ကော်ဖီတစ်ခွက်

ကော်ဖီတစ်ခွက် နောက်ကျစွာ အေးစက်သွားခြင်း ဖြစ်စဉ်၏ နောက်ပိုင်း
သူမ ထွက်သွားခဲ့သည်။ အလှတရားတို့ ရုတ်သိမ်းသွားသည်။ စကားစတို့ ဖြတ်တောက်သွားသည်။ အမုန်းတရားတို့ ချန်ရစ်ခဲ့သည်။
မဲ့ပြုံးတို့ တန်းလန်း ပါသွားသည်။ ရေဒီယို အသံလှိုင်းပျောက်ရှသွားသည်။ ကမ္ဘာမြေ ကြောင်အ ရပ်တန့်သွားသည်။ မီးလုံးတို့
အလင်း မဲ့သွားသည်။ ကဗျာတစ်ပုဒ် အော်ဟစ်နေသည်။ လေညှင်းတို့ မတိုက်တော့ပါ။ ပန်းပွင့်တို့ ပွင့်ရန် တွန့်ဆုတ်သွားသည်။
လမင်းငယ် တိမ်ကွယ်၍ ပုန်းလေသည်။ သီချင်းသံတို့ အဝေးမှာ ပျယ်လွင့်သွားသည်။ ဆွံ့အမှုတို့ လည်ချောင်းနာနေသည်။
မျက်ဝန်းတစ်စုံ ငွေ့ရည်ဖွဲ့ရန် ပြင်သည်။

ကော်ဖီတစ်ခွက် နောက်ကျစွာ အေးစက်သွားခြင်း ဖြစ်စဉ်၏ နောက်ပိုင်း
ကျွန်တော် ရှိနေပါသလား။ မသိပါ။ မျက်လုံးသည် ပုံရိပ်ကို ဖမ်းနေပါသလား။ မသိပါ။ စကားကြွင်းများ ရှိနေသေးသလား။ မသိပါ။
သိဖို့လိုအပ်ပါသလား ။ မသိပါ။ ကျွန်တော်သည် ကျွန်တော် ဖြစ်ကြောင်း သက်သေပြချက် တစ်ခု အမြန်လိုအပ်နေပါသည်။
ရင်နင့်အောင် ရှိပါသလား။ အမြန်အကြောင်း ကြားပါ။ နေလင်းထွန်း ရှိပါသလား။ အမြန် အကြောင်းကြားပါ။ ဂျိုးငယ် ရှိပါသလား။
အမြန်အကြောင်းကြားပါ။ ကဗျာ ရှိပါသလား။ အမြန်အကြောင်းကြားပါ။ စကားပြေ ရှိပါသလား။ အမြန်အကြောင်းကြားပါ။
ထိုအရာတို့ ရှိလျှင် ကျွန်တော်ရှိကြောင်း သေချာနိုင်ပါသည်။

ကော်ဖီတစ်ခွက် နောက်ကျစွာ အေးစက်သွားခြင်း ဖြစ်စဉ်၏ ရှေ့ပိုင်း
စစ်သွေးကြွ စကားလုံးများ ဖြင့် သူမ ကျွန်တော့်ကို တိုက်ခိုက်ဖို့ ပြင်နေ၏။ ကော်ဖီထဲသို့ သကြားထည့်ဖို့ ကျွန်တော် ပြင်နေ၏။
အဘယ်ကြောင့် တစ်သိန်းဖြင့် သူမကို မေးခွန်းထုတ်ဖို့ရာ ကျွန်တော်သည် ဒေါက်တာဘွဲ့ရသူ မဟုတ်ပါ။ သို့ဖြစ်၍ သူမကလည်း 
မည်သည့် မေးခွန်းကိုမှလည်း ဖြေဖို့ စိတ်ကူး ရှိမည် မထင်ပါ။ ဤနေရာတွင် ဇာတ်လမ်းတစ်ပုဒ် လိုအပ်ပါသလား။ လိုအပ်သည်ထင်လျှင်
သင် နှစ်သက်ရာ အချစ်အလွမ်း ဇာတ်လမ်းတစ်ပုဒ် ထည့်သွင်းနိုင်သည်။ တစ်ခုတော့ ရှိသည်။ ဇာတ်လမ်းအဆုံးတွင် မင်းသမီးက
မင်းသားကို ထားခဲ့ဖို့တော့ လိုသည်။ ဆက်ပါမည်။ သူမ၏ ချွန်ထက်မြိရှသောစကားလုံးများသည် ကျွန်တော်၏ နှလုံးသားထဲသို့
အတိုင်းမသိ ထိုးစိုက်နေသည်။ ကျွန်တော် ပြာကျဖို့ ပြင်နေသည်။ ပြာကျဖို့သင့်သလား မသင့်ဘူးလား ဆိုတာလည်း စဉ်းစားရသေး
သည်။ သူမကတော့ အာဖဂန် စစ်သွေးကြွ တစ်ဦးလို အဆက်မပြတ် အသေအကြေကို တိုက်ခိုက်နေသည်။ ကြာတော့ ကျွန်တော်
သနားလာမိသည်။ သေချာတာကတော့ ဒီနေရာမှာ ဇာတ်သိမ်းဖို့ ပဲ ဖြစ်သည်။

ကော်ဖီတစ်ခွက် နောက်ကျစွာ အေးစက်သွားခြင်း ဖြစ်စဉ်၏ ရှေ့ပိုင်း
ကဗျာမဟုတ်သော ကဗျာများ ကျွန်တော်ကို ကိုလိုနီပြုဖို့ ကြံနေသည်။ နွားထိုးကြီး FM မှ မင်းယုမာန်၏ အင်တာဗျူးကို နားထောင်
လိုက်ရသည်။ ၀တ္ထုဆန်သော ၀တ္ထုတိုများ ရေးချင်စိတ် မရှိတော့ပါ။ စကားပြေ ဟူသည် အဘယ်နည်း။ ရင်နင့်အောင်တစ်ယောက်
မှန်ထဲမှ ပုံရိပ်ကို ထိတ်လန့်စွာ စောင့်မျှော်နေသည်။ စကားလုံးများဖြင့် ဖွဲ့တည်ထားသော သို့မဟုတ် တည်ဆောက်ထားသော
အရေးအသားများကို ဘယ်ပုံဘယ်နည်းနှင့် ကဗျာဝတ္ထုဟူ၍ အမျိုးအစားခွဲကြပါသည်။ ခွဲခြားပုံ ခွဲခြားနည်းကို ဘယ်သူတွေ စတင်
သတ်မှတ် တီထွင်လိုက်ပါသနည်း။ နေလင်းထွန်းတစ်ယောက် မှန်တစ်ချပ်နှင့် ရန်ဖြစ်နေသည်။ မှန်ထဲမှ နေလင်းထွန်းက မှန်အပြင်မှ
နေလင်းထွန်းကို အနိုင်ရသွားသည်။ အဘယ်ကြောင့်ဆိုသော် မှန်ထဲမှ နေလင်းထွန်းကို ရင်နင့်အောင်၏ ပုံရိပ်က ကူညီ ပေးသော
ကြောင့် ဖြစ်သည်။ ကြားလျှင် အကိုတော်နှစ်ယောက်က ကျွန်တော့်ကို လာသတ်ပါလိမ့်မည်။ ကျေးဇူးပြု၍ သွားမပြောပါနှင့်။
အသိကို အသိမှာပဲ ရပ်တန့်ပေးကြပါ။ ဆက်လက်၍

ကော်ဖီတစ်ခွက် အေးစက်စွာ ကျကွဲသွားခြင်းနှင့် အတူ
သူမ နှုတ်မဆက်ဘဲ ထွက်သွား၍ သို့မဟုတ် ကျွန်တော့်ကို ထားသွား၍ ကျွန်တော် များစွာ ၀မ်းမနည်းမိ။ ရေစက်သည် မီးစက်မဟုတ်
ကြောင်း သင် သိမည် ထင်ပါသည်။ ဆက်လက်၍ ဇာတ်လမ်းပီသသွားအောင် သို့မဟုတ် ခံစားတတ်သောလူတစ်ယောက် ဖြစ်ကြောင်း
သက်သေပြရန် ကော်ဖီခွက်ကို ကျွန်တော် ဟန်ဆောင်ပန်ဆောင် အားနှင့် မာန်နှင့် ရိုက်ခွဲပစ်လိုက်ပါသည်။ မျက်နှာမှာတော့ ဒေါသ
အပြည့်နှင့်။ ဂျွန်နီဒပ်တို့ တွမ်ဟင်ခ့်တို့ ဘရက်ပစ်တို့ မြင်ရင် ကျွန်တော့်ကို ဆရာတင်ချင်စိတ်ပေါက်သွားလောက်သော အိုက်တင်ဖြင့်
ဖြစ်သည်။ သို့သော် ဇာတ်လမ်းသည် အဲဒီမှာမှ စကြောင်း နောင်တကြီးစွာ ကျွန်တော်သိလိုက်ရသည်။ ကျွန်တော်ခွဲပစ်လိုက်သော
ကော်ဖီခွက်ဖိုးကို အလျော်တောင်းလေသောအခါ ။
ကြီးကြီးကျယ်ကျယ် ငါးထောင်တန် ကော်ဖီကိုမှ သောက်တတ်သော ( တကယ်လည်းမသောက်ဘဲနှင့် မှာယူသော ) သူမ ကို မုန်းသည်။
ကြီးကြီးကျယ်ကျယ် ရည်စားမှာတိုင်း ကိုယ့်အခြေအနေကိုယ် မသိ ၀ယ်ကျွေးချင်သော ကျွန်တော့်ကိုယ် ကျွန်တော် မုန်းသည်။
ကြီးကြီးကျယ်ကျယ် ရိုးရိုးခွက်သုံးလည်း ရရဲ့သားနှင့် တန်ဖိုးကြီး ခွက်တွေသုံးသော ကော်ဖီဆိုင်ကို မုန်းသည်။
ကြီးကြီးကျယ်ကျယ် ကော်ဖီခွက်ကွဲတာတောင် ဘာမှမဖြစ်သလို ယဉ်ယဉ်ကျေးကျေး အလျော်တောင်းနေသော ဆိုင်ပိုင်ရှင်ကို မုန်းသည်။

လမ်းသွားရင်း ကော်ဖီဆိုင်တစ်ဆိုင်မှာ ကော်ဖီခွက် အကွဲတွေနဲ့ ဆိုင်ပိုင်ရှင်နဲ့ စကားများနေသော လူတစ်ယောက်ကို တွေ့လျှင်
ဝေးဝေးက ရှောင်ကြပါ။ ထိုသူသည် ကော်ဖီဖိုးသာ တတ်နိုင်ပြီး ကော်ဖီခွက်ဖိုးမတတ်နိုင်သော ရည်းစားပစ်ခံရသော ကြီးကြီးကျယ်ကျယ်
လုပ်တတ်သော သူငယ်ချင်းမြင်လျှင် ပိုက်ဆံချေးဖို့ လျှာမလေးသော သင်၏ ချစ်လှစွာသော ရောင်းရင်းကြီး မိုးအိမ်လူ ဖြစ်သောကြောင့်
တည်း။


မိုးအိမ်လူ
၂၃ နိုဝင်ဘာ ၂၀၁၁
ည ကိုးနာရီ နှစ်ဆယ့်သုံး မိနစ်