Tuesday, November 29, 2011

မြတ်နိုးတော်မူ






သံစဉ်တစ်ပုဒ်နဲ့ အသေသတ်ခဲ့သော
လက်များ
မမြင်နိုင်မှု သံယောဇဉ်တို့
ရွှဲရွှဲစိုရင်း
မြတ်နိုးတဲ့ အကြောင်းစာစီဖို့
ဆွံ့အ လက်များဖြင့်
ထိုသူမ၏ ပုံရိပ်တို့ကိုသာ အခါခါ ရေးခြစ်
နှလုံးသားနံရံမှာ ဆေးရောင်စုံအထပ်ထပ်နဲ့
အိပ်မက်တို့ ပန်းချီကားထဲက
မထွက်နိုင်ခဲ့သော
လူတစ်ယောက်၏ ၀ိဥာဉ် ။

မိုးအိမ်လူ

မြို့တစ်မြို့ရဲ့ နေခြည်ဖြာဆင်းမှု ဖြစ်စဉ်



ထုချေ ခွဲစိတ်ထားတဲ့ သတင်းစကားတွေ အရ
ကျန်းမာရေး မကောင်းတဲ့
မြို့ဟာ ဒီလိုပဲ အရိုင်းတွေဆန် တစိမ်းတွေ ဆန် မိခင်စိတ်ပျောက်
ဘာတွေ လိုအပ်နေသလဲ ဘယ်သူရဲ့ လိုအပ်ချက်လဲ
ဘယ်သူမှ မတွေးမိဘဲ
အဆင်ပြေရာ တံဆိပ်တွေ ထုရိုက်
အုံမှိုင်းတဲ့ နေ့စွဲတွေနဲ့ မြို့။

အကြမ်းဖက်မှု တွေ သိပ်သည်းလာမှုနဲ့အတူ
မလုံခြုံမှုကို ပစ်ပစ်နှစ်နှစ် ခံစား
အမှားတစ်ရာနဲ့ အမှန် တစ်ပြက်
ဆိုလက်စ သီချင်းကို ဘာလို့ရပ်ပစ်ရတာလဲ
ဒါဟာ ချိုးခေါ်သံပဲ မဟုတ်လား။

ဘယ်အရပ်မှာလဲ ချိုးငှက်ငယ်
သံလွင်ပင်တို့ အပေါက်အရောက်နည်းနေပြီလား။

မိုးအိမ်လူ

အတု တုတဲ့ အတုတွေကို ဖျက်ပြီး စစ်စစ်မြည်တဲ့ အတုကို တုလိုက်တဲ့




မပြောခင်က ပြီးနှင့်တယ်ဆိုတော့ ဒီမှာ ပြောစရာက လျှာတန်းလန်းနဲ့
ဘယ်လိုက ဘယ်လို ဒီလမ်းကြောင်းပေါ် ကလိုရိုဖီးတွေ ယိုစိမ့်လာသလဲ
လိုတဲ့နေရာကို မသွား မလိုတဲ့နေရာမှာ ကျောက်ချချင်တဲ့ သဘာဝစတိုလ်နဲ့တော့
နံရိုးတစ်ချောင်းလွတ် ဘော်ဒီ နဲ့ မြို့ထဲ အနှံ့ နံရိုး အပြည့် ဘော်ဒီတွေကို အသေငမ်း
ဒါက စိတ်ကျန်းမာရေး ထက် ပိုတဲ့ စိတ်ကျန်းမာရေး နဲ့အတူ အာဟာရဖြည့်တင်းမှုလည်း ပါသေး
တဲ့ အကြောင်း ကျွန်တော်တို့ မြို့မှာ ဒီလိုကဗျာတွေ မရေးတော့ဘူး ပြောတဲ့ တောသား ကလေး

တကယ် တပ်လှန့်လိုက်တော့လည်း လက်ခုပ်သံတွေ တိတ်သွားတာပါပဲ
သံဓာတ်ပြည့်ဝဖို့ သံချောင်းတွေ စား စား သံချောင်းတို့ အမေ စိတ်ပူပန်မှုက ကမ္ဘာကျော်သွား
သလို ပေါက်တတ်ကရ တွေးခေါ်မျှော်မြင်မှုတွေနဲ့ လန်းပါတယ်ဆိုတဲ့ ဦးနှောက်က အနုပညာကိုတော့
ကောင်းကောင်း မသိပြန်ဘူး ပြောချင်တာက အနုပညာအယောင်ဆောင်တွေကိုပဲ လက်ခုပ်တီးတတ်တဲ့ လက်က
မောင်ချောနွယ်အတုတွေကိုပဲ လက်ဆွဲနှုတ်ဆက် တကယ့် မောင်ချောနွယ်အစစ်ကလည်း မောင်ချောနွယ်တစ်ယောက်ပဲ
ရှိတာဆိုတော့ နောက်ထပ် မောင်ချောနွယ်ဆိုတာမျိုးတာ နဲဗားပဲ မပေါ်ဘူး ပေါ်လာမှမဟုတ်ဘူး အဲဒီတော့
ခေတ်လူငယ်ပဲ ကျောပိုးအိတ် လွယ် စာရေးစာချီလုပ် လစ်ရင် ကဗျာရေး လစ်ရင် ပွဲစားလုပ် လစ်ရင် အကျိုးဆောင်
လုပ် လုပ်လို့ရတဲ့ သမာအာဇီဝ အကုန်လုပ် ကဗျာရေးခြင်းနဲ့ပဲ ဘ၀ကို အရောင်တောက်ဖို့ မောင်ချောနွယ်ဖြစ်ဖို့
စွမ်းရည်လိုသလား ရှိသလား မရှိဘူးလား သိသိကြီးနဲ့ မိုက်နေတော့လည်း တူးလိုက်စမ်း မိုက်တွင်း

လည်လည်ပတ်ပတ်တွေ အရမ်းများတဲ့ ဒီခေတ်ရောစပ်မှုကြီး ထဲမှာ
အလကားပဲတင်း ၀ါဒဖြန့်ချီရေးသမားတွေကို ယုံမှားမိတော့လည်း ရှုံးလိုက်ဦးပေါ့ တစ်ချီ
ပြီး တစ်ချီ အနိုင်က မပေါ်တော့ဘူး ကိုယ်ကလည်း အခြေမခိုင်ခဲ့တော့ တို့ထိသမျှ အဟုတ်ထင်မိတာကလည်း
တကယ့်ကို ကုလားကို ဘုရားထင်မိတဲ့ တောတွင်းလူသားကြီးလိုပါပဲ
ဘာပဲဖြစ်ဖြစ် ခေတ်မှာ ပေါ်ပင်အသက်ရှုမှု တွေ နဲ့ ပေါ်ပင် ၀မ်းစာရှာဖွေရေးတွေနဲ့
ခက်တာက ကိုယ်ကလည်း အနုပညာနဲ့ ပတ်သက်ရင် ခန္ဓာက ယူရေနီယံ မထွက်သလိုမျိုး
တန်ဖိုးရှိတာ တစ်ခုမှ မရှိလေတော့ တောပုံပြင် မြို့ပုံပြင်တွေပဲ အခါခါဖတ် အခါခါ ဇာတ်လိုက်လုပ်
အခါခါ ရင်ကွဲနာကျ နောက်ဆုံးတော့လည်း ရှေ့ကနေ အရင်ဆုံးနှင့်တဲ့ လမ်းတွေနဲ့
ဟောဒီ ပန်းပေါင်းစုံ ဆင်ယင်ထားတဲ့ နံရံကြီးကို မီးရှို့ဖျက်စီးပစ်လိုက်ပြီ။

မိုးအိမ်လူ
27.11.2011
ရယ်စရာ မဂ္ဂဇင်း