့အချိန်ကတော့ သူ့အတွက် အပျော်ဆုံး အချိန်ပဲ။ ပြာတွေ တစစီ လွင့်ထွက်သွားတော့ သူ့ မှာ ဘာမှ မရှိတော့ဘူး။ ဆိုလိုတာက။ အတွေးလည်း မရှိတော့ဘူး။ ခံစားမှု လည်း မရှိတော့ဘူး။ သူ အဲ့လို မဖြစ်တာ ကြာခဲ့ပြီမလား။ အခုတော့ သူ ဆိုတာ လောကကြီးမှာ လုံးဝ မရှိတော့ပါဘူး။ လူတွေကတော့ သူ့ရဲ့ အရိုးပြာတွေ ပင်လယ်ထဲ လွင့်ဝဲ မျောပါ နစ်မြုပ် ပျောက်ကွယ်သွားတာကို ကြည့်ပြီး အားကျလို့ နေတယ်။ သူတို့လည်း သေချင်နေကြပြီလေ။

မိုးအိမ်လူ

၇ အောက်တိုဘာ ၂၀၁၃

တူရိယာ တစ်ခုခုမှ မပါရင် ဒီတောလမ်း ဘယ် ခရီးပေါက်မလဲ လမ်းညွှန်

အဲဒီမှာ ကိုယ်ဟာ တောက်တဲ့။ အခြားဘာသာစကား မရှိခဲ့ဘူးလို့ ထင်လို့ ကိုယ် သတ်မှတ်မိလိုက်တဲ့ တောက်တဲ့။

ဇီဝဖြစ်စဉ် ပြောင်းလဲမှု အရမဟုတ်ဘူး။ ယနေ့ အမှန်တရားများ မနက်ဖြန်အထိ ရပ်တည်နိုင်စွမ်းဖို့ တောက်တဲ့။

သင် နားလည် မှတ်ယူထားတဲ့ တောက်တဲ့ က ဘယ်လိုမျိုးလဲ။ ကိုယ် သိသလိုလိုနဲ့ မရေရာဘူး။ ကိုယ် နားလည် သိမှတ်

ထားတဲ့ တောက်တဲ့ ကတော့..အင်း.. ကိုယ်လည်း ဝေေ၀ ၀ါးဝါးပဲ။ မြို့ပြကဗျာတွေထဲကနေ မြို့ရဲ့ ရနံ့ကို ပြန်လည် မီးမွှေး

တစ်ခါသေဖူးတော့ ပျဉ်ဖိုး နားလည်းသွားကြပြီ တောက်တဲ့ တွေလေ။ ကိုယ်ကတော့ ဘာလာလာ ဒေါင်း နိုင်ပါတယ်။

Connection ကောင်းဖို့တော့ လိုတာပေါ့ ဆိုသလို။ အပြင်မှာ ထိခတ်လိုက်တဲ့ အရာက နည်းနည်းလေးနဲ့ အတွင်းကနေ

လှိုက်တက်လာတဲ့ မီးတောက်ကြီးကနေ ခန္ဓာရဲ့ နေရာအနှံ့ လောင်ကျွမ်း။ မီးခိုးတွေ မွှန်တော့ အတိအကျ မရှိတော့ဘူးပေါ့

နေ့တစ်နေ့ပဲ။ မဆိုစလောက် နေ့တစ်နေ့ပဲ။ ဘယ်သူမှ ဖန်ဆင်းထားခြင်း အလျဉ်းမရှိတဲ့ ရိုးရိုးစင်းစင်း နေ့တစ်နေ့ပဲ။

သင် ကြုံတွေ့ဖူးနေကျ ရင်ကျပ် ချောင်းဆိုး မူးဝေ အော့အန် ။ အထိုင်များရင် ကျောက်ကပ် တည်နိုင်တယ်လို့ ကြားဖူး

ပျစ်ခနဲ ကွမ်းတံတွေး ပါးစပ်တစ်ပေါက်စာ ထွေးထုတ်ပစ်ပြီး ကိုယ် ဆက်ထိုင်နေမိတယ်။ ဆုံးမသူများ ခွင့်လွှတ်စေချင်။

ကိုယ်ဆီကနေတော့ တစ်ခုခု ရဖို့တော့ မမျှော်လင့်လေနဲ့။ ကိုယ်ဆီမှာ ကိုယ် က လွဲပြီး စကားလုံး တောင် မရှိဘူး။

အဟုတ် ။ ကိုယ်က တရုတ် မဟုတ်ဘူး။ စီးပွားရေး ဈေးကွက်ဆန်မှုဟာ ဒီနေရာမှာ အသုံးမတည့်ကြောင်း မိတ်ဆွေ လည်း

အသိ။ တောင်တောင်အီအီ ရောရောယောင်ယောင် လုပ်နေမိသမျှ ကာလာပတ်လုံး အညှိအကြေးက လွဲလို့ အခြား မရှိ။

ဆက် လျှောက်။ ကိုယ်နားထောင်နေကျ သီချင်းတွေလည်း လွမ်းလွမ်း အိုအို ငေါင်စင်းလို့။ တကယ်တော့ ကိုယ်လည်း

အဟောင်းထည် ဆိုတာထက် မပို။ စီးဆင်းလည်ပတ်နေတဲ့ အဲဒီ ယဉ်ကျေးမှု ပတ်လမ်းမှာ ရှော့တွေ အဖြစ်များလာခြင်း

အကြောင်းရင်း တဲ့ ကိစ္စကတော့ ညှော်မရှောင်လို့ ပဲ နေမယ်။ နောက်ဆုံးတော့ ဖာဂူဆန်ဟာ ဖာဂူဆန်ဖြစ်အောင် အနိုင်နဲ့

အခုချိန်ဆို MAHASAN ဘယ်ရောက်နေပြီလဲ။ ကိုယ်တို့ရဲ့ THE DAY AFTER TOMORROW လား။ ကြိုတင် အတိတ်။

အခုလောက်ဆို တောက်တဲ့ အကြောင်း ခြုံငုံမိပြီပေါ့။ တကယ်တော့ ဘာမှမှ မဟုတ်တာကြီး။ တောက်တဲ့က တောက်တဲ့။

လူက လူ။ သူက သူ။ ကိုယ်က ကိုယ်။ ရောထွေး မှု တစ်ခုအရလည်း မဖြစ်နိုင်ဘူးဆို။ တောက်တဲ့ ဟာ သူ ပဲ ဖြစ်နေတယ်။

သန်းခေါင်ယံ အချိန်မှာ ။ နေညို လ ညို ချိန်မှာ။ အသိတရား မှောက်မှားချိန်မှာ။ ချိတ်ထားသမျှ ချိတ်တွေ အကုန်ပျက်ကျ။

တစ်ခါတုန်းက ဘာညာသရကာတွေ ဆီ ပြန်ရောက်။ HAPPY MOTHER DAY../ I LOVE ..MOM!။ အဲဒီမှာ ရွှေကိုယ်နတ်

လည်း ဒိန်း ဒိန်း ဒိန်း …ဒိန်း ဒိန်း ဒိန်း ဂျား…။ ကိုယ့်ရဲ့ LOVELY တွေလည်း ကိုယ့်ကို စိတ်ကောက်နေကြရောပေါ့။

ရာသီဥတုကမှ မကောင်းဘဲကိုး။ တစ်နေ့ တစ်နေ့။ အဲဒီ အသက်က ကြီးလာတာ ဆိုးတာပဲ။ ကျောက်စရစ်တွေကြားမှာ

ကိုယ် ရှိတယ်။ လှမ်းခေါ်ကြည့်လိုက်။ ကိုယ့် ကို။ ဦးရေပြားက စ ပြီး နွှာချလိုက်တော့ စိတ်မကောင်းစရာပဲ။ စိတ်ညစ် တွေ

အဖတ်လိုက် ထွက်ကျ။ သင် တို့ အော့အန်နေကြမလား။ နောက်တော့လည်း ဆေးဖက်ဝင်တယ်ဆိုပြီး ဖွယ်ဖွယ်ရာရာ စီမံ

လည်ပင်းနင်အောင် မျိုကြဦးပေါ့။ အဲ့ဒါကို ဘယ်လို ခေါ်မလဲ။ အထက်အောက် ဖိစီးတယ်ခေါ်မလား။ ဗဟိုချက်ကို ထိမိ

တယ် ခေါ်မလား။ ထားပါ။ အဆင်ပြေရာ ဘာသာစကားတစ်ခုခုနဲ့ပဲ။ GOOD NIGHT.. BYE BYE ပါ။

မိုးအိမ်လူ

၁၂ မေ ၂၀၁၃

နံနက် ၀း၃၂

သေနေတဲ့ ဇာတ်လမ်း

တကယ်တော့ သစ်သီးက ပုပ်နေပြီ ဖြစ်သည်။ သို့သော်လည်း စားစရာ ရှိတာကို စားရမည်ဟု ခံယူထားသူများကတော့ ပုပ်ပုပ် သိုးသိုး စားကြသည်ပင်။ လက်နှိပ်ဓာတ်မီးများကို ပိတ်ထား၍ အမှောင်မှာ လမ်းလျှောက်တတ်သော လူများသည် နံနက်ခင်းနေရောင် ကို အော်ကြီးဟစ်ကျယ် တောင်းဆိုတတ်ကြသည်။ အချိန်ဆိုသည်ကို နားမလည် အလေးမထားလျှင် အစကတည်းက လက်မခံခဲ့ဖို့ ကောင်း သည်။ အခုတော့ နာရီဆိုင်တွေ စီးပွားတတ်တာပဲ အဖတ်တင်သည်။ လမ်းက အခုထိ မတွေ့။

အချစ် ဟု ဆိုလိုက်လျှင် မြီးကောင်ပေါက်ကလေးများနှင့် မရင့်ကျက်နိုင်သူ အရွယ်လွန်များက စိတ်ဝင်တစား ခေါင်းထောင် တတ်လေ့ ရှိသည်။ စီးပွားရေးသမားများသည် ထိုအကွက်ကို နင်း၍ ကျားထိုး၏။ မလွတ်လပ်သူ အနုပညာသမားများသည် ထိုအကွက်ကို နင်း၍ တစ်ကောင်ကျွေးနှစ်ကောင်စား၏။ အခုမှ အမည်တပ်မရတော့ခြင်းဖြစ်သည်။ တစ်ကိုယ်ကောင်းဆန်ခြင်း အနုပညာ ဟူ၍ ရှိပါသ လား။ ကျွန်တော် တတ်မြောက်ချင်သည်။ သို့မဟုတ်။ ကျွန်တော်ကပင် စ၍ တီထွင်လိုက်ပါမည်။ အဘယ်ကြောင့်ဆိုသော် ကျွန်တော် သည် တစ်ကိုယ်ကောင်းဆန်သူ တစ်ယောက်ဖြစ်သောကြောင့်ပင်တည်း။

မိုးလေးများဖွဲလာပြီဆိုလျှင် ပျော်တတ်ကြသည်။ ဘယ်သူတွေလဲ ဟုဆိုလျှင် ပျော်တဲ့သူတွေ သိလိမ့်မည်။ ငယ်ငယ်တုန်းက မိုးရွာလျှင် ကျောင်းကို ထီးဆောင်းပြီး သွားရမည်ကို ရှက်သည်။ မိုးကာလေးနှင့် စမတ်ကျကျ ကျောင်းကို သွားချင်သည်။ အခုကျတော့ မိုးကာကို မ၀တ်ချင်တော့။ ဒီအတိုင်းပင် မိုးရွာလည်း သွားစရာရှိတာ သွားပစ်သည်။ အခုအချိန်တွင် မိုးသည် ရှားပါးလာလေပြီ ဟု ထင်မိ သည်။ မလိုအပ်ဘဲ အကြောင်းအရာတွေ အများကြီး မပြောဆိုမိဖို့ ကိုယ့်ကိုယ်ကို ထိန်းကျောင်းရသည်မှာ မလွယ်လှပါ။ အရက်မမူးသော် လည်း ကျွဲခိုးက ပေါ်ချင်လျှင် ပေါ်တာပဲဖြစ်သည်။

သွားပုပ်တွေ လေလွင့်လျှင် ပတ်ဝန်းကျင်ကို များစွာ ထိခိုက်သည်။ တစ်နည်းအားဖြင့် အတင်းပြောခြင်းသည် မကောင်းပါ။ သို့သော် အတင်းပြောခြင်းသည် လူထု၏ စိတ်ပိုင်းဆိုင်ရာ ကျန်းမာရေးကို များစွာ အထောက်အကူဖြစ်စေကြောင်း စစ်တမ်းများအရ သိရသည်။ ( ကိုယ့်ဘာသာကိုယ် စစ်တမ်းကောက်ခြင်းသာဖြစ်သည်။ အတည်မယူစေလို )။ လူမှုရေးနှင့် ပတ်သက်၍ ကျင့်ဝတ်များ နီတိ များကို ရှေးလူကြီး ဆိုသူတွေက ဘာလို့များ များများစားစား ထားခဲ့ကြပါလိမ့် ဟု မကြာခဏ တွေးမိသည်။ ထိုကျင့်ဝတ်နီတိများသည် စာအုပ်ထဲတွင် မှတ်တမ်းတင်ထားသော ၊ ရံဖန်ရံခါ အပျင်းပြေ ဖတ်ကောင်းသော စကားလုံးများထက် မပိုချေ။ ထို့အပြင် စကားပြောခြင်း ကိစ္စတွင် ၎င်းတို့ကို သုံး၍ ကိုယ်ရည်ကိုယ်သွေးကို မြှင့်တင်ရာတွင်လည်း များစွာအသုံးဝင်သည်။ ထိုလောက်ပင် ဖြစ်သည်။ ထိုထက် မပို။

အချစ်ဆိုသည့် ကိစ္စကို ကျွန်တော် ပြန်၍ တူးဖော်နေမိသည်။ မတူးဖော်၍ မဖြစ်။ ကြံဖန်၍ ချစ်တတ်အောင် ကြိုးစားရမည်။ ဘာကြောင့် လဲ ဆိုတာတော့ ကျွန်တော်ကိုယ်တိုင် ရေရေရာရာမသိ။ ကျွန်တော့်ကိုယ် ကျွန်တော် ရှောင် နေခြင်းလည်း ဖြစ်နိုင်သည်။ အရင်တုန်းကတော့ အချစ်သည် အင်မတန်မှ ခံစား၍ ကောင်းသော အရာဖြစ်သည်။ ထိုကိစ္စနှင့်ပတ်သက်ပြီး စာတွေ အများကြီး ရေးနိုင် ခဲ့သည်။ အဲဒီကမှ တဆင့် အခြားအကြောင်းအရာတွေကိုပါ ချဲ့ထွင် လေ့လာဖြစ်ခဲ့သည်။ အရှုံးတော့မရှိခဲ့။ သို့သော် ယခု အချစ်ကို ပြန်၍ ခံစားတတ်ဖို့ ကျွန်တော် ကြိုးစားရဦးမည်။ ခက်သည်မှာ မလွယ်ကူခြင်း ဖြစ်သည်။

ပန်းတစ်ပွင့်၏ မွေးဖွားခြင်း တေးတွင် ကျွန်တော် မကျွတ်လွတ်နိုင်သေး။ ရနံ့တို့ ရှိခဲ့လိမ့်မည်။ သေဆုံးသွားသော စကားလုံးတို့ ၏ နေရာတွင် အခြားတစ်ပါးသော စိတ်ခံစားမှု ပုံရိပ်များ အစားထိုးဝင်ရောက်နေလေပြီ။ မငေးမောဖူးသော လမင်း၏ သေဆုံးခြင်း ဇာတ် လမ်းကို ငေးမောမိခဲ့ပြန်သည်။ ပျောက်ကွယ်ကာနီး မောဟလေးကိုမှ ကျွန်တော်က တပ်တပ်မက်မက် ချစ်နေမိခဲ့သည်။ အခုတော့ သေ သော်မှတည် သြော်ကောင်း၏ ဖြစ်နေသည်။ ထိုစကားစု၏ ဆိုလိုရင်းကို အမှန်တကယ် ကျွန်တော် နားမလည်ပါ။ ကျွန်တော်၏အဖြစ်သည် နာမည်ကြီးခဲ့သော ၀တ္ထု ဇာတ်လမ်းများထဲမှ မင်းသားတစ်ယောက်ယောက်၏ အဖြစ်နှင့် ယောင်မှားလို့တောင် မတူညီဖြစ်။ ကျွန်တော်၏ အဖြစ်သည် ကျွန်တော်၏ အဖြစ် အဖြစ်သာ တည်ရှိနေပြီး အခြား ဖြစ်ခဲ့ပြီးသည်များနှင့် လုံးဝ ကွဲလွဲဆန့်ကျင် နေခဲ့ခြင်းသည် ကျွန်တော်၏ ကံဆိုးမှု ဖြစ်ခဲ့ပြီး ကျွန်တော်၏ ၀ဋ်နာကံနာသက်သက်သာ ဖြစ်ခဲ့သည်။ ကျွန်တော် သီချင်းများကို အော်ဟစ် ညည်းညူ သီဆိုတတ်လာခဲ့ပြီ ဖြစ်သည်။

မိုးအိမ်လူ

၂ ဇူလိုင် ၂၀၁၃ ( နံနက် တစ်နာရီ ကျော်ကျော် )

မပီမသ တေး

သွေးသားတော်စပ်မှု ရှိခြင်း မရှိခြင်း ဖြစ်ရပ်မှန် ဇာတ်လမ်းများထဲ

နေရောင်ခြည်ဟာ တောက်လောင်ဆ ခပ်များများနဲ့ပဲ အရေပြားတွေအပေါ်ရွာကျလို့ ကျ

ဘ၀ရဲ့ အစိတ်အပိုင်း တော်တော်များများမှာ မြက်ခင်းစိမ်းတွေ မလန်းခဲ့ဘူး

လွတ်လွတ်ကျွတ်ကျွတ်ကြီး ရုန်းရကန်ရ နေ့စဉ်ရက်ဆက်တွေကို တသသ ထမ်းပိုးပြီးမှ

ဘယ်သူ သတ်မှတ်လိုက်သလဲ

လှေကား

တစ်ထစ်ချင်း

ပြုတ်ကျ သွားခဲ့ရတယ်

ဘ၀အခွံကြီးထဲမှာ မွန်းကျပ်သံတွေ တလှိုင်လှိုင် ထ နေတုန်း ကြယ်မြင် လ မြင် လောကဓံ ဆိုတာ ကြုံဖူးပြီ

အိ  ပ်   မ   က်ေ      တွ

မှတ်တိုင်တစ်ခုခုမှာတော့ ရပ်စောင့်နေရတုန်းပဲ ဆယ်စုနှစ်တွေသာ အသားလွတ်ပုပ်သိုးသွားတယ်

တစ်ခါတစ်ခါ မြို့အိုအိုလေးမှာ ကော်ဖီအိုအိုလေး သောက်ပြီး ဘ၀ကို ခပ်အိုအိုလေး အိုသွားချင်တယ်

အို

အဲဒီသင်္ကေတမှာ အခါခါ ညှိစွန်း ဖောက်ပြားမိသမျှ အနာဂတ်တေးတွေ အသံကြောင်ခဲ့ပြီ

တိတိပပ အကြောင်းအရာတစ်ခုခုနဲ့ လမ်းတွေ မလျှောက်တတ်တော့ဘူး လွင့်မျောမိတတ်ခဲ့ပြီ

မိုးအိမ်လူ

31.5.13

ရော် ရီ ရူး ရ

......................

တစ်စက် နှစ်စက် ကိုယ့်ဘ၀ ကို လက်အုပ်ခံရင်း ရနံ့ဟောင်းတွေကို ရင်ဘတ်ထဲက ဆွဲရစ်လျက်
အတိတ်ဆိုတာ ပြန်လည် တမ်းတ မက်မောစရာ အစစ်အမှန် ဟုတ်ပါရဲ့လား
ဘောင်တစ်ခုခုနဲ့ ကျဉ်းကျပ်နေတဲ့ ကဗျာတွေအတွက် ဘယ်လို နှလုံးသားနဲ့ ဘယ်လို ဦးနှောက်နဲ့
ဘ၀ဆိုတာ ဈေးတွက် တွက် ရမယ့် အရာတစ်ခု လား
မျက်လုံးပေါက်ကျဉ်းကျဉ်းနဲ့ အသွေးအသားတွေကို စုပ်ယူဝါးမြိုတတ်သူတွေ ခြေခင်းလက်ခင်းသာတဲ့ နေ့
သွေးနီရောင်တွေ ရွှန်းစိုနေတဲ့ မြို့တော်ကြီးရဲ့ လမ်းမအနှံ့မှာ ဘယ်သူတွေရဲ့ အပြုံး က မြန်မာအဆန်ဆုံးလဲ
ဟိုးအဝေးက တိမ်ပြိုစ တွေဟာ တစ်ခါတုန်းဆီက တိမ်ပြိုစတွေပဲလား ကိုယ့်ခေါင်း ကိုယ် ခါယမ်း
သိစိတ်မှာ ပြာဝေမှိုင်းရီနေတဲ့ ရက်လွန်အိပ်မက်တွေနဲ့
နောက်လှည့်မကြည့်တော့ဘူး စိတ်တင်းပြီး အရှေ့ကို မျှော်လင့် အားတင်း
တစ်ခါတစ်ခါ ခလုတ်တွေ တိုက်ရတဲ့အကြောင်း တစ်ခါတစ်ခါ ရွှံ့ဗွက်တွေကို နင်းမိတဲ့အကြောင်း
တစ်လောကလုံးကို လက်ထဲမှာ ထည့်ထားတယ် ဆိုတဲ့ သူတွေ ။ ချောက်တွေ နက်တာ အကြောင်းမဲ့တော့ မဟုတ်
လေလေလွင့်လွင့် စကားတွေ ဆိုခဲ့ပြီး စိတ်ကို ပြန်ခါလိုက်တိုင်း ထွက်လာလိုက်တဲ့ အညစ်အကြေးဆိုတာ
အချိန်ဆိုတာ ကိုယ်တို့ကို ပိုမို ညစ်ထေးစေတဲ့ အရာ လား
ကိုယ့်ကို ပြောပါ ဘ၀ထက် မြတ်တယ်ဆိုတဲ့ ပညတ် တွေကို  
ပုစွန်ဆီရောင် တောက်တယ်ဆိုတဲ့ ကောင်းကင်ချိန်တွေမှာ စကားလုံးတွေ ဘယ်လောက်မှားခဲ့မိသလဲ သစ္စာကို ခါး ထိုး ရှာသူကြီးတွေ ၊ ကိုယ့်လက်ရေးနဲ့ ရေးတဲ့ စာကိုမှ မဖတ်နိုင်သူကြီးတွေ အဲဒီ ညနေတွေမှာ ကိုယ်ရယ် နေမင်းကြီးရယ် စိတ်အနွမ်း တစ်စ ရယ်..ဘာတဲ့.. အလွမ်းဆိုလား

မိုးအိမ်လူ

အရေခွံ လန် နေတဲ့ ကမ္ဘာ ကဗျာ

အကြောင်းတရားတစ်ခုခုအရ ဖြစ်လိမ့်မယ်

ဆိုလိုရင်း တစ်ခုခု အရ လည်း ဖြစ်လိမ့်မယ်

ကျွန်တော့်မှာ သုံးမရတဲ့ ကောင်းကင် အတု တစ်ခု ဟာ ရှိနေခဲ့တုန်း

သစ်ရွက်တွေ ကြွေ တဲ့ အသံ သံမဏိစိတ်ဓာတ်လေးဟာ တဖြုတ်ဖြုတ် အရည်ပျော်ကျ

သစ္စာလမ်းဟာ မေတ္တာလမ်းထက် ကောင်းတယ် မကွေးမြို့မှာ။

သူတို့သွားလို့ ဖြစ်သွားတဲ့ လမ်း ကို အခု မသုံးတော့ဘူး

ရုတ်ရုတ်သဲသဲ မုန်တိုင်းသတင်းလည်း အခုတော့ လွမ်းစရာလိုလို

နေ့မှာ အပူပြင်းပြီး ညမှာ ခြင် ကိုက်တဲ့ အရပ်ဒေသ

ဒီလိုပါ

ကျွန်တော့်မှာ တုံးရိနေတဲ့ စကားလုံးတွေနဲ့ ကျွန်တော်ကိုယ်တိုင်တောင် မကြိုက် မနှစ်သက်နိုင်တဲ့

              ကဗျာ၊ စကားပြေ တွေ ရှိခဲ့တယ်

ကျွန်တော်သည် လူငယ်တစ်ယောက် ဖြစ်နေနိုင်ပါသေးသည်။

ယုတ်မာခွင့် ရှိတယ် ကောက်ကျစ်ခွင့်မရှိဘူး

ထူးသလား မကွာဘူးလား

ရိုးသားခွင့်  ရှိတယ် ထက်မြက်ခွင့် မရှိဘူး

တော်တော်တော့ သိသာကွဲပြားမှု ရှိနိုင်ပါတယ်

နောက်ပိုင်းမှာပေါ့

အချို့ဟာလည်း ဟမ်ဘာဂါလို ပေါ်ကာစမှာတော့ ဘာလဲဟ ဘာလဲဟ ပေါ့

နောက်ပိုင်းမှာပေါ့

အချို့ဟာလည်း နှစ်သိန်းတန် ဆင်းမ်ကဒ်တွေလို ဟုတ်တယ်ဟ ကောင်းတယ်ဟ ပေါ့

နောက်ပိုင်းမှာပေါ့

ထင်းစီးတွေပြေတော့ ဂျာမနီဟာ ပထမကမ္ဘာစစ်မှာ နောက်ကျောကနေ ဓားနဲ့ အထိုးခံလိုက်ရတယ်

ကျွန်တော့်အခန်းတံခါးကို ဂျက်ထိုးထားပါလျက် အတင်းကာရော ဆွဲဖွင့်ကြတယ်

ကြာတော့ တံခါးလည်း ပျက်ရောပေါ့

ပွင့်လင်းမြင်သာမှု ရှိလာတဲ့ ဒီအခြေအနေမှာ အလကာင်္အချို့ကို တောင်စွယ် နေကွယ်မှာ

မထူးခြားနား သူတို့လိုပဲ ဘ၀မှာ ဖြတ်သန်းလာခဲ့ရခြင်းမှာ

ကိုယ့်ဇာတ်ကိုယ်ခင်း လူမျိုးရေးပဋိပက္ခတွေနဲ့ ကမ္ဘာမြေကနေပျောက်ဆုံးသွားမယ့် သူတို့မှာ

ကျောက်သားမြို့တော်မှာ ဒါလီရဲ့ နာရီ ဆိုလားပဲ ရောင်းအားကောင်း။

မျက်နှာမူရာအရပ်ဟာ အရှေ့အရပ်ပဲ ဖြစ်တာကောင်းတယ်

ဆန့်တန်းထားတဲ့ လက်တွေဟာ ချိတ်ဆက်ဖို့ ဖြစ်တာကောင်းတယ်

မှန်ထဲက လူကို ကြည့်တဲ့အခါ အတွင်းသားကိုပါ မြင်အောင်ကြည့်ဖို့ ဖြစ်တာ ကောင်းတယ်

လူ လူချင်း မျက်လုံးတပြေးတည်း မြင်တတ်ဖို့ ဖြစ်တာကောင်းတယ်

ဘေးမှာ ထိုင်တာ အားပေးကူညီဖို့ ဖြစ်တာကောင်းတယ်

ဖြစ်တာ ကောင်းတယ်

မဖြစ်တာ ကောင်းတယ်

မကောင်းတာတွေ ဖြစ်တယ်

ဖြစ်တာတွေ မကောင်းဘူး

မဖြစ်မကောင်းတာတွေ ဖြစ်တယ်

မကောင်းမဖြစ်တွေလည်းကောင်းနေရပြန်တယ်

ဖြစ်ဖြစ် ကောင်းကောင်း ဖြစ်နေဖို့ ဖြစ်နေရတာဟာလည်း ကောာင်း၏ မကောင်း၏။

မိုးအိမ်လူ

19.5.2013

ရယ်စရာ မဂ္ဂဇင်း ၊ အောက်တိုဘာ ၊ ၂၀၁၃

ထို့အတွက် …. သစ်ရွက်

အနှစ်တစ်သန်းမှာ တစ်ခါပဲ ပွင့်မယ့် သစ်ပင်ကို ကျွန်တော် ပြန်လည် စိုက်ပျိုးထား၏။အချိန်ကာလ။ နေရာ ဒေသ။ အတိအကျ အမှတ်အသား ပြုမထားဘဲ ကျွန်တော်၏ စိတ်ခံစားမှုဖြင့် ၎င်းပန်းပွင့်ငယ်ကိုပြန်လည်ရှာဖွေမည် ဖြစ်သည်။ ထို့အတွက် အိပ်မက်ငယ် အထပ်ထပ်ကို နှလုံးသား ကျိုးကြေစွာမက်စက်ပြီး။ ကျွန်တော်၏ ပြက္ခဒိန်တွင် တနလာင်္။ အင်္ဂါ ။ ဗုဒ္ဓဟူး ။ စသဖြင့် နေ့နံတို့၏ အမည်များမရှိပါ။ ကျွန်တော်၏ ပြက္ခဒိန်တွင် တစ်ရက်။ နှစ်ရက်။ သုံး ဆယ့်တစ်ရက်။ စသဖြင့် ရက်စွဲတို့၏ဂဏန်းနံပါတ်များ မရှိ။ ရူးသွပ်ခြင်း အနည်းငယ်မျှ မရှိဘဲ ထိုသူမ၏ အမည်နှင့် ထိုသူမ၏မွေးနေ့တို့သည်သာ ကျွန်တော်၏ နေ့စွဲ။ ရက်စွဲများ အဖြစ်။ ၎င်းဖြစ်စဉ် သည် ကျွန်တော် တစ်ယောက်တည်း အတွက် တရားမျှတခြင်းနှင့် လွတ်လပ်ခြင်းကို ပြည့်ဝစွာ ရယူဖော်ဆောင်ခံစားခြင်း ပုဂ္ဂလအခွင့်အရေးသာ ဖြစ် ၏။ အများအားဖြင့် တွေ့လေ့တွေ့ထ မြင်လေ့မြင်ထ ကြားလေ့ကြားထ ရှိသော ။ အတိတ်။ပစ္စုပ္ပန်။ အနာဂတ်။ ဟူ သော အချိန်ကာလတရားကို ဖော်ညွှန်းသော ။ သို့မဟုတ်။ ခံစားချက်များကိုဖုံးကွယ်သော ။ သို့မဟုတ်။ ဆင်ခြင် ခြင်းကင်းမဲ့သော စရိုက်လက္ခဏာကို ဖော်ပြသော။ ထိုစကားလုံးများကိုကျွန်တော် သုံးစွဲမည်ဆိုလျှင်။ မနေ့က ကျွန်တော် လွမ်းနေခဲ့၏။ ( သူမ အပါအ၀င် အခြား ကျွန်တော်၏မောဟများ )။ ယနေ့ ကျွန်တော် လွမ်းနေ၏။ ( သူမ အပါအ၀င် အခြား ကျွန်တော်၏ နောင်တများ)။မနက်ဖြန်။ ကျွန်တော့်အတွက် မသေချာပါ။ အခြားသူများ အတွက် လည်း မသေချာပါ။ ထို့အတွက် ကျွန်တော်ထံတွင်နောင် အနှစ် ဘယ်လောက်ကြာလျှင် ကျွန်တော် ပိုင်ဆိုင်သည်ဟု ထင်သော ( တကယ်တော့ ကျွန်တော်မပိုင်ပါ ) ကျွန်တော်၏ ဘ၀တွင် ကျွန်တော် ဘာဖြစ်ရမည်။ ညာဖြစ်ရမည်။ ဟု မရှိ။ ထို့အတွက်သူမသည် ကျွန်တော်ကို အနည်းငယ် စိတ်ခု၍ ဒေါသ ဖြစ်နေ၏။ ထို့အတွက် ကျွန်တော် စိတ်မ ကောင်းဖြစ်မိ၏။ကျွန်တော်၏ စိတ်တွင်  ဖြစ်ပေါ် ငြိတွယ်လာသောအတွေး။ ခံစားချက်။ သိမြင်မှုသည် ကျွန်တော်၏ ခံယူချက်။ သစ္စာ။ အတ္တ။ မောဟ.။ ဥပါဒါန်။ မာန်မာနသာဖြစ်ပါသည်။ ၎င်းတို့အတွက် ကျွန်တော့်ကို ဒေါသဖြစ်ခြင်း။ အားမလို အားမရ ဖြစ်ခြင်း။ မနာလိုဝန်တိုဖြစ်ခြင်း။. အထင်ကြီး / သေးခြင်း ။ အမြင်ကပ်မုန်းတီးခြင်း။ ဒုက္ခရောက်စေ လိုခြင်း။ စသဖြင့်တို့သည် ခံစားသူတို့၏ သောကသာ ဖြစ်၏။ အမှန်စင်စစ် ကျွန်တော်သည် ကျွန်တော်သာဖြစ်၍ အခြားသူတို့သည်အခြားသူတို့သာ ဖြစ်ပြီး သူမသည် လည်း သူမသာဖြစ်ပါသည်။ သူမသည် ကျွန်တော်၏ ဘ၀ အ တွက် ။ရံဖန်ရံခါ လမင်းငယ်။ ရံဖန်ရံခါ အိပ်မက်ငယ်။ ရံဖန်ရံခါ အားကိုးရာ သစ်ပင်။ ရံဖန်ရံခါရှုပ်ထွေးသော ကြိုးခွေ။ ရံဖန်ရံခါ မုန်းတီးဖွယ်ရာ မိန်းမပျို။ နှင့်။ အခါများစွာဝယ်ကျွန်တော်၏ ချစ်မြတ်နိုးရသူ ဖြစ်၏.။ သူမ၏ စကားများ။ စာ များ။ အပြုအမူများ။ ကိုထည့်မတွက်ဘဲကျွန်တော် ခံစားမိသော သူမ၏ စိတ်ခံစားမှုမှာ။ ဘယ်လို အခြေအနေမျိုးမှာပဲ ဖြစ်ဖြစ် ကျွန်တော်သည်သူမ၏ ချစ်မြတ်နိုးရဆုံးသောသူ ဖြစ်သည်။ ထို့အတွက် ကျွန်တော် ပျော်ရွှင်မာန်တက်ရသ လို။ကျွန်တော် ၀မ်းနည်းမိသည်။ ပန်းတစ်ပွင့်။ အိပ်မက်တစ်ပုဒ်။ အလှပဆုံးဝတ်စုံ။ လက်စွပ်။သူမ စိတ်ကြိုက် ဖြစ် မည် ထင်သော အရာများကို ကျွန်တော် ပေးအပ်ချင်လှ၏။ ပေးအပ်ချင်ခြင်းသည်စိတ်အဖြစ်သာ ရှိပြီး လက်တွေ့ ပုံ ဖော်လုပ်ဆာင်မှု မရှိခဲ့ချေ.။. သို့သော် ထိုသို့ စိတ်ရှိခြင်းကိုအခြေတည်၍ အချိန်တစ်ခု။(ကျွန်တော် အသက်ရှင် လျက် ရှိမည်ဆိုလျှင်.) ။ ၌ ပေးအပ်နိုင်လိမ့်မည်ဟုကျွန်တော် မျှော်လင့်၏။ အချိုသာဆုံးသော တေးသီချင်းများထက် ကြေကွဲဝမ်းနည်းဖွယ်ကောင်းသောတေးသီချင်းများကို စိတ်အခံမရှိဘဲ ကြိုက်နှစ်သက်ကြခြင်းမှာ ဘာကြောင့်လဲ။ တစ် ခါတစ်ရံကျွန်တော်တို့ သေရည်မကျူးဘဲ မူးခဲ့ကြသည်။ အပူအအေးမျှတပါလျက် ကွဲအက်ခဲ့ကြသည်။ အချစ်နှင့်ချစ် ခြင်း ကိစ္စတွင် စကားလုံးများ များစွာ ကြားဝင်စေနိုင်သလို အဓိပ္ပာယ်များစွာ အလင်းယိုင်စေနိုင်၏။အချို့သူများ သိကြ ၏။ သိလျက်နှင့်ပင် ပိုးဖလံ အဖြစ်ခံ၏။ အချို့ မသိကြ။ ကရုဏာသက်ဖွယ်အလှတရားများ။ မနက်ဖြန်များသည် တိ ကျ သေချာစွာ မသေချာပါ။ ယခုအချိန်တွင် သူမနှင့် ကျွန်တော်တို့၏သစ်ရွက်များ အလွမ်းရောင်ဖြင့် ကြွေနေမည်။ သူမနှင့် ကျွန်တော်တို့၏ ပန်းပွင့်များ အလွမ်းနံ့သင်း၍နွမ်းနေမည်။ မလှပခြင်း။ အကျည်းတန်ခြင်း။ ၏။ အလှတရား များ။ စိတ်ခံစားချက်များ လေအသင့်အတိုင်းလွင့်ဝဲပြီးသည့်နောက်။ သူမနှင့် ကျွန်တော်တို့၏ ဘ၀ထဲမှ အစိတ်အပိုင်း အချို့ ကို ထုတ်နုတ်ပြပါမည်။

( က ) တနလာင်္၏ မိုးရေစက်များကောင်းကင်ပေါ် သို့ နှစ်ခါ ရွာကျ၏။

စောင့်ဆိုင်းခြင်း နတ်တစ်ပါး၏ ကျီစယ်မှုဖြင့် သူမ စိတ်ညစ်နေလိမ့်မည်။အဖော်အပေါင်းတို့၏ စိတ်မရှည်မှု ဖြင့် သူမ အားငယ် သိမ်ငယ်နေလိမ့်မည်။ ဖြေဆည်၍ ရသမျှအကြောင်းပြချက်များစွာကို အသုံးပြု၍ သူမ ကိုယ် သူမ ဖြေသိမ့်နေလိမ့်မည်။ မဖြစ်နိုင်ခြင်းမှန်သမျှကို ဖြစ်နိုင်စေခြင်းဖြင့် သူမ စိုးရိမ်သောက ပွားနေလိမ့်မည်။ ပထမဆုံးအ ကြိမ်မဟုတ်သော်လည်း ကျင့်သားမရသေးသော စိတ်၏ မရင့်ကျက်မှုဖြင့် ပေါ့ဆိမ့်တစ်ခွက်၏ အရသာကိုဘာမှန်း မသိ မခံစားနိုင်ဘဲ သောက်သုံးနေလိမ့်မည်။ စိတ်၏ ခံစားချက်များ မပေါ်လွင်စေရန်အခြား အရည်မရ အဖတ်မရ စကားလုံးများကို အရည်ရ အဖတ်ရလုပ်နေလိမ့်မည်။ တပြိုင်နက်တည်းမှာပင်ကျွန်တော်ရောက်လာလျှင် ဘယ်လို စိတ်ကောက်ရမည်ဆိုသည်ကို စဉ်းစားနေလိမ့်မည်။ အချိန်မတန်သော။သို့မဟုတ်။ အချိန်လွန်သော အချိန်တန်ချိန်၌ ကျွန်တော် သူမထံသို့ ရောက်ရှိသွားသည်။ ဘယ်အချိန်ရှိပြီလဲ။နင်က ငါ့ကို အလေးကို မထားဘူး.။ နင် ငါ့ကို မချစ်ပါ ဘူး။ နောက်တစ်ခါ ဘယ်တော့မှ မတွေ့တော့ဘူး။ကျွန်တော် စိတ်ညစ်ရသည်။ ထို့နောက် မုသားအတုများအား သနားစဖွယ် ပုံပြင်ဖန်တီး ။ မရယ်ရသောဟာသများဖြင့် အတင်းကာရော သူမကို ရယ်မောစေရ၏။ သူမ ရယ်ပါသည်။ နွေးထွေးလှ၏.။ ထို့နောက်။ငါက နင့်ရဲ့ အရုပ်ပါပဲဟာ။ နင်က ငါ့ကို အရုပ်လို သဘောထားတာပါ။ မဟုတ်ရပါ။ သူမ သည် ကျွန်တော့်အတွက်အရုပ်တစ်ရုပ် မဟုတ်ပါ။ လူတစ်ယောက်၏ လူဖြစ်မှု တန်ဖိုး ၊ အခွင့်အရေးတို့ကို ယုတ် လျော့ကျဆင်းစေသော ၎င်း ( အရုပ် ဆိုသော ) စကားလုံးကို ကျွန်တော် မုန်းတီးပါသည်။ ကျွန်တော်ရောသူမရော အရုပ်တွေ မဟုတ်ကြပါ။ လူ ဟူသမျှ မည်သူမှ အရုပ်မဟုတ်ကြ။ ကျွန်တော်နှင့် သူမသည်အချစ်၏ နှောင်ဖွဲ့ ချည်နှောင်မှုကို ခံရသော စိတ်ခံစားချက်တို့ ရှိနေခြင်းသာ ဖြစ်ပြီးနှစ်ယောက်စလုံး အရုပ်တွေ မဟုတ်ကြပါ။ ထို စကားလုံးအတွက် ကျွန်တော် ၀မ်းနည်းမိသည်။ ယနေ့ကျွန်တော် အိပ်ရာထ နောက်ကျ၏။ နေရောင်ခြည်၏ နွေးထွေးမှုကို နောက်ကျမှ ခံစားရခြင်းသည်ကျွန်တော်နှင့် ထိုက်တန်သော ပြစ်ဒဏ် ဖြစ်ပါသည်။

( ခ ) မိုင်တိုင်တွေမှာ အသည်းကွဲနံပါတ်တွေ မီးလို လောင်နေတယ်။

ဝေးကွာခြင်းနှင့် ကပ်လျက်တွင် သတိရလွမ်းဆွတ်ခြင်းများ ရှိကြောင်း လူတိုင်းသိကြ၏။ ချစ်ခြင်းသည် ယခု မှ သစ္စာတည်၏။ နာကျင်ခြင်း တေးများကို ကျွန်တော်တို့ မြိန်ရည်ယှက်ရည်အိပ် မက်ကြ၏။ အနေဝေးသော်လည်း သမီးရည်းစားတို့သဘာဝ စိတ်ဆိုး စိတ်ကောက်ကြတုန်း။ ချစ်တယ်လို့ ပြောဖို့ မလွတ်လပ်တဲ့ အခြေအနေမှာ ကျွန်တော်တို့ ပျော်ရွှင်စွာ ရန်ဖြစ်ကြ၏။ ကျွန်တော်၏ဒုတိယဘ၀ကို သူမ အထောက်အပံ့ ပေး၏။ ကူညီ၏။ ဒုတိယ ဘ၀၏ ခြေလှမ်းတိုင်းသည် ပထမဘ၀အတွက် အားအင်များဖြစ်ခဲ့ပြီး အဆိပ်များလည်း ဖြစ်နေပြန်သည်။ မည်သို့ပင် ဖြစ်စေ ကျွန်တော် ပျော်လျှင်သူမ ပျော်၏။ ကျွန်တော်၏ လောကဓံအပေါ် အားငယ်စွာ ဆက်ဆံမှုနှင့် တဆက်တည်း။ ကျွန်တော်၏ ဘ၀ကိုကျွန်တော်ထံမှာ ဆွဲထုတ်ပစ်ချင်သည့် အခါတိုင်း။ သူမသည် ကြိုးတစ်ချောင်း ဖြစ်ခဲ့သည်။စွဲလမ်းမှုပင် ဖြစ်စေဦးတော့။ ကျွန်တော်၏ ရှိနေခြင်းသည် သူမ၏ရှိနေခြင်းကြောင့် ဖြစ်သည်။

( ဂ ) ဖမ်းဆုတ် / ဖက်တွယ် ထားမှုတွေဟာအမှန်တရားနဲ့ ဝေးနေတတ်ပြီး။

လူတွေဟာ ကိုယ့်ကိုယ်ထက် ပိုပြီး သူများကို ပစ်စလက်ခတ် ချစ်ပစ်ဖို့ ၀န်မလေးကြဘူး။တကယ်တော့ အဲဒီ အချစ်ဟာ အတုအယောင် ။ ဆင်ခြင်တုံတရား ကင်းမဲ့မှု ။ မြင်နေတွေ့နေကြတဲ့အတိုင်းပါပဲ။ကိုယ် ချစ်တဲ့သူ အတွက် ဆိုရင် အမှားအမှန် မစဉ်းစားဘဲ ကိုယ်ပိုင်ပျော်ရွှင်မှုတွေ ကိုယ်ပိုင်လွတ်လပ်မှုတွေကိုမီးတင်ရှို့နေတဲ့သူတွေ။ အဲဒီအ ထဲမှာ ကျွန်တော် မပါဝင်ပါ။ သူမ ပါဝင်၏။ ကျွန်တော်က အတ္တကြီးသောလူ တစ်ယောက်။ ကျွန်တော့်ကို ကျွန်တော် ထင်မြင်သတ်မှတ်ချက်အရ။ ချွင်းချက် အနည်း အများတော့ ရှိ၏။ မွေးနေ့လက်ဆောင်များ။ နှစ်ပတ်လည် လက် ဆောင်များ။ ထိုအချိန်များတွင် သူမသည်မနက်ဖြန်အကြောင်း တွေးတတ်သည့်ပုံ မပေါ်။ ကျွန်တော်ကတော့ စိုးရိမ် တတ်။ မသေချာမှုတွေအတွက်ကျွန်တော်တို့တွင် ကြိုတင် ပြင်ဆင်ခွင့်သည် များများစားစားရှိလှသည် မဟုတ်ပေ။ ခက်သည်မှာသူမ၏ ချစ်ခြင်းတွင် အတ္တများ များစွာ ပါဝင်ပြီး ကျွန်တော်၏ ချစ်ခြင်းတွင် အတ္တနည်းပါးနေခြင်းပင်။ထို့အတွက် ကျွန်တော်တို့ စကားလုံးများ ဆူပွက်ခဲ့ရသည်မှာ မကြာခဏ။ အကြိမ်များစွာတွင်တော့သူမသည် သူမ ထက် ကျွန်တော့်ကို ပို၍ ချစ်ကြောင်း သစ္စာတည်၏။ ဤသို့ဖြင့် ပင် ကျွန်တော်၏သစ်ပင်သည် သူမ၏ သစ်ပင် ဖြစ် လာသလို။ ပန်းများ ဝေဆာစွာ ပွင့်ဝေခြင်း အလျဉ်းမရှိဘဲ ရနံ့များလှိုင်နေတတ်၏။ အမှန်စင်စစ် ။ ကျွန်တော်တို့ မောဟမှာ ပျော်နေတတ်ခဲ့ခြင်းသာဖြစ်ပြီး စစ်မှန်သောချစ်ခြင်းသည် အနှစ်တစ်သန်းတွင် တစ်ခါသာ ပွင့်ဝေမည် ဖြစ် ကြောင်း အသေအချာ သိနေသော စိတ်ဖြင့်။မောဟတွင် ပျော်ဝင်သော အချစ်ကိုသာ စစ်မှန်အောင် အလင်းပေး၍။

ထို့အတွက် ပင် ဖြစ်ပါသည်။

*

မိုးအိမ်လူ

၁၂ အောက်တိုဘာ ၂၀၁၂

New Style Magazine , July 2013 Issue

လွတ်ထွက်သွားသော အရှိတရားများ

မျှော်လင့်ချက်။

                  မျှော်လင့်ခြင်းများကို စီစစ်ရေတွက်ရင်း နေ့ ရက်များကို တစ်ရက်ပြီး တစ်ရက် သေမင်းဆီမှာ ပေးချေနေခဲ့သည်။ ရောက်ရှိမလာသေးသော အရာများကို ကြိုတင်တွေးတော စိတ်ကူးယဉ်ခြင်းသည် လူသားတို့ ၏ အာဟာရ ဖြစ်သည်။ နွေရာသီတွင် ရွာသော မိုးရေစက်များသည် မိုးရေစစ်စစ်များ ဟုတ်မဟုတ် သိပ်မသေချာလှပါ။ အစ ဆွဲထုတ်ထားသော ပြဿနာ အရှုပ်အထုပ်များသည် ယခုအချိန်တွင် မရိုးမရွနှင့် လှုပ်လှုပ်ရှားရှား ဖြစ်နေပြီ။

                  နံနက်ခင်းသည် သာယာဖို့ ကောင်းသင့်သည်။ ကြည်နူးစရာကောင်းသော အပြုံးများကို မည်သူမဆို သုံးစွဲလိုကြသည်။ ရာသီဥတု ၊ အချိန်နာရီ ၊ နှစ်လနေ့ ရက် ၊ ဇရာအိုမင်းခြင်း….. အကောင်းအဆိုးသည် အစကတည်း က ကိုယ့်ရပ်တည်ချက်နှင့် ကိုယ် အမြစ်တွယ်ပြီးသား ဖြစ်သည်။

                                                              *

ရွေ့ လျားခြင်း။

                 နံနက်က ဆိုခဲ့သော တေးတစ်ပုဒ်၏ အမည်ကို ကျွန်တော်မမှတ်မိတော့ပါ။ ယခု ကျွန်တော် သီဆိုနေသော သီချင်းမှာ Hip Hop သီချင်းတစ်ပုဒ် ဖြစ်ပါသည်။ ကြောင်တစ်ကောင်၏ ပွတ်သီးပွတ်သပ် လုပ်တတ်သော အပြုအမူမျိုးကို ကျွန်တော်မုန်းတီးပါသည်။ ခေတ်အခြေအနေအရ စကားလုံးများ၏ ကိုယ်စားပြုနိုင်စွမ်း သည် ကျဆင်းနေပါသည်။

                 နေခြည်တစ်ပွင့်ကို မြှောက်ကစားရင်း ကျွန်တော် ရေချိုးနေပါသည်။ ထိုဝါကျကို သင် နားလည်ပါသလား။ ခက်တော့ခက်သည်။ နားလည်ရခက်ခဲသည်ထက် အသက်ရှူရ မကျပ်တည်းဖို့  ပို၍ အရေး ကြီးသည်။ နေ့ စဉ် ရှင်သန် နေထိုင်ခြင်းတွင် အဓိပ္ပာယ် များသည်ရောင်စုံ ပူဖောင်း များသဖွယ် ။ ကျွန်တော်သည် အိမ်ပြေး တစ်ယောက်ဖြစ်ပါသည်။

                 အနောက်ဘက် ကောင်းကင်တွင် လမ်းလျှောက်ထွက်နေသော တိမ်တိုက် များသည် ကျွန်တော့်အတွက် အဆိပ်အတောက်များ ဖြစ်ပါသည်။ မြစ်ရေပြင်တွင် အရိပ်ထင်နေသော တိမ်တိုက်များကို ငါးအချို့  ကိုက်ဝါး နေကြသည်။ လွန်ခဲ့သော တိမ်ပြို နေ့ များကို ကျွန်တော် မေ့ဖျောက်ထားပါသည်။

                                                                         *

မီးလင်းဖို ။

             နတ်ကောင်းသည် မီးလင်းဖို ထဲသို့  ထင်းများကို ပစ်ထည့်လိုက်သည်။ ခဏကြာသောအခါ မီးလင်းဖို သည် မီးညွှန့် များ လျှံလျှံတက်၍ တောက်လောင်နေသည်။ ယနေ့ တွင် ထူးထူးခြားခြား နတ်ဆိုး အသံတိတ်နေသည်။ အသံတိတ်နေသည် ဟုသာ ဆိုရတာ နတ်ဆိုး၏ နှုတ်ခမ်းများက တစ်စုံတစ်ရာကို ရေရွတ်နေသလို လှုပ်ခတ်နေသည်။ နတ်ဆိုး၏ နှုတ်ခမ်းကို ကလစ်ပေး၍ အသံချဲ့ ကြည့်လိုက်သောအခါ နတ်ဆိုး၏ ညည်းတွားသံကို အံ့သြကြီးစွာ ကြားလိုက်ရသည်။ အတ္တဆိုတာ ဘာလဲ ….။ စွဲလမ်းမှု ကိုယ်စီ နဲ့ ရှင်သန် ဖြတ်သန်းခဲ့ရတဲ့ နေ့ ရက်တွေဟာ တကယ်တမ်းကျတော့ လောင်စာတွေချည်းပဲ ဖြစ်နေခဲ့တယ်.။ လောင်စာ ။ ဘာအတွက် လောင်စာလဲ ။ ကိုယ့်ကိုကိုယ် ဘာအတွက် လောင်ကျွမ်းနေသလဲ….  ဘာအတွက်ပြာကျနေသလဲ ဆိုတာတောင် မသိခဲ့ဘူး။ ရယ်မောသံတွေရဲ့ စစ်မှန်မှု အနှစ်သာရ ဟာ ပျောက်ဆုံးသွားတာ အတော်ကြာခဲ့ပြီ။ စိတ္တဇအပြုံးတွေကို ရွှေချမနေကြပါနဲ့ တော့။ အသက်ရှူသံတွေကို ဘယ်နှခါ ပြန်ပြီး နားထောင်ဖူးကြသလဲ။ တစ်ခါတစ်ခါ ခလုတ်တိုက်မိတဲ့ မိုးကြိုးသံနဲ့  ကိုယ့်ကိုကိုယ် ပြန်ပြန်ပြီး နှိုးနေရ။ တကယ်ဆို မောပန်းသင့်နေပြီလေ။ ဒီလမ်းကို လျှောက်နေတဲ့ ခြေလှမ်းတွေဟာ ခြေကုန်လက်ပန်း ကျသင့်နေပြီ။ နတ်ဆိုး၏ စကားလုံးများကို နတ်ကောင်း ဆက်လက် မကြားချင်တော့ ။ လေထဲမှာ ပျံဝဲနေတာကိုပဲ မြင်တတ်ကြတာ…. ကြိုးတန်းလန်းနဲ့  ဘယ်အချိန် ရုတ်သိမ်းခံရမလဲ ဆိုတဲ့ သောက ကို မမြင်တတ်ကြဘူး။ နတ်ဆိုးသည် သံယောဇဉ်အချို့ ကို ဆွဲထုတ်လုံးချေ၍ မီးလင်းဖို ထဲသို့  ပစ်ထည့်လိုက်သည်။ ခရမ်းရင်ရင့် မီးတောက်များ ဟုန်းခနဲ ထ တောက်သွားသည်။

                                                                  *

အနုပညာ။

             တဖြည်းဖြည်း နီးကပ်လာသော အရာများကို သေချာကြည့်လိုက်သော အခါ မိုးမျှော်မြစ်ကမ်းမှာ ကြွေကျနေခဲ့သော ပန်းပွင့်များကို တွေ့ လိုက်ရသည်။ လိပ်ပြာတစ်ကောင်၏ တောင်ပံတွင် ငြိမ်းချမ်းရေး သင်္ကေတပုံကို တက်တူးထိုးထားသည်။ အနိမ့်အမြင့် ကွာဟလွန်းသော အသံလှိုင်းများသည် နားထဲသို့ ဗရုတ်သုတ်ခ၀င်ေ၇ာက်သွားသည်။

              အနက်ရောင် ခြယ်ထားသော ညတစ်ညထဲတွင် အဖြူရောင် အချို့ နစ်မြုပ်နေသည်။ လွင်ပြင်ကျယ် စိတ်ကူးများဖြင့်  သူတို့ တေးဆိုနေကြသည်။ ချောင်းရေစီးသံကို ကြားရသည်။ တောင်နံရံထက်တွင် ကာရန်များ လှိုင်လှိုင်ပွင့်နေပြီ။ အဘယ်အရပ်မှာ အနှစ်တစ်သန်း ရေခဲပန်းများပွင့် ဝေနေပြီလဲ။ ရနံ့ များကို ရှူရှိုက်ရမိသည်။

             လမ်းကြောင်းတစ်ခုပေါ်တွင် ခပ်မှန်မှန်လျှောက်လှမ်းနေသော ရထားတစ်စင်းဆီမှ တောင့်တမှုများ အူထွက်နေသည်ကို တွေ့ ရသည်။ အသစ်အဆန်းများကို ဈေးဆစ်ဝယ်ယူတတ်သော ကမ္ဘာကြီးသည် ဇီဇာကြောင် သော အပျိုကြီး နှင့် တူသည်။ ကျိုးပဲ့နေသော အသက်ရှူသံများဆီမှ အ၇ှိတရားအချို့  ယိုစိမ့်ထွက်နေပါသည်။ လဲလှယ်ထားသော စွဲလမ်းမှုများကို နေ့ စဉ်သုံးစွဲနေရသည်မှာ ပျင်းရိဖွယ်ကောင်းလှပါသည်။ အမှန်တကယ်တော့ ထို ကြယ်များအားလုံးသည် အတုအယောင်များ ဖြစ်သည်။ ဘယ်သူမှ လက်မှတ်မထိုးရဲသော စာချုပ်တစ်ခုပေါ်သို့  အရူး တစ်ယောက် လက်မှတ်ထိုးရန် ပြင်နေသည်။ အနန္တစကြ၀ဠာတွင် ရနံ့ မဲ့သောပန်းများ ပွင့်ဝေလျက် ရှိသည်။

              မြစ်ကို ဖြတ်ကူးသော လက်တစ်စုံအတွက် လူသားတို့ ပေးအပ်သော ဆုလာဘ်မှာ ဆဲဆို ကြိမ်းမောင်းမှုများ နှင့် ပြစ်တင်ဝေဖန်မှုများသာ ဖြစ်နေခဲ့သည်။

                                                                    *

လူနှင့် သူ၏လူများ။

                        အရေခွံလဲဖို့ သင့်နေပြီဖြစ်သော ကမ္ဘာကြီးအတွက် အားလပ်ရက်ပေးသင့်ပါသည်။ခြိမ်းခြောက်မှု များတွင် ကြောက်စရာမကောင်းဆုံးသော ခြိမ်းခြောက်မှုမှာ ကမ္ဘာပျက်ခြင်း ဖြစ်ပါသည်။ ကျွန်တော်၏ ရင်ကို ဆွဲဖွင့်၍ အနံ့ ဆိုးဆိုးလောကဓံများ ထည့်သွင်းသွားသူများမှာ သင်နှင့် သင်၏မိတ်ဆွေ ဖြစ်သည်။ ထားရစ်ခဲ့ဖို့ သင့်သည် မှန်သော်လည်း ကမ္ဘာကြီးအပေါ် ကျွန်တော်သံယောဇဉ်တွယ်နေပြီဖြစ်သည်။ စံလွဲနေသော ကျော်ကြားမှုများ ၊ လက်တစ်ထောက်စာ အောင်မြင်မှုများ သည်ပြီခဲ့သော သီတင်းတစ်ပတ်၏ ဂျာနယ်တစ်စောင်တွင် သော့ခတ် သိမ်းဆည်း ထားခြင်းကို ခံလိုက်ရပြီ ဖြစ်သည်။

                         လွယ်ကူသော မေးခွန်းများနှင့် လှေကားသဖွယ် အင်တာဗျူးတစ်ခုကို ကျောင်းပြီး ၍ အားလပ်နေသော ခေတ်ကောင်မလေးတစ်ယောက်က ပျင်း၇ိသန်းဝေရင်း ဖတ်ရှုနေသည်။ ထို အင်တာဗျူး သည် သူမ ကြိုက်နှစ်သက်သော တက်သစ်စ မင်းသားလေး၏ အင်တာဗျူး ဖြစ်သည်။ ကျော်သင့်သည်ကို ကျော်၍ ကျွန်တော်၏ ဦးနှောက်ကို ပြန်လည်စီစစ်နေရသည်မှာ အလုပ်တစ်ခုလို ဖြစ်နေပြီ။

                                                                               *

နားလည်မှု။

              ရေထဲရှိ ငါးတစ်ကောင်၏ အိပ်မက်သည် ကောင်းကင်မှာ ပျံဝဲဖို့  မဟုတ်။ မျက်နှာချင်းဆိုင်နေတာတောင်မှ အမြင်တွေ က တထပ်တည်းမကျ။ မည်သူ၏ အမှားလဲဆိုတာ အခုအချိန်မှာ မည်သူမှမပြောနိုင်ကြ။ ဆေးသောက်မှား နေသော ခေတ်၏ လိုအပ်ချက်များသည် တဏှာ၏ အကောင်းဆုံးလောင်စာများ ဖြစ်သည်။ အလျှော့ပေးခဲ့သည် ဆိုသော်လည်း တစ်ရစ်တောင် မပြည့်တော့ ပေါက်ကွဲမှုများမှာ အကြိမ်အရေအတွက် စိပ်စိပ်လာသည်။ မှားသင့် မှားထိုက်သည်များကို မှားယွင်း၍ တောင့်တသင့်သည်များ တောင့်တရင်း ညီမျှခြင်းသည် ယခုအချိန်တွင် ဇာတ်လိုက်မဟုတ်တော့။တွင်း၏ အောက်ဆုံးတွင် အမှောင်မှလွဲ၍ အခြားမရှိကြောင်း လူတိုင်း သိကြပါသည်။

သို့ သော်….။

                                                                                *

                                                                                                                                  မိုးအိမ်လူ
 Instyle Magazine , June 2013 Issue

ကြိမ်နှုန်းများ….×

မည်သူမည်ဝါ ရယ်လို့ တရားသေ သတ်မှတ် ရည်ညွှန်းချက် တစ်စုံတစ်ရာမရှိဘဲ အုပ်စုလိုက် အဖွဲ့အစည်းလိုက်

လက်ညှိုးထိုး လမ်းညွှန်ဆိုင်းဘုတ်ထိုး မြားဦးလှည့် သေနတ်ပြောင်းဝလှည့် ပစ်ကွင်းတည့်တည့် အတည်အငြိမ်

ရုတ်တရက် ရွာချလိုက်တဲ့  မီးခိုးမိုးကြောင့်လည်း ဖြစ်မယ်။ ဒါမှမဟုတ် အခြားတစ်စုံတစ်ရာလည်း ဖြစ်မယ်။

အရာရာ မရေမရာသော်ငြား ရေရာသယောင် အစစ် ထုဆစ်မှု ဖော်ထုတ်ဖွင့်ဆိုခြင်း အဓိပ္ပာယ်များအားဖြင့်လည်း

ရေအောက်ရောက်မယ့် မြို့တော်မှာ တစ်လတန်သည် တစ်နှစ်တန်သည် သွားရောက်လည်ပတ်ချင်သေးတယ်။

အချို့ကတော့ ဒီလို ဒီဇိုင်းကို မကြိုက်ကြသလို အချို့ကတော့ ဒီလို ဒီဇိုင်းကို ရူးရူးမူးမူး အချို့ကတော့ ဘာလာလာ

နိုင်ငံရပ်ခြား နာမည်ကျော်တို့ရဲ့ အမည်နာမနဲ့ အဖြစ်အပျက်နဲ့ စိတ်ထားနဲ့ ဆုံးဖြတ်ခံယူချက်နဲ့ ချုပ်စပ်ထားတဲ့

အချို့ဆို တစ်မျိုးတစ်မည် အရသာထူးပေမယ့်လည်း ကြိမ်ဖန်ဟာ များလာခဲ့ရင်တော့ဖြင့် အီအိုင်လာတတ်ပြန်ရော

လူ့သဘော လိုက်ရခက်သကိုး ကိုယ့်သဘောနဲ့ကိုယ် အဆင်ပြေရာ ပစ်လွှတ်မယ့် နျူဒုံးကျည်များဟာဖြင့်

အားလုံးဟာ အမြင်တွေလွဲနေပြီး အားလုံးဟာ ကျွမ်းကျင် ပန်းရံဆရာတွေလို နံရံတွေကို ကိုယ်တိုင်တည်ဆောက်

ကိုယ့်ကျင်းကိုယ်တူးနေမိရက်သား တန်းလန်း မြင်ကွင်းတွေဟာဖြင့် အခြားသော ပုဂ္ဂိုလ်များကို စိတ်အနှောက်အယှက်

ဖြစ်စေရုံမက ဆွဲဆောင် စည်းရုံးရာလည်း ရောက်သလို သံသရာဇာတ်လမ်း အကြောရှည်စေတဲ့ လားရာကောင်းများ

ဘယ်သူက စ ဘယ်သူက စ ဘယ်သူက စ ဘယ်သူက စ ဘယ်သူ စ ဘယ်သူက စ ဘယ်သူက စ ဘယ်သူက စ

တီးခတ်လိုက်မှန်းမသိတဲ့ ကြိုးပြတ်တူရိယာသံများကြောင့်လည်း ညတွေဟာ တသွေးတည်းတသားတည်း အနက်

သူတစ်လူငါတစ်မင်း ဖြစ်လာမယ့် ရှေးဟောင်းမြို့တော်မှာ ဘယ်သူမှ စိတ်မလိုလားဘူးဆိုလည်း ကျေးဇူးပြု၍

အသံလေး တိတ်ပေးပါ နှုတ်ခမ်းလေး ပိတ်ပေးပါ ပါးစပ်လေး ပိတ်ပေးပါ စကားလုံးလေး ပိတ်ပေးပါ မောဟလေး

ပိတ်လိုက်ပါ ပွင့်ပြီးသားတံခါးရှေ့မှာ ဘာလို့ ။ ဇီဝမျိုးစိတ်သစ်များ ထပ်မံ တွေ့ရှိလာရသည့် အကြောင်းအရင်းမှာ

ဟိုက ပေါက် ။ ဒီက ယို။ ဟိုက ပွင့်။ ဒီက ထွက် ။ ဟိုက ၀င်။ ဒီက ကူးစက်။ ဟိုက ဖြန့်။ ဒီက ပွား။ ဟိုက ဒီက။

မ က တတ်ဘဲ က နေတော့ စိတ်ပျက်စရာ အလကားဇာတ်ထုပ်တွေပေါ့။ သို့သော်လည်း ၎င်းများ များပြားလာလျှင်

တန်ဆေး လွန်ဘေး သာဓက ဥပမာ ပုံပြင် ဖြစ်ရပ်မှန်များ ရှိနှင့်နေပြီးသောလည်း မျောက်ဆိုသည်မှာ အငြိမ်မနေ

ထို ပညာရှင်ကြီးရဲ့ အလုပ်မရှိအလုပ်ရှာ သီအိုရီအရ ထိုလူတို့ ကြီးကြီးကျယ်ကျယ် ဂဏာမငြိမ်ဖြစ်နေကြသည်မှာ

အချိန်တွေ ပေးပြီး ကိလေသာတွေ ပွားများ ၀ယ်ယူနေလိုက်ကြသည်မှာ ယုံနိုင်စရာပင်မရှိ။ မည်သူ၏ မီးစပါလဲ။

ကျပ်နေကြ ဘတ်စ်ကားကြီး ကျပ်နေမြဲ ။ တင်နေကြ ကြွေးမြီးများ တင်နေဆဲ။ လည်ပင်း၏ ထောင့်တစ်နေရာသည်

သွေးစများထွက်မြဲ ထွက်လျက်နှင့်ပင်။ ကျပ်မပြည့်သူအချို့ကတော့ဖြင့် ရည်းစားနှင့်ပြတ်ပြီး အသဲကွဲနေကြတယ်။

ခေါင်းတစ်လုံး လက်နှစ်ဖက် ခြေနှစ်ချောင်း အောက်စီဂျင်ရှူပြီး ဟိုက်ဒရိုဂျင် ထုတ်တဲ့ လူချင်း အတူတူ

လူမျိုး ဘာသာ နိုင်ငံ နယ်ပယ် ခွဲခြားဆက်ဆံ ကွဲပြား ခွန်းတုန့်ပြန့်ရုံမကတော့ဘဲ ရန်စောင် တိုက်ခိုက်မှု

အကြမ်းဖက်သတ်ဖြတ်မှုတွေဟာ ပြီးခဲ့တဲ့ နှစ်မှာ စံချိန်တင်ကြိမ်နှုန်းတွေနဲ့ ကမ္ဘာမှာလည်း ဟိုးလေးတကြော်

ဒီလို မနေ့က သစ်ပင်တွေဆီက တိုးထွက်လာတဲ့ အကိုင်းအခက်တွေကလည်း ရှုပ်ရှုပ်ယှက်ယှက် ယနေ့ထဲ

သမိုင်းသစ်ရဲ့ သူရဲကောင်းများဟာလည်း လက်သီးလက်မောင်းတန်း ရဲရင့်လိုက်ပုံ အံ့ချီးမကုန်

ငြိမ်းချမ်းခြင်းတစ်ခုတည်းကို အမှန်တကယ်လိုအပ်နေခဲ့ပြီးမှ ဆိုခဲ့ပြီးမှ တလျှောက်လုံးဆိုလာပြီးမှ

ဆင်ပြောင်ကြီးတွေ အမြီးကျမှ တစ်နေခြင်းဟာဖြင့်လည်း အတ္တဗဟိုပြုတွေးတောခံစားဖက်တွယ်ခြင်းမှ စ

တကယ်တော့

အဖြေဟာ ရှင်း..ရှင်း..လေး ။ အဖြေဟာ လွယ်..လွယ် … လေး။ အဖြေဟာ ဤခရီး နီး..နီး..လေး။

ပုစ္ဆာတွေရဲ့ အဖြေဟာ ရှင်းလင်းလွယ်ကူစွာ တည်ရှိနေပြီး ရှာဖွေသူရဲ့ မောဟအတ္တကနေ တွစ်လိုက်တဲ့အခါ

မှော်ရုံတော ဆိုလား။ ၀င်္ကပါ ဆိုလား။ ပဟေဠိ ဆိုလား။ သပွတ်အူ ဆိုလား။ မလွယ်ကူဘူး အဓိပ္ပာယ်တစ်ခုခု

အသံ တွေ စီညံလာတယ်။ ဒါဟာ ဖြစ်သင့် ဖြစ်ထိုက်မှုတစ်ခုပဲ ဆိုတာကနေ ကျော်လွန်လာပြီးနောက်

မုသားတွေဟာ ရွတ်တွ ကွာကျလာတဲ့အခါ။

သင်+ခင်ဗျား+သူ+ငါ+ မင်း+သူမ+မိန်းမ+ယောကျာင်္း= သူတို့+လူတို့= လူ့အဖွဲ့အစည်း

ကနေ ရှုတ်ချ ဆဲဆို ပြစ်တင် ဝေဖန် ပြီး ကြိမ်နှုန်းများစွာ အခါခါ ငါ တို့ သမိုင်းအဆက်ဆက် မှားခဲ့ကြလေပြီပေါ့။

မိုးအိမ်လူ

၆ ဇန်န၀ါရီ ၂၀၁၃

နံနက် ၁း၅၀