လိပ်ပြာလေးတွေ
နှင်းဆီပင်ပေါ် ၀ဲတော့
သားငယ်လေးက
ပြေးဖမ်းတယ်
သားငယ်လေး
ကိုယ့်ခြေကိုယ် မနိုင်
ပြေးထွက်တော့
မေမေက လိုက် ထိန်းရတယ်
ဖေဖေကတော့
စိုးရိမ်တကြီး စကားသံတွေနဲ့
မေမေ့ကို မြန်မြန်ထိန်းဖို့
နှိုးဆော်လို့
ဒီလို ဖြစ်စဉ်တွေနဲ့
ခေတ်တွေပြောင်းသွားတယ်
အသက်တွေပြောင်းသွားတယ်
လူတွေ ပြောင်းသွားတယ်
ဝါဒတွေ ပြောင်းသွားတယ်
ဒီလို ဖြစ်စဉ်တွေနဲ့
သားငယ်ဟာ လိပ်ပြာလေးနောက် တကောက်ကောက် လိုက်တုန်း
မေမေဟာ သားငယ်နောက် တကောက်ကောက် လိုက်တုန်း
ဖေဖေဟာ မေမေနဲ့သားငယ်နောက်ကနေ တကြော်ကြော် အားပေးနှိုးဆော်တုန်း။
မိုးအိမ်လူ
17.11.2011
No comments:
Post a Comment