သို့ .... နှင်းဆီဝါ

ဝိဥာဉ်နက်တို့ စစ်ဝတ်တန်ဆာအပြည့်နှင့် စစ်လက်နက်တို့ ပြင်နေကြပြီ။ ကောင်းကင်ထက်ဝယ် အမှောင်သခင်သာ ပိုင်စိုး။
အလင်းစတို့ ကွပ်မျက်ခံလိုက်ရတဲ့...။ မကောင်းဆိုးဝါး နတ်မိစ္ဆာတို့၏ စေစားမှုဖြင့် ကျွန်တော်၏ ပစ္စုပ္ပန်များ ရနံ့မလှခဲ့။ ဆိုးယုတ်မှုတို့သာ
နေ့ အဆက်ဆက် ည အဆက်ဆက် မိုးလို သည်းရင်း ငရဲတစ်ပိုင်း ကျနေခဲ့သော အချိန်နာရီများ။ မလှပခဲ့ပါ။ ဘယ်လိုမှ မလှပခဲ့ပါ။
ထိုစကားလုံးကို ကျွန်တော် သုံးဖူးခဲ့ပြီးပြီ ထင်သည်။ သို့သော် သေချာရေရာစွာ မမှတ်မိတော့။ ကျွန်တော်တစ်ကိုယ်တည်း စိတ္တဇအိပ်မက်များ
ရေမျောသောက်ရင်း နေ၀င်သွားပြီလား နေထွက်သွားပြီလား။ မသိတော့ပါ။ သွေးညှီနံ့တို့ ကြားထဲမှ နှင်းဆီရနံ့တစ်စကို ကျွန်တော့်
အာရုံက အမူးအရူး လိုက်ရှာနေဆဲ။ဘယ်ရောက်နေသလဲ နှင်းဆီဝါ။

ချစ်ခြင်းတရားတို့ အငွေ့ပျံထွက်သွားသော ရာသီ။ ပန်းပွင့်သံတို့ တိုးတိုးညှင်းညှင်း။ ရင်ခုန်တပ်မက်ဖွယ်ရာ အတိတ်တို့ အမှောင်ထု
အောက်တွင် ပြားပြားဝပ်၍ မသေချာသော မနက်ဖြန် ကို စောင့်မျှော်လျက်။ လွမ်းရပါသည်။ စကားလုံးများဖြင့် ထုံးဖွဲ့ဖို့ရာ မမီနိုင်သော
မြင့်မြတ်ခြင်းဖြင့် ချစ်ခြင်းမေတ္တာသည် ဟိုး ဘုံခုနှစ်ဆင့်မှာ။ ပြန်မလာတော့သော အချစ်သီချင်းတို့ ကိုသာ ကျွန်တော် စောင့်မျှော်ရင်း
ဝိဥာဉ်နက်တို့၏ ကြမ်းကြုတ်မှုတွင် သွေးစတို့ ပျံလွင့်လို့ နေသည်။ လွဲခဲ့ပြီလား။ ဘယ်ကမ္ဘာမှာ အခြေချနေသလဲ။ ဘယ်အချိန်မှာ
ပြန်ဆုံမှာလဲ။ နှင်းဆီဝါ၏ ပွင့်ဖတ်ဝါတို့ ကျွန်တော့် နှလုံးသားပေါ် အသာအယာ ကြွေကျ။ နှလုံးသွေးတို့ အချစ်မြူး၍ တရူးရူး စီးဆင်း
ကြလေသည်။ နာကျင်ရက်စက်ခြင်း ကမ္ဘာဟောင်းကို ပြန်မခေါ်သွားကြပါနဲ့။ အချစ်တို့ မလာရင် နေပါ။ အလွမ်းတွေတော့ ယူဆောင်
မသွားပါနဲ့လားကွယ်။ လွမ်းရပါသည်  နှင်းဆီဝါ။

ခွင့်လွှတ်ခြင်း သစ္စာတစ်ပုဒ်ဖြင့် ကျွန်တော်၏ ကျိန်စာတစ်ပိုဒ်ကို ဖြေဆည်နိုင်မည် မထင်ပါ။ ခြေရာတို့သည် ဘယ်တော့မှ ပျောက်ပျက်
သည်မရှိ။ လွမ်းချင်စိတ်သာ ရှိခဲ့သည်။ လွမ်းရတိုင်း နာကျင်ရတာကို မနာကျင်တတ်တော့တာကတော့ ကျိန်စာ တစ်ခုရဲ့ အပြင်ဘက်ကို
ရောက်နေခဲ့ပြီလား။ ဒါမှမဟုတ်။ နှင်းဆီဝါလေး၏ မေတ္တာ လေပြေတို့ ကျွန်တော်၏သားရဲတွင်းဆီသို့ အရောက်လာနိုင်ခဲ့ပြီမို့လား။
ေ၀၀ါးခြင်း။ တစိမ်းတရံထက်ပိုသော ရန်သူထက်ပိုသော ထိုသူများ၏ အလယ်မှာ ကျွန်တော့်အတွက် အလင်းတစ်စသည် ဘယ်တော့မှ
ကြွေကျလာပါမည်လဲ။ နက္ခတ်တို့ ရက်စက်စွာ ပြောင်းလဲခဲ့ပြီ။ ကံကြမ္မာဆိုးတို့၏ အောင်မြင်မှုမှာ တသည်းသည်း။
မြင်တွေ့မှု မြင်ကွင်းများကို မုန်းတီးသည်။ ကြားနာမှု အသံများကို မုန်းတီးသည်။ ထိရှမှု အတွေ့များကို မုန်းတီးသည်။ လိုချင်မှု
လောဘများကို မုန်းတီးသည်။ အမှန်ကို မမြင်နိုင်မှု အ၀ိဇ္ဇာကို မုန်းတီးသည်။ မုန်းတီးခြင်းများကို မုန်းတီးသည်။

ဘယ်လို အိပ်မက်မျိုးကို ရက်ရှည် ကျွန်တော် မက်ချင်ပါသလဲ။ ရွေးချယ်ခွင့်တို့ မျိုးသုဉ်းပျောက်ကွယ်ခဲ့သည်မှာကြာပြီ ဖြစ်သည်။
ချစ်ရပါသော နှင်းဆီဝါအား လွမ်းဆွတ်ခြင်း နှင့် အတူ နောင်တတရားများ။ လွန်ခဲ့ပြီဟု သိသည့်အချိန်တွင် လွန်ခဲ့သည်ထက် ပို၍
လွန်နေခဲ့ပြီ။ ကြက်ခြေခတ် နက်နက်ဖြင့် ကျွန်တော့်၏ နှလုံးသားကို စုတ်ထိုးထားခဲ့သည်မှာ ထိုဖြစ်ရပ်များ၏ နောက်တွင်။
စကားလုံးတွေ နှင့် ရန်ဖြစ်ရသည်မှာလည်း မောပန်းလှပါပြီ။ သေချာမှုတစ်ခုကို သေချာချင်တော့သည်။ နှင်းဆီဝါ။ ရနံ့။ ပွင့်ဖတ်။
အရာအားလုံး ဟိုးအဝေးမှာ လှပနေပြီလား။ ကျွန်တော်နဲ့ အဝေးဆုံးမှာ လှပနေပြီလား။ ချစ်ခြင်းမေတ္တာနှင့် မသက်ဆိုင်သူအတွက်
လွမ်းဆွတ်ခြင်းတို့သာ ပွင့်ဝေခဲ့ရ။ လွမ်းလွမ်းလေးပဲ ပြောနေမိတယ်။ စကားလုံးများ။ အချိန်နှင့်အမျှ။ လွမ်းရပါသည်။
သို့ ...နှင်းဆီဝါ။


မိုးအိမ်လူ
၂၂ နိုဝင်ဘာ ၂၀၁၁
ည ကိုးနာရီခွဲရန် ငါးမိနစ်အလို