တံခါးတွေဟာ ပိတ်နေတုန်း

မနေ့က ရွာတဲ့ မိုးလိုပါပဲ
     ဒီနေ့ ဆောင်းလည်း နှင်း မစဲဘူး
            နေသာချိန်ဟာ နတ်ဆိုးတို့လက်ထဲမှာ
                      သေဆုံးနှင့်ပြီလား
                               ဘယ်လိုပဲဖြစ်ဖြစ်
                                           သူများကျကျန်ရစ်ခဲ့တယ်ဆိုစေဦးတော့
                                                      ခဏတာလေး ပဲ နွေးထွေးခွင့်ရမယ်ဆိုရင်
                                                                                 ငါ ကောက်ယူထားလိုက်မှာ
                                                                                                                    နေ
                                                                                                                    ခြည်
                                                                                                                     နွေး
                                                                                                                     တွေ
                                                                                                                     ကို။

မိုးအိမ်လူ

ပန်းပွင့် အယ်လ်ဘမ် ( ၂ )

၁။ အားလုံးက အလင်း ဟု သတ်မှတ်ထားပါသည်။ ( အလင်းဟုသာ သတ်မှတ်ခြင်း ဖြစ်ပြီး မည်သူမျှ အလင်းရောင်အောက်တွင်   မနေချင်ကြ။ လိုချင်သည်ဟုသာ အကြိမ်ကြိမ် တဆာဆာ အော်ဟစ်တောင်းတပြီး ရအောင်မယူကြ။ )
၂။ ရာသီဥတု ။ နေရာဒေသ။ အချိန်ကာလ ။ ဘာဆိုဘာမှ ထိုအရာအတွက် အရေးမကြီးပါ။ အရေးကြီးသည်မှာ ခံယူတတ်ဖို့ပဲ ဖြစ်သည်။
၃။ ဒီလိုနဲ့ ကျွန်တော်တို့ အိပ်မက်တွေ ရေငတ်တတ်လာတယ်။
၎။ ဘယ်နှနာရီရှိပြီလဲလို့ ဗန်ဂိုးက မေးတယ်။ နှစ်ဆယ့် ခြောက်နာရီလို့ ပီကာဆိုက ဖြေတယ်။ ဗန်ဂိုးက ပီကာဆိုရဲ့ချိုးငှက်ကို သေနတ်နဲ့ ပစ်လိုက်တယ်။ သံလွင်ခက်လေး မြေပေါ် ကျလို့။
၅။ ခင်ဗျားရောက်လာတော့ ကျန်တဲ့သူတွေ တစ်ယောက်မှ မလာသေးဘူး။ အခြား ဘယ်သူတွေပါသေးလဲ လို့ ခင်ဗျားကမေးတော့ ဒါရိုက်တာက မေတ္တာတရားပဲ ပါတာပါ။ သူက ဒီလိုပဲ နောက်ကျတတ်တယ်လေ လို့ ဖြေတယ်။
၆။ တကယ်တော့ ဒါဟာ ဇာတ်လမ်းတစ်ပုဒ် လား။ ဖြစ်ချင်လည်း ဖြစ်မှာ။ မဖြစ်ချင်လည်း မဖြစ်နိုင်ဘူးပေါ့။ ဒါက စာဖတ်သူ ဆုံးဖြတ်ရမယ့် ကိစ္စ ။ ကျွန်တော်တို့ ခင်ဗျားတို့ စာဖတ်သူကို နှိပ်စက်လာတာ ကြာပြီမဟုတ်လားလို့ စာရေးဆရာက ပြောတယ်။ ဟုတ်တော့လည်း ဟုတ်ပါတယ်လေ။ တကယ်တော့ အားလုံး အမှတ်တစ်ခုမှာ လာဆုံသင့်တာ။
၇။ မေးခွန်းဟောင်းကြီးနဲ့ပဲ သူတို့ ဂျာလည်ရိုက်နေတော့တယ်။ အနုပညာဆိုတာ ဘာလဲတဲ့။
၈။ ပန်းတွေလေ ပွင့်လိုက်တာ ကမ္ဘာကြီးတောင် မူးသွားတယ်။
၉။ အလင်းတွေဟာ တစ်နေရာရာမှာ အမြဲတမ်း လင်းထင်းနေတာပါ။ ဘယ်သူမှ မမြင်ကြဘူး။ ဒါမှမဟုတ် ။ မမြင်ချင်ယောင် ဆောင်နေခဲ့ကြတယ်။
၁၀။  မေမေတွေဟာ ရာသက်ပန် ရနံ့သင်းတဲ့ ပန်းပွင့်တွေ။ ဖေဖေတွေဟာ ဘယ်တော့မှ မငြိမ်းတဲ့ မီးရှူးတန်ဆောင်တွေ။ မိသားစုတွေဟာ ဘယ်လိုသားရဲတွေမှ မနှောက်ယှက်နိုင်တဲ့ အလုံခြုံဆုံး နန်းတော်တွေ။
၁၁။ မယုံကြည်ခဲ့ကြဘူး။ သူဟာ သူ့အတ္တထက် ကျော်လွန်ပြီး ဘယ်သူ့ကိုမှ မယုံကြည်ရဲခဲ့ဘူး။ အခုတော့။
၁၂။ တစ်ယောက်တည်းရယ်။
၁၃။ တိတ်ဆိတ် ခြောက်ကပ် အထီးကျန် မှောင်မိုက်လို့။
၁၄။ ချစ်သူရဲ့ အိပ်မက်ဟာ ကျွန်တော်ဆီမှာ ဖူးပွင့်လို့။
၁၅။ သူတို့ တေးတွေ သီကြတယ်။ သူတို့ ကဗျာတွေ စပ်ကြတယ်။ သူတို့ တတ်စွမ်းသမျှ လင်းထင်းဖို့ ကြိုးစားနေကြတယ်။
၁၆။ နေ ဟာ ကွယ်ခဲ့ပြီ။ သက္ကရာဇ်တွေ မြောက်မြားစွာ။
၁၇။ မင်း ကော်ဖီကြိုက်လား လို့ ခင်ဗျားက သူ့ကို မေးလိုက်တော့ သူက ခေါင်းညိတ်တယ်။ ပြီးတော့ ခင်ဗျားက သူ့ကို လက်ဘက်ရည်တိုက်တယ်။ ဒါဟာ ဖြစ်သင့်တဲ့ လွဲချော်မှုလား။
၁၈။ တကယ်တမ်းကျတော့ ဘယ်သူမှ စိတ်လိုလက်ရ ရူးချင်မှာ မဟုတ်ဘူးလေ။
၁၉။ ဘ၀ ဟာ အင်ဂျင်ကျနေတဲ့ ယာဉ်တစ်ခုလို ။ စကြာဝဠာမှာ ခင်ဗျား ပိုင်တဲ့ ဂြိုဟ် ရှိလို့လား။
၂၀။ သံမဏိ မာနတွေပါ။ သူသာ ဒီကဗျာ မရေးခဲ့ရင် ဘယ်သူမှ သူ့ကို ပုန်ကန်သူလို့ သတ်မှတ်မှာ မဟုတ်ဘူး။ ခက်တာက သူက အနုပညာသမားလေ။ ကဗျာရေးသူမှ မဟုတ်တာ။
၂၁။ မေမေ့ရဲ့ ပန်းဥယျာဉ်မှာ ကျွန်တော် ရဲရဲရင့်ရင့် ပွင့်လိုက်ချင်တာ။ အခုတော့ ည တာတွေသာ ရှည်လို့။
၂၂။ ဘယ်သူ ယုံခဲ့မလဲ။ ဒီလို သိုးငယ်လေးတွေ မြေခွေး ဖြစ်သွားတာကို။ အခုတော့ ခင်ဗျား လက်တစ်ဖက် ပါသွားပြီမလား။ ခင်ဗျား နှလုံးသားတောင် အခုထိ သွေးလေခြောက်ခြားတုန်း။
၂၃။ ဘယ်အရပ်ဒေသရယ်လို့ မရှိဘူးလေ။ ခင်ဗျားသာ အလင်းကို တောင့်တရင် အလင်း က ခင်ဗျားနဲ့ ဝေးဝေးမှာ နေနေမှာ မဟုတ်ပါဘူး။
၂၄။ သူလည်း ဒီလိုနဲ့ သင်းကွဲ ဖြစ်ခဲ့တာ။
၂၅။ ကဗျာတွေတော့ ရေးနေတာပဲ။ စာတွေတော့ ရေးနေတာပဲ။ ကြယ်တစ်စင်းမှ မကြွေသေးဘူး။
၂၆။ ချစ်သူဟာ ကျွန်တော့်အတွက် အလင်းတစ်စ ပီသ ခဲ့တာပါ။
၂၇။ အလင်းယောင်တွေ အလင်းရောင်တွေ အလင်းယောင်တွေ အလင်းရောင်တွေ။
၂၈ေ။ ခြေကုန်လက်ပန်းကျတဲ့အထိ မြစ်ရေကို ဆန်တက်ဖို့ ကြိုးစားခဲ့ကြသည်။ သို့သော် စုန်ရေကသာ ...။
၂၉။ ဘယ်သူမှ မပြောလဲ ခင်ဗျားဟာ လူ့သမိုင်းမှာ ပျောက်ဆုံးသွားမှာပါ။ ဘာအတွက်နဲ့များ စိတ်ရိုင်းတွေ လှိုင်းထန်နေရတာလဲ။
၃၀။ ဒီလိုပါပဲ။ ညတိုင်း ညတိုင်း အရက်က ကျွန်တော့်ကို လာလာမူးတယ်။
၃၁။ လေပြေတွေဟာ အချိန်မှန် ရောက်လာလေ့ရှိပါတယ်။ သူက သာ နိုးထဖို့ အဆင်သင့်မဖြစ်ခဲ့တာ။
၃၂။ အမှောင်ဟုသာ ပြောနေကြသည်။ အလင်းကို မရှာကြ။ ဤသို့ဖြင့် ဘုရားသခင်သည် လူသားတို့နှင့် ဝေးသထက် ဝေးလာခဲ့သည်။
၃၃။ စကားလုံးများဖြင့် ဖော်ပြဖို့ ခက်ခဲလာသော အရာများထဲတွင် မေတ္တာတရားလည်း ပါဝင်လာခဲ့သည်။
၃၄။ ဤသက္ကရာဇ်မှ စ၍ လောကကြီးတစ်ခုလုံး မှောင်မိုက်ဖို့ အဆင်သင့်ဖြစ်နေခဲ့ကြပြီ။
၃၅။ သတင်းစကားများ ကြားရသည်မှာ မကောင်းလှ။
၃၆။ သူ ငိုင်တွေနေသည်။
၃၇။ ခင်ဗျား ပြင်ဆင်ချင်နေပြီ။

၁။ ကျွန်တော် အိမ်ပြန်ချင်နေပြီ။


*  *  *

မိုးအိမ်လူ
၁၆ ဒီဇင်ဘာ ၂၀၁၁
ည ကိုးနာရီ လေးဆယ့်ခြောက်မိနစ်