မကိုင်တွယ်ရတာ ကြာပြီဖြစ်တဲ့ စာရွက်များကို ညက အိပ်မက် မက်တယ်
မမြင်ရတဲ့ စကားလုံးတွေနဲ့ ကြားနေရတဲ့ ကြားနေကျ အဓိပ္ပါယ် ဝိုးတဝါး များ
ရန်ကုန်မိုးလို တဝေါဝေါ တဖွဲဖွဲ အုံ့သည်း တိုးဝင်
ခေါက်ထားတဲ့ စိတ်ကူးကို လွယ်အိတ်ထဲ အလျင်စလို သိမ်းလိုက်ရတယ်။
အမှတ်တရများကို တေးမှတ်ထားခြင်း အချက်အလက်
အစီအစဉ် မကျမှုများဟာ စိတ်ရဲ့ ပုံရိပ်စစ်ဖြစ်တယ်
ချိုးထားတဲ့ စက္ကူ ရုပ်တွေဟာ စိတ်ထွက်ပေါက်
အခု
စက္ကူ ရုပ်တွေ ဘယ်ဆီ ပြေးထွက်သွားကြသလဲ ပျံသန်းသွားကြသလဲ
လွမ်းစိတ်ကို တေးမှတ်ဖို့ရာ စာရွက်များဟာ အနားကို မရောက်လာနိုင်ကြသလား.. လာရောက်ခွင့်မရှိခဲ့ကြသလား
လမ်းမကြီးဟာ ရှုပ်ထွေးနေတယ်
လူတွေဟာ ရောင်စုံတောက်လောင်နေတယ်
အနံ့အသက်တွေဟာ အနီးအဝေး ကစားကောင်းနေတုန်း။
စိတ်ရဲ့ဖြစ်ပျက်တွေ ပုံရိပ်ဖော်ဖို့ စာရွက်ဖြူတစ်ရွက်လောက်ဆို လုံလောက်ခဲ့မလား။
မိုးအိမ်လူ
၎ စက်တင်ဘာ ၂၀၁၆
နံက် ၉:၅၆
No comments:
Post a Comment