Saturday, September 10, 2016

ဝါက် ပံုျပင္



ထိုေန႔က ကိုယ့္အားကိုယ္ကိုး ဝါက်မ်ား ငလ်င္ထဲ ပါသြားသည္
အနာတရ ေဝဒနာအဖြဲ႔အႏြဲ႔မ်ား လိႈင္လိႈင္ပြင့္ခဲ့ၾကသည္
ျမန္မာသဒၵါကယ္ဆယ္ေရးအဖြဲ႔မ်ား လမ္းခုလတ္တြင္ လုပ္ၾကံခံလိုက္ရသည္
ဝါက်တုမ်ား ေပ်ာ္သံသည္းသည္းရြာၾကသည္
ဝါက်တုမ်ား ဝတ္စံုသစ္ဟုေခၚေသာ အေရးအသားအေဟာင္းမ်ားကို ဝတ္စံုျပည့္ တူညီဝတ္ခဲ့ၾကသည္
ဝါက်တုမ်ားသည္ ဘဝတုမ်ားကို စုစည္း၍ ပါတီေထာင္ၾကသည္
ကိုယ့္အားကိုယ္ကိုးဝါက်မ်ား၏ သမိုင္းပံုရိပ္မ်ားကို အစေဖ်ာက္ပစ္ခဲ့ၾကၿပီးေနာက္


ယေန႔ သင္ ေရးသားဖတ္႐ႈသမ်ွ အရာရာဟာ
ထိုေန႔က ကိုယ့္အားကိုယ္ကိုး ဝါက်မ်ား ငလ်င္ထဲပါၿပီးသည့္ေနာက္ပိုင္း
ဝါက်တုမ်ား၏ ဝါက်တုမ်ား ျဖစ္တဲ့အေၾကာင္း။

မိုးအိမ္လူ
၂၉.၈.၁၆
ည ၇ နာရီ ၃၆ မိနစ္

No comments:

Post a Comment