သူရော ကိုယ်ရော ဇီဝဗေဒထဲမှာ ပါဝင်တယ်
ဘေစ့်များနေတဲ့ မြေဆီလွှာမှာ အဲဒီသစ်ပင် ပေါက်တော့
ကလိုရိုဖီးလ်ဟာ ငယ်ငယ်ရွယ်ရွယ် အရိုင်းစိတ်
ကိုယ်တို့ နာမည်တွေ ကျမ်းစာတစ်ခုမှာ ပါဝင်လာမယ်လို့
ပျောက်ဆုံးနေတဲ့ နံရိုးက မသိရှိလေခြင်းဟာ
ရီဆိုင်ကယ် သုံးလို့ မရတဲ့ အတူတူ ဒိုင်နိုဆောတွေကို
ကိုယ်တို့ အတူ ချုံ့ပစ်ခဲ့ကြ
ဘော်ဘီလေးရဲ့ ပလပ် ပလပ် လျှာ လျက်သံကနေ
တေးသီချင်းတွေ စတင် ပေါ်ပေါက်လာတယ်ပြောရင်
စိတ်ဆိုးကြမလား
ခင်ဗျားတို့ လိုချင်တဲ့ အဖြေ ဟာ ကျွန်တော့်ဆီမှာ
မေးခွန်းဖြစ်နေခြင်း
ရှုပ်ထွေးသမျှ ထွေးယှက်သွားတဲ့ အခါမှာ
နံရိုးလေးရေ… ပြန်ခဲ့တော့ကွယ်
ငါတို့ဟာ ကမ္ဘာဦးလူသားတွေ မဟုတ်ကြတော့ဘူးတဲ့။
မိုးအိမ်လူ
No comments:
Post a Comment